វៀតណាម ៖ ប្រព័ន្ធផ្សព្វផ្សាយរដ្ឋបានរាយការណ៍កាលពីថ្ងៃច័ន្ទថា ការផ្ទុះកូវីដ១៩ មួយដែលបានចាប់ផ្តើមនៅក្នុងទីក្រុងដាណាំង ប្រទេសវៀតណាម កាលពីជាងមួយសប្តាហ៍មុន បានរាលដាលដល់រោងចក្រក្នុងទីក្រុង យ៉ាងហោចណាស់ចំនួន ៤…
វៀតណាម ៖ ប្រព័ន្ធផ្សព្វផ្សាយរដ្ឋបានរាយការណ៍កាលពីថ្ងៃច័ន្ទថា ការផ្ទុះកូវីដ១៩ មួយដែលបានចាប់ផ្តើមនៅក្នុងទីក្រុងដាណាំង ប្រទេសវៀតណាម កាលពីជាងមួយសប្តាហ៍មុន បានរាលដាលដល់រោងចក្រក្នុងទីក្រុង យ៉ាងហោចណាស់ចំនួន ៤ ដែលមានកម្លាំងពលកម្មសរុបប្រហែល ៣,៧០០ នាក់។
កាសែតឡាវដុង បាននិយាយថា មានករណីចំនួន៤ ត្រូវបានគេរកឃើញនៅរោងចក្រក្នុងឧទ្យានឧស្សាហកម្មផ្សេងៗគ្នា ក្នុងទីក្រុងកណ្តាល ដែលផ្តល់ការងារដល់មនុស្ស ៧៧,០០០នាក់។
ប្រទេសវៀតណាម ត្រូវបានគេកោតសរសើរយ៉ាងខ្លាំងចំពោះវិធានការសម្រេចចិត្តរបស់ខ្លួនក្នុងការប្រយុទ្ធប្រឆាំងនឹងកូវីដ១៩ កាលពីខែមករា។ តែនៅពេលនេះ ស្រាប់តែមានការផ្ទុះមិនធម្មតាមួយតាំងពីចុងខែកក្កដា។
អាជ្ញាធរកាលពីថ្ងៃច័ន្ទ បានរាយការណ៍ករណីថ្មីមួយ ដែលទាក់ទងទៅនឹងដាណាំង ដែលករណីនេះត្រូវបានគេរកឃើញនៅថ្ងៃទី២៤ ខែកក្កដា ដែលជាករណីឆ្លងដំបូងគេរបស់ប្រទេសវៀតណាម ក្នុងរយៈពេល ១០០ថ្ងៃ។
ប្រភពនៃការផ្ទុះជំងឺនេះនៅមិនទាន់ច្បាស់នៅឡើយទេ ប៉ុន្តែវាបានរាលដាលដល់កន្លែងផ្សេងៗគ្នាយ៉ាងហោចណាស់ ១០ កន្លែង រួមមានរដ្ឋធានីហាណូយ និងមជ្ឈមណ្ឌលពាណិជ្ជកម្មទីក្រុងហូជីមិញ ហើយបានឆ្លងដល់មនុស្ស ១៧៤នាក់ និងសម្លាប់ ៦ នាក់។
រដ្ឋាភិបាលបាននិយាយនៅក្នុងសេចក្តីថ្លែងការណ៍មួយថា ២២% នៃការឆ្លងថ្មីបំផុត គឺមិនមានរោគសញ្ញាទេ។ ប្រទេសចំនួន ៩៦លាននាក់បានបញ្ជាក់ថា មានការឆ្លងយ៉ាងហោចណាស់ ៦២២ករណី ដោយមានអ្នកបាត់បង់ជីវិត ៦នាក់។
លោកនាយករដ្ឋមន្ត្រី Nguyen Xuan Phuc បាននិយាយកាលពីថ្ងៃច័ន្ទថា ដើមខែសីហា គឺជាពេលវេលាកំណត់មួយ ដើម្បីទប់ទល់នឹងការផ្ទុះឡើងថ្មី ដែលលោកបាននិយាយថាអាចមានឥទ្ធិពលធ្ងន់ធ្ងរជាងរលកនៃការឆ្លងពីមុន។
យោងតាមការវិភាគរបស់រ៉យទ័រ នៃទិន្នន័យផ្លូវការបានឱ្យដឹងថា ប្រទេសវៀតណាមបានធ្វើការតេស្តលើប្រជាជន ៥២,០០០នាក់ ក្នុងរយៈពេល ៧ ថ្ងៃកន្លងមកនេះ។
រដ្ឋាភិបាលបាននិយាយកាលពីថ្ងៃសៅរ៍ថា ខ្លួនមានគម្រោងធ្វើតេស្តប្រជាជនដាណាំងសរុបចំនួន ១.១លាននាក់ ដែលជាផ្នែកមួយនៃវិធានការដែលមិនធ្លាប់មាន ដើម្បីប្រយុទ្ធប្រឆាំងនឹងការផ្ទុះឡើងនេះ។ ទីក្រុងបានដាក់ការចាក់សោរកាលពីសប្តាហ៍មុន ដោយបិទកន្លែងកំសាន្ត និងហាមឃាត់ការធ្វើដំណើរចេញក្រៅក្រុង៕ ដកស្រង់ចេញពីវេបសាយ ៖ bangkokpost (កែសម្រួលដោយ ៖ បុប្ផា)
ចែករំលែកព័តមាននេះ