សំឡេងជួងដាស់មន្ត្រីជំនាញ
រយៈពេលប៉ុន្មានខែចុងក្រោយនេះ រាជរដ្ឋាភិបាលតាមរយៈក្រសួងការបរទេស និងសហប្រតិបត្តិការអន្តរជាតិ និងបានការចូលរួមសហការដ៏ល្អពីបណ្តាប្រទេស និងអង្គការអន្តរជាតិនានា
រយៈពេលប៉ុន្មានខែចុងក្រោយនេះ រាជរដ្ឋាភិបាលតាមរយៈក្រសួងការបរទេស និងសហប្រតិបត្តិការអន្តរជាតិ និងបានការចូលរួមសហការដ៏ល្អពីបណ្តាប្រទេស និងអង្គការអន្តរជាតិនានា
រយៈពេលប៉ុន្មានខែចុងក្រោយនេះ រាជរដ្ឋាភិបាលតាមរយៈក្រសួងការបរទេស និងសហប្រតិបត្តិការអន្តរជាតិ និងបានការចូលរួមសហការដ៏ល្អពីបណ្តាប្រទេស និងអង្គការអន្តរជាតិនានា បានជួយសង្គ្រោះរំដោះស្ត្រីខ្មែរជាច្រើននាក់ដែលចាញ់បោកមេខ្យល់ ឬក្រុមហ៊ុនមួយចំនួននាំទៅធ្វើការ ឬរៀបអាពាហ៍ពិពាហ៍នៅក្រៅប្រទេស ដោយជួយចាត់បញ្ជូនមកកម្ពុជាជួបជុំក្រុមគ្រួសារវិញប្រកបដោយជោគជ័យ ។
យ៉ាងណាក៏ដោយ ក្រុមអ្នកតាមដានអំពីពលករខ្មែរ និងជនចំណាកស្រុក ក៏ដូចជាអ្នកវិភាគបានចោទជាចម្ងល់ថា ហេតុអ្វីបានជាពលករ ឬស្ត្រីខ្មែរមួយចំនួនដែលចេញទៅបម្រើការងារ ឬរៀបការជាមួយជនជាតិដទៃនៅក្រៅប្រទេសតែងតែរងគ្រោះដោយសារការធ្វើបាបរាងកាយនិងផ្លូវចិត្ត ឬបុរសបរទេសនោះបានរួមរស់ជាមួយគ្នាមួយរយៈខ្លី ក៏នាំយកទៅលក់ និងក្រោយមកធ្លាក់ខ្លួនទៅបម្រើសេវាផ្លូវភេទបែបនេះទៅវិញ?
ចម្ងល់ខាងលើនេះ ទំនងជាលំបាកឆ្លើយណាស់សម្រាប់សង្គមមួយដែលមានមន្ត្រីជំនាញពាក់ព័ន្ធត្រូវគេមើលឃើញថា ខ្វះឆន្ទៈ និងការទទួលខុសត្រូវ ដែលគេផ្តោតសំខាន់ទៅលើមន្ត្រីក្រសួងការងារ និងបណ្តុះបណ្តាលវិជ្ជាជីវៈ និងក្រសួងការបរទេស និងសហប្រតិបត្តិការអន្តរជាតិ ។ ហេតុអ្វីបានជារាល់បញ្ហាដែលកើតឡើងទៅលើពលករ និងស្ត្រីខ្មែរទទួលរងគ្រោះគេតែងទម្លាក់កំហុសមកលើក្រសួងពីរនេះ ពីព្រោះរាល់ពលករស្របច្បាប់ ឬស្ត្រីដែលគេនាំទៅរៀបការជាមួយជនបរទេសទាំងអស់សុទ្ឋតែបានឆ្លងកាត់ការបំពេញសំណុំបែបបទផ្សេងៗនៅក្រសួងទាំងពីរ ។
ជាការពិត ការគ្រប់គ្រងពលករ ឬស្ត្រីខ្មែររាប់ពាន់នាក់នៅក្រៅប្រទេសជាការងារដ៏លំបាកមួយ ប៉ុន្តែអ្វីដែលសំខាន់ប្រសិនបើមន្ត្រីក្រសួង-ស្ថាប័នពាក់ព័ន្ធដែលធ្វើកិច្ចការងារលើបញ្ហានេះ មានឆន្ទៈនិងការទទួលខុសត្រូវខ្ពស់ចំពោះពលរដ្ឋរបស់ខ្លួន នោះពលករនិងស្ត្រីខ្មែរដែលទៅធ្វើការងារនៅក្រៅប្រទេសពិតជាមិនងាយនឹងទទួលរងគ្រោះនោះឡើយ ដូចឃ្លាមួយរបស់បិតាបដិវត្តន៍ចិន លោក ស៊ុន យ៉ាតសេន ដែលនាំរបបសាធារណរដ្ឋមកឲ្យចិនគ្រប់គ្រងមកដល់សព្វថ្ងៃនេះបាននិយាយថា «កិច្ចណាមួយ ឬសកម្មភាពអ្វីមួយ ឲ្យតែខ្លួនយើងជឿជាក់ ទោះជាត្រូវរំកិលភ្នំ ឬបូមទឹកសមុទ្រ ក៏អាចធ្វើបានដោយជោគជ័យដែរ» ។
