រាជធានីភ្នំពេញ ៖ កន្លងមកមហាជន និងអ្នកគាំទ្រតារាចម្រៀងស្រីដ៏ល្បីឈ្មោះមួយរូបបានបង្ហាញជាចម្ងល់ថា តើពេលណាតារាចម្រៀង អ្នកនាង សុគន្ធ នីសា និងស្វាមី យកបុត្រទៅ ព្រោះអ្នកទាំងពីរបានរៀបការជាមួយគ្នាយូរឆ្នាំដែរហើយ ណាមួយទៀត បើនិយាយពីកត្តាជីវភាពរបស់តារាស្រីរូបនេះ គឺមិនមែនជាឧបសគ្គនៃការយកកូនៗនោះទេ ។
ខណៈដែលចម្ងល់កំពុងពួនផ្តុំគរដូចភ្នំ ស្រាប់តែកាលពីពេលថ្មីៗនេះ តារាចម្រៀងស្រីសម្លេងស្រទន់ អ្នកនាង សុគន្ធ នីសា ដែលទទួលបានការគាំទ្រតាំងពីចូលសិល្បៈចម្រៀងដំបូងៗនោះបានបង្ហើបប្រាប់មហាជន និងមិត្តនៅក្នុងសិល្បៈថា ខ្លួននឹងត្រៀមយកកូនដំបូងនៅឆ្នាំក្រោយនេះហើយ គ្រាន់តែមួយរយៈបន្ទាប់ពីរៀបការហើយ មានភាពមមាញឹកនៅក្នុងការងារខ្លាំង ដោយគ្មានពេលគិតគូអំពីរឿងយកកូននេះនៅឡើយ ។
យ៉ាងណាមិញ ក្រោយពីប្រកាសប្រាប់មហាជនថា ខ្លួននឹងយកកូនដំបូងហើយ អ្នកនាងនឹងសម្រេចចិត្តផ្អាកពីការងារនៅក្នុងសិល្បៈមួយរយៈធំ ដើម្បីមានពេលវេលាគ្រប់គ្រាន់សម្រាប់ខ្លួនឯង និងថែរក្សាសុខភាពផងដែរ ។
គួរបញ្ជាក់ផងដែរ បន្ទាប់ពីលឺដំណឹងថា តារាចម្រៀងស្រីដ៏ល្បីឈ្មោះ និងជាតារាចម្រៀងលេចធ្លោមួយដួងរបស់ផលិតកម្មរស្មីហង្សមាស រូបនេះប្រកាសថា នឹងយកកូននៅឆ្នាំក្រោយរួចមកបានធ្វើអោយមហាជនសប្បយចិត្ត និងចូលរួមអបអរសាទរដល់រូបនាង និងស្វាមី ពីព្រោះតែតារាស្រីរាងតូចច្រឡឹងរូបនេះ ធ្លាប់បានប្រកាសប្រាប់មហាជននៅពេលរៀបការថា នឹងយកកូនដំបូងនៅពេលខ្លួនទទួលបានទិដ្ឋាការចេញទៅសហរដ្ឋអាមេរិកជាមួយនឹងស្វាមីជាមុនសិន។
តែពេលនេះរូបនាងមិនទាន់ទទួលបានសិទ្ធទៅរស់នៅស្របច្បាប់ក៏ដោយក៏នាងសម្រេចចិត្តថា នឹងយកកូនក្មេងនៅឆ្នាំ ២០២១ នេះហើយ ៕
ចែករំលែកព័តមាននេះ