កត្តាជាច្រើនអាចជះឥទ្ធិពលលើឱកាសជោគជ័យរបស់អាជីវកម្មនីមួយៗ ប៉ុន្តែក្នុងនោះរួមមានកត្តាមួយដែលអាជីវករមិនត្រូវមើលរំលងទេ។ កត្តានោះគឺផ្នត់គំនិតរបស់អាជីវករ។ ជាក់ស្តែង អាជីវករត្រូវតែមានផ្នត់គំនិតអភិវឌ្ឍន៍ដែលជឿជាក់ថាសមត្ថភាព និងជំនាញដែលខ្លួនមានអាចពង្រឹងបន្ថែមទៀតបានតាមការប្តេជ្ញា និងខិតខំប្រឹងប្រែង។
ការមានផ្នត់គំនិតនេះអាចជំរុញទឹកចិត្តរបស់អ្នក និងថែមទាំងនាំយកភាពជោគជ័យមកហើយអ្នកទៀត។ អ្នកអាចរៀនបណ្តុះផ្នត់គំនិតនេះតាមវិធីងាយៗខាងក្រោម៖
១. ទំនួលខុសត្រូវ
ដើម្បីអភិវឌ្ឍន៍ខ្លួន អ្នកត្រូវមានទំនួលខុសត្រូវ ឬមានការប្តេជ្ញាក្នុងការទទួលយកទំនួលខុសត្រូវ។ ក្នុងនាមជាសហគ្រិន អ្នកត្រូវតែចាប់ផ្តើមទទួលយកទំនួលខុសត្រូវ និងបង្ហាញតម្លៃនេះដាក់មនុស្សដែលធ្វើការជាមួយអ្នកព្រោះពួកគេនឹងអនុវត្តតាមអ្នកដែរ។
២. កុំខ្វល់ខ្វាយពីអ្វីដែលអ្នកដទៃមាន
អ្នកត្រូវតែជៀសវាងការច្រណែនឈ្នានីសអ្នកដទៃពេលដែលអ្នកព្យាយាមផ្តោតស្មារតីរបស់អ្នកលើអ្វីមួយ ឬព្យាយាមដឹកនាំក្រុម ឬអាជីវកម្មរបស់ខ្លួន។ ការផ្តោតស្មារតីលើអ្វីដែលអ្នកដទៃមាន និងអ្វីដែលពួកគេកំពុងតែធ្វើមានតែរារាំងអ្នកមិនឲ្យសម្រេចបានគោលដៅធំៗទៅវិញទេ។
៣. ក្លាយជាអ្នកមានជំនាញត្រឹមត្រូវក្នុងវិស័យរបស់អ្នក
ពិភពលោកនេះពោរពេញទៅដោយការបោកប្រាស និងការកុហក ជាពិសេសក្នុងពិភពប្រព័ន្ធសង្គម។ ស្ទើរតែគ្រប់គ្នាទៅហើយជាអ្នកជំនាញក្នុងផ្នែកអ្វីមួយបើយោងទៅតាមអំណះអំណាងរបស់ពួកគេលើប្រព័ន្ធសង្គម។ ប៉ុន្តែអ្នកត្រូវតែធ្វើជាអ្នកជំនាញពិតប្រាកដប្រសិនបើអ្នកចង់ជោគជ័យក្នុងអាជីវកម្ម ព្រោះឈ្មោះរបស់អ្នកនឹងនាំយកការគោរព និងជឿទុកចិត្តពីអ្នកដទៃ។
៤. កុំយកចិត្តទុកដាក់ពេលលើការបរាជ័យរបស់អ្នក
ទោះជាមនុស្សម្នាក់ៗត្រូវយល់ដឹងពីចំណុចខ្សោយរបស់ខ្លួន និងព្យាយាមពង្រឹងសមត្ថភាពរបស់ខ្លួនពិតមែន អ្នកមិនត្រូវចងចាំការបរាជ័យរបស់អ្នកខ្លាំងពេកទេព្រោះវាអាចធ្វើឲ្យអ្នកងាយនឹងបាក់ទឹកចិត្ត និងប៉ះពាល់ដល់ការផ្តោតស្មារតីរបស់អ្នកផងដែរ ៕
ចែករំលែកព័តមាននេះ