រាជធានីភ្នំពេញ ៖ ក្រសួងសុខាភិបាលបានបញ្ជាក់ថា បានរកឃើញអ្នកឆ្លងជំងឺកូវីដ១៩ ថ្មីចំនួន១នាក់ និងបានព្យាបាលជាសះស្បើយចំនួន៣នាក់ ។ យោងតាមសេចក្តីប្រកាសព័ត៌មានរបស់ក្រសួងសុខាភិបាល ចេញផ្សាយនៅថ្ងៃទី៤ សីហា…
រាជធានីភ្នំពេញ ៖ ក្រសួងសុខាភិបាលបានបញ្ជាក់ថា បានរកឃើញអ្នកឆ្លងជំងឺកូវីដ១៩ ថ្មីចំនួន១នាក់ និងបានព្យាបាលជាសះស្បើយចំនួន៣នាក់ ។
យោងតាមសេចក្តីប្រកាសព័ត៌មានរបស់ក្រសួងសុខាភិបាល ចេញផ្សាយនៅថ្ងៃទី៤ សីហា ឆ្នាំ២០២០ បានឲ្យដឹងថា បានព្យាបាលជាសះស្បើយអ្នកឆ្លងជំងឺកូវីដ១៩រហូតមកដល់ពេលនេះមានចំនួនសរុប២០០នាក់ (ស្ត្រី ៤៣នាក់និងបុរស១៥៧នាក់)ក្នុងចំណោមអ្នកឆ្លងចំនួន២៤១នាក់ នៅទូទាំងប្រទេស (ស្ត្រី៤៦នាក់ និងបុរស១៩៥នាក់) ។
ក្រសួងបានឲ្យដឹងថា អ្នកកំពុងសម្រាកព្យាបាលសរុប៣៩នាក់ នៅមន្ទីរពេទ្យរដ្ឋ ក្នុងនោះនៅមន្ទីរពេទ្យមិត្តភាពខ្មែរសូវៀតមានចំនួន២នាក់ (ស្ត្រី១នាក់ និងបុរស់១នាក់) នៅមណ្ឌលសុខភាពចាក់អង្រែលើចំនួន៣១នាក់ (ស្ត្រី១នាក់ និងបុរស៣៩នាក់) នៅមន្ទីពេទ្យបង្អែកកំពង់ស្ពឺចំនួន៦នាក់ជាបុរស ។
ដោយ២នាក់ ជាជនជាតិអាមេរិកកាំងស្ត្រី១នាក់ និងបុរស១នាក់ កំពុងសម្រាកព្យាបាលនៅក្នុងស្ថាតទូតអាមេរិកប្រចាំនៅកម្ពុជា៕
ចែករំលែកព័តមាននេះ