ម្យ៉ាងវិញទៀត មានឆន្ទៈនិងការទទួលខុសត្រូវហើយ ប៉ុន្តែប្រសិនបើស្រមោលនៃអំពើពុករលួយនៅតែតាមលងមន្ត្រីជំនាញនៃក្រសួងស្ថាប័នពាក់ព័ន្ធនានារបស់រាជរដ្ឋាភិបាលនោះ កិច្ចការងារខាងលើក៏មិនអាចទទួលបានប្រសិទ្ឋភាពនោះដែរ ។
ដោយមិនចង់និយាយច្រើន ក្នុងនាមពលរដ្ឋខ្មែរម្នាក់ខ្ញុំសូមសាកល្បងផ្តល់យោបល់ខ្លះៗលើបញ្ហាសន្តិសុខសុវត្ថិភាពសម្រាប់ពលករ និងស្ត្រីខ្មែរដែលធ្វើការនៅក្រៅប្រទេស។ ឧទាហរណ៍ ក្រុមហ៊ុនឯកជនមួយបាននាំស្ត្រីខ្មែរម្នាក់ទៅធ្វើការតាមផ្ទះនៅក្នុងប្រទេសម៉ាឡេស៊ី ដូច្នេះពេលទទួលបានសំណុំបែបបទស្របច្បាប់អស់ហើយ ក្រសួងការងារត្រូវសហការជាមួយក្រសួងការបរទេសតាមរយៈស្ថានទូតកម្ពុជាប្រចាំម៉ាឡេស៊ី ដោយផ្តល់ព័ត៌មានគ្រប់ជ្រុងជ្រោយអំពីអត្តសញ្ញាណ មុខរបរ ទីតាំងដែលស្ត្រីនោះត្រូវទៅបម្រើការងារ ។ ជាមួយគ្នានេះដែរ ក្រសួងការងារនិងបណ្តុះបណ្តាលវិជ្ជាជីវៈ ត្រូវតែត្រួតពិនិត្យរបាយការណ៍ប្រចាំសបា្តហ៍ ឬខែ និងសៀវភៅបន្ទុករបស់ក្រុមហ៊ុន ថាតើបានតាមដាន ឬទទួលបានព័ត៌មានអ្វីខ្លះពីស្ត្រីដែលកំពុងធ្វើការងារផ្ទះនៅម៉ាឡេស៊ីនោះ ហើយក៏ត្រូវតែមានលេខទូរស័ព្ទរបស់ស្ថានទូតខ្មែរប្រចាំម៉ាឡេស៊ី ឬក្រសួងការងារ ដែលស្ត្រីរូបនោះអាចទាក់ទងនៅពេលមានបញ្ហាការធ្វើទារុណកម្ម ឬការរំលោភលើរាងកាយជាដើមពីសំណាក់ម្ចាស់ផ្ទះ ដើម្បីងាយស្រួលក្នុងការសង្គ្រោះទាន់ពេលវេលា និងចាត់វិធានការតាមច្បាប់ ។ ដោយឡែក ស្ថានកុងស៊ុល ឬស្ថានទូតខ្មែរ ក៏ត្រូវមានកាតព្វកិច្ចតាមដានជាប្រចាំ (២សបា្តហ៍ម្តង ឬ១ខែម្តង) ទៅលើកិច្ចការងាររបស់ស្ត្រីនោះដែរ ។
ប្រសិនបើមានការតាមដានសកម្មភាពនានារបស់ពលរដ្ឋខ្មែរដែលធ្វើការងារនៅក្រៅប្រទេស តាមអ្វីដែលបានលើកឡើងខាងលើ មកដល់ពេលនេះគឺគេអាចនិយាយបានថា គ្មានទេពលកររងគ្រោះ ឬការបាត់ខ្លួនពលករជាដើមនោះ ។
យ៉ាងណាក៏ដោយ យោបល់នេះវាគ្រាន់តែជាទស្សនៈដើរក្រោយសកម្មភាពរបស់ក្រសួងការងារនិងបណ្តុះបណ្តាលវិជ្ជាជីវៈ និងក្រសួងការបរទេស ដែលគេជឿថាបាននិងកំពុងអនុវត្តន៍ ឬធ្វើកិច្ចការងារច្រើន និងល្អជាងការបញ្ចេញមតិខាងលើនេះទៀត ។ ទោះជាយ៉ាងណា វាជាស្នូរជួងមួយគ្រាន់តែដើម្បីដាស់មន្ត្រីជំនាញពាក់ព័ន្ធមួយចំនួនតូចដែលបាននិងកំពុងលង់លក់លើទឹកភ្នែកពលកររងគ្រោះនិងក្រុមគ្រួសារតែប៉ុណ្ណោះ ៕
ចែករំលែកព័តមាននេះ