គេហទំព័របរទេស «Mirror» ចេញផ្សាយកាលពីពេល ថ្មីៗនេះឱ្យដឹងថា សាកសពព្រះសង្ឃជនជាតិម៉ុងហ្គោលី មានអាយុកាលជិត២០០ឆ្នាំ ត្រូវគេរកឃើញកាលពីដើមសប្តាហ៍នេះនៅក្នុងស្រុក Songinokhairkhan
គេហទំព័របរទេស «Mirror» ចេញផ្សាយកាលពីពេល ថ្មីៗនេះឱ្យដឹងថា សាកសពព្រះសង្ឃជនជាតិម៉ុងហ្គោលី មានអាយុកាលជិត២០០ឆ្នាំ ត្រូវគេរកឃើញកាលពីដើមសប្តាហ៍នេះនៅក្នុងស្រុក Songinokhairkhan ក្បែរទីក្រុងUlaanbaatar ប្រទេសម៉ុងហ្គោលី ។ សាកសពនោះហ៊ុមព័ទ្ធដោយស្បែកគោ និងក្របី ស្ថិតក្នុងជំហរតាំងសមាធិ ។
ផ្អែកលើការពិនិត្យកោសល្យវិច័យលើរាងកាយស្វិតដណ្តប់ឆ្អឹង អ្នកជំនាញសន្និដ្ឋានថា ព្រះសង្ឃអង្គនោះព្រះនាម «ដាស៊ី ដហ៊្សូ អីុធីហ្គីឡូវ ឡាម៉ា» ជាគ្រូព្រះពុទ្ធសាសនាទីបេ ។ ព្រះអង្គប្រសូតក្នុងឆ្នាំ១៨៥២ ។
សារព័ត៌មានក្នុងស្រុក Mongolia’s Morning Newspaper បញ្ជាក់ថា បច្ចុប្បន្នសាកសពព្រះសង្ឃអង្គនោះដែលហ៊ុមព័ទ្ធស្បែកសត្វ ត្រូវគេតម្កល់ទុកក្នុងមជ្ឈមណ្ឌលជំនាញកោសល្យវិច័យថ្នាក់ជាតិ ដើម្បីបន្តការស្រាវជ្រាវបន្ថែមទៀត ៕
ចែករំលែកព័តមាននេះ