រាជធានីភ្នំពេញ ៖ អ្នកស្រី មាស សុវណ្ណរតនា ដែលធ្លាប់ជាពិធីការនីពោរពេញដោយវោហារសព្ទ បានស្រវាចាប់យកជំនួញគ្រឿងសម្អាងជាមួយក្រុមហ៊ុន ដាណា ទ្រី ហើយពេលនេះជោគជ័យខ្លាំងហួសការស្មានត្រឹមពេលដ៏ខ្លី រហូតក្លាយជាម្ចាស់ប្រេនធំមួយទើបសម្ពោធជាផ្លូវការនៅថ្ងៃទី ៨ ខែសីហា ឆ្នាំ ២០២០នេះ ។

អ្នកស្រី មាស សុវណ្ណរតនា បាននិយាយថា ពិតជានឹកស្មានមិនដល់ដែលមានថ្ងៃនេះ ហើយវាផ្ដើមចេញពីដើមទុន ៣៨ ម៉ឺនរៀលខ្ចីពីម្ដាយបង្កើតរបស់ខ្លួន ។ ក្រោមការជួយយិតយោងពីលោកស្រី ទ្រី ដាណា អតីតពិធីការនីរូបនេះបានក្លាយជាម្ចាស់ប្រេន NUNA មានឥវ៉ាន់ក្នុងស្តុករាប់ម៉ឺនដុល្លារ និងអាចដោះស្រាយបញ្ហាខ្វះខាតសងបំណុលគេរួចទាំងស្រុង ។

ប្រើពេលជាង ៥ ខែ អ្នកស្រី មាស សុវណ្ណរតនា បានធ្វើឱ្យ NUNA ផ្ទុះលើទីផ្សាររហូតមានអ្នកតំណាងចែកចាយជាង ១ពាន់នាក់ទាំងក្នុងរាជធានីភ្នំពេញ និងតាមបណ្ដាខេត្តនានា ។ ម្ចាស់ប្រេន NUNA បានបញ្ជាក់ថា នៅតែបន្តជ្រើសរើសដៃគូតំណាងចែកចាយផលិតផលបន្ត ប៉ុន្តែមើលលើសមត្ថភាពសិន ទាំងការដឹកនាំ និងយុទ្ធសាស្ត្រទីផ្សារ មិនមែនវាយតម្លៃតែលើដើមទុនមួយមុខនោះទេ ។

ចំណែកលោកស្រី ទ្រី ដាណា ដែលជាអគ្គនាយិការបស់ក្រុមហ៊ុន បាននិយាយថា ក្រុមហ៊ុនមិនមែនផ្ដោតលើតែលុយមួយមុខទេ គឺផ្ដោតលើគុណភាព និងកេរ្តិ៍ឈ្មោះផងដែរ ។ ដោយសារបែបនេះហើយ ទើបផលិតផលលក់ដាច់ ហើយតំណាងចែកចាយក៏ងាយស្រួលក្នុងការធ្វើទីផ្សារ ។

ជាក់ស្ដែងនៅពេលនេះក្រុមហ៊ុនបានឈានទៅដល់ការសម្ពោធប្រេនថ្មី NUNA ហើយអ្នកស្រីមានជំនឿយ៉ាងមុតមាំថា នៅពេលខាងមុខ វានឹងល្បីល្បាញមិនចាញ់ NNP ឡើយ ចំណែកម្ចាស់ដេប៉ូ និងអ្នកតំណាងចែកចាយក៏នឹងមានជីវភាពល្អប្រសើរគ្រប់ៗគ្នាផងដែរ ៕ អត្ថបទសហការ