នៅក្នុងថ្ងៃសម្រេចធម៌ជាន់ខ្ពស់របស់ព្រះធម្មសេនាបតីសារីបុត្រ ត្រូវនឹងថ្ងៃពេញបូណ៌មី ខែមាឃ ព្រះបរមសាស្តាទ្រង់ធ្វើចតុរង្គសន្និបាតក្នុងវត្តវេឡុវ័ន ក្រុងរាជគ្រឹះ ហើយប្រទានតំណែង អគ្គសាវកស្តាំឲ្យព្រះសារីបុត្រ និងអគ្គសាវកឆ្វេងឲ្យដល់ព្រះមោគ្គល្លាន ។
នៅពេលដែលព្រះបរមសាស្តាប្រទានតំណែងអគ្គសាវក ដល់ព្រះថេរៈទាំងពីរអង្គនោះ មានភិក្ខុជាច្រើនចោទព្រះអង្គថា ទ្រង់ប្រទានតំណែងដោយយល់មុខ ព្រោះថាតាមដែលគួរ ទ្រង់គួរប្រទានតំណែងអគ្គសាវកដល់ភិក្ខុទាំងឡាយដែលបួសមុន តែព្រះសាស្តាបែរជារំលងភិក្ខុទាំងនោះចោលអស់ មកប្រទានតំណែងអគ្គសាវកដល់ភិក្ខុដែលបួសក្រោយភិក្ខុទាំងនោះទៅវិញ គឺប្រទានដោយយល់មុខ ។
ទ្រង់ជ្រាបរឿងនេះហើយ ព្រះសាស្តាត្រាស់ថា ម្នាលភិក្ខុទាំងឡាយ តថាគតមិនបានឲ្យតំណែងដល់ពួកភិក្ខុព្រោះយល់មុខឡើយ តថាគតឲ្យតាមបំណងដែលភិក្ខុនោះបានប្រាថ្នាមកផ្សេងៗគ្នាហើយក្នុងអតីតជាតិ ។ សាន សារិន
ចែករំលែកព័តមាននេះ