ខេត្តប៉ៃលិន ៖ បន្ទាប់ពីទទួលបញ្ជាពីលោកជំទាវ បាន ស្រីមុំ អ្នកតំណាងរាស្ត្រមណ្ឌល ប៉ៃលិន ក្រុមការងារការិយាល័យតំណាងរាស្ត្រមានគ្នាជាង១០នាក់ ដឹកនាំដោយឯកឧត្តម ហុក សុផល ប្រធានមន្ទីរសុរិយោដីខេត្ត និងជាប្រធានផ្នែកប្រតិបត្តិ នៃការិយាល័យតំណាងរាស្ត្រ ដោយមានការចូលរួមពីឯកឧត្តម ម៉ម ហម សមាជិកក្រុមប្រឹក្សាខេត្ត លោក សំ សារ៉េត អភិបាលស្រុកសាលាក្រៅ ទាំងពីរនាក់ជាអនុប្រធានផ្នែកប្រតិបត្តិនៃការិយាល័យតំណាងរា ស្ត្រខេត្តប៉ៃលិន បានដុតដៃដុតជើងនាំគ្នាចុះទៅដោះស្រាយបញ្ហាដីធ្លីដាំដំណាំដំឡូងមីមួយកន្លែង ដែលត្រូវបានលោក លាង សួគ៌ ប្រធានសាលាដំបូងខេត្តប៉ៃលិន ចេញដីការក្សាការពារមិនឱ្យប្រជាពលរដ្ឋជាម្ចាស់ដី ឈ្មោះ ណាយ ថន ភេទប្រុស អាយុ៥៧ឆ្នាំ មានប្រពន្ធ ឈ្មោះ ជា ចាន់ថានី អាយុ៤៧ឆ្នាំ ធ្វើការដកលក់ដើម្បីយកប្រាក់សងជំពាក់បំណុលគេនោះទេ ។
ការចុះដោះស្រាយបញ្ហាដីធ្លីនេះបានធ្វើឡើងកាលពីម៉ោង១០ និង៣០នាទីរព្រឹកថ្ងៃទី០៧ ខែកុម្ភៈ ឆ្នាំ២០១៥ ស្ថិតនៅចំណុចស្រែអន្ទាក់ ក្នុងភូមិភ្នំកុយ ឃុំសាលាក្រៅ ស្រុកសាលាក្រៅ ខេត្តប៉ៃលិន ។
សូមបញ្ជាក់ថា បន្ទាប់ពីលោក លាង សួគ៌ ប្រធានសាលាដំបូងខេត្ត ចេញដីការក្សាការ ពារមិនឱ្យម្ចាស់ដំឡូងមីខាងលើដកដំឡូងនៅក្នុងចម្ការចំនួន៧ហិកតា និងដំឡូងមីផ្សេងៗទៀ តនៅក្បែរគ្នានោះដែរ ដើម្បីយកប្រាក់សងជំពាក់បំណុលគេ ត្រូវម្ចាស់ដីកើតទុក្ខមិនសុខចិត្ត ក៏ដាក់ពាក្យប្តឹងសុំការអន្តរាគមន៍ពីលោកជំទាវ បាន ស្រីមុំ អ្នកតំណាងរាស្ត្រមណ្ឌលប៉ៃលិន ហើយក្រុមការងារការិយាល័យតំណាងរាស្ត្រ ក៏ធ្លាប់ធ្វើការដោះស្រាយបញ្ហាម្តងរួចមកហើយ កាលពីពេលថ្មីៗកន្លងទៅនេះ ហើយនេះជាលើកទី២ហើយដែលក្រុមការងារចុះដោះស្រាយ ដើម្បីបញ្ចប់រឿងរ៉ាវនោះផងដែរ ៕
ចែករំលែកព័តមាននេះ