យោងតាមអាជ្ញាធរមូលដ្ឋានថា មនុស្សយ៉ាងតិច២៨នាក់ ត្រូវស្លា.ប់ក្នុងគ្រោះថ្នាក់ដែលកើតមានក្នុងអណ្ដូងរ៉ែធ្យូងថ្មមួយ នាភាគពាយ័ព្យប្រទេសចិន ។ ទីភ្នាក់ងារព័ត៌មានចិនស៊ីនហួរាយការណ៍ កាលពីថ្ងៃទី១៨ កក្កដា ថា គ្រោះថ្នាក់នេះកើតមានក្នុងទីក្រុងហានឆេងខេត្ដសាន់ស៊ី កាលពីយប់ថ្ងៃទី១៧ កក្កដា ដោយសម្លា.ប់កម្មកររ៉ែ២៨នាក់ ស្ថិតក្នុងអណ្ដូងរ៉ែនាពេលនោះ ។
យោងតាមអាជ្ញាធរមូលដ្ឋានថា មនុស្សយ៉ាងតិច២៨នាក់ ត្រូវស្លាប់ក្នុងគ្រោះថ្នាក់ដែលកើតមានក្នុងអណ្ដូងរ៉ែធ្យូងថ្មមួយនាភាគពាយ័ព្យប្រទេសចិន ។ ទីភ្នាក់ងារព័ត៌មានចិនស៊ីនហួរាយការណ៍ កាលពីថ្ងៃទី១៨ កក្កដា ថា គ្រោះថ្នាក់នេះកើតមានក្នុងទីក្រុងហានឆេងខេត្ដសាន់ស៊ី កាលពីយប់ថ្ងៃទី១៧ កក្កដា ដោយសម្លាប់កម្មកររ៉ែ២៨នាក់ ស្ថិតក្នុងអណ្ដូងរ៉ែនាពេលនោះ ។ ស៊ីនហួពុំបានផ្ដល់ភាពលំអិតថា តើគ្រោះថ្នាក់នេះកើតមានរបៀបណាឡើយ ក៏ប៉ុន្ដែការស៊ើបអង្កេតមួយកំពុងធ្វើ ហើយអាជ្ញាធរបញ្ជាឱ្យធ្វើការត្រួតពិនិត្យលើអណ្ដូងរ៉ែដទៃៗទៀតនៃតំបន់នោះ ដើម្បីចៀសវាងគ្រោះថ្នាក់នានាទៀត ។ យោងតាមម៉ាស៊ីនឃោសនាក្នុងស្រុកថា អគ្គីភ័យមួយកើតមាននៅពាក់កណ្ដាលខ្សែកាបអគ្គិសនីក្នុងអណ្ដូងរ៉ែ ញាំងឱ្យមានគ្រោះមហន្ដរាយ ។ ក្នុងគ្រោះថ្នាក់មួយទៀតនាថ្ងៃទី១៧ កក្កដា ដែរ កម្មកររ៉ែ៨នាក់ស្លាប់ក្នុងការផ្ទុះអណ្ដូងរ៉ែមួយស្ថិតក្នុងខេត្ដហ៊ឺណាន់ជិតខាង៕
ចែករំលែកព័តមាននេះ