រាជធានីភ្នំពេញ ៖ លោកស្រី ឱ វណ្ណឌីន រដ្ឋលេខាធិការ និងជាអ្នកនាំពាក្យក្រសួងសុខាភិបាលបានថ្លែងកានលពីថ្ងៃទី០៥ ខែសីហា ឆ្នាំ២០២០ អំពីស្ថានភាពនៃការវិវឌ្ឍជំងឺគ្រុនឈីកនៅក្នុងប្រទេសកម្ពុជាថា…
រាជធានីភ្នំពេញ ៖ លោកស្រី ឱ វណ្ណឌីន រដ្ឋលេខាធិការ និងជាអ្នកនាំពាក្យក្រសួងសុខាភិបាលបានថ្លែងកានលពីថ្ងៃទី០៥ ខែសីហា ឆ្នាំ២០២០ អំពីស្ថានភាពនៃការវិវឌ្ឍជំងឺគ្រុនឈីកនៅក្នុងប្រទេសកម្ពុជាថា រហូតដល់ថ្ងៃទី០៥ ខែសីហា ឆ្នាំ២០២០ តាមរបាយការណ៍ស្រាវជ្រាវ និងតាមដានដោយយកចិត្តទុកដាក់ពីកម្មវិធីជាតិ ប្រយុទ្ធនឹងជំងឺគ្រុនឈាមបានរាយការណ៍ថា មានករណីសង្ស័យជំងឺគ្រុនឈីក សរុបទូទាំងប្រទេស កើនឡើងពី ១០២០ករណីសង្ស័យ ដែលបានរាយការណ៍លើកមុននោះ ពេលនេះឡើងមកដល់ ១៧០០ករណីសង្ស័យ ដែលកើតមានឡើងនៅលើខេត្តចំនួន១៥ ។
លោកស្រីបានបន្តថា ករណីគ្រុនឈីកនេះ មានខេត្តខ្លះមានករណីច្រើន ខ្លះមានត្រឹមតែពី ១ទៅ២ករណី ហើយខ្លះទៀតមានពី ៥ទៅ៦ករណីសង្ស័យតែប៉ុណ្ណោះ ។ លោកស្រីសង្កត់ធ្ងន់ៗ «ខ្ញុំសូមបញ្ជាក់ថា យើងរកឃើញ ៧២,៤០ភាគរយ ដែលនេះជាចំនួនខ្ពស់ដែរ ហើយដែលបងប្អូនប្រជាពលរដ្ឋទាំងអស់ សូមមេត្តាយកចិត្តទុកដាក់ ក្នុងការការពារខ្លួន ពីព្រោះយើងមានរដូវភ្លៀង ហើយការកកើតមូសក៏មានច្រើនផងដែរ» ។
មន្ត្រីជាន់ខ្ពស់ក្រសួងសុខាភិបាលថា ករណីសង្ស័យនៃជំងឺគ្រុនឈីកនេះ មានការកើនឡើង ជាពិសេសនៅខាងខេត្តសៀមរាប ពី១៦៧ករណីសង្ស័យ កើនដល់ ៦៧៤ករណីសង្ស័យ នៅខេត្តកំពង់ចាមពី ១៤៦ករណីសង្ស័យ កើនដល់ ២៨០ករណីសង្ស័យ ហើយនៅខេត្តកណ្តាលកើនពី ១៤២ករណី ដល់១៦៤ករណីសង្ស័យ និងខេត្តបន្ទាយមានជ័យពី ២១១ករណីសង្ស័យ កើនដល់២២៧ករណីសង្ស័យ ។ ខេត្តមួយចំនួនទៀត មានការកើនឡើងដែរ តែតិចតួចបំផុត ឯខេត្តមួយចំនួនទៀត មិនទាន់មានការកើនឡើងករណីសង្ស័យទេ ។
សូមបញ្ជាក់ ៖ លើកមុននោះយើងមាន១២ខេត្ត តែលើកនេះថែមខេត្តចំនួន៣ខេត្តទៀត គឺខេត្តកំពង់ធំ បាត់ដំបង និងកណ្តាល ។ ខេត្ត១៥នេះមានៈ ស្ទឹងត្រែង កំពង់ធំ បាត់ដំបង ប៉ៃលិន ពោធិ៍សាត់ ឧត្តរមានជ័យ កំពត ត្បូងឃ្មុំ តាកែវ ព្រះសីហនុ ព្រះវិហារ កណ្តាល បន្ទាយមានជ័យ កំពង់ចាម និងសៀមរាប ៕
ចែករំលែកព័តមាននេះ