ចេតនាអាក្រក់របស់ពួកសៀមវង្វេងប្រវត្ដិសាស្ដ្រ មកលើកម្ពុជាវាមិនមែនជាចរិតបុគ្គល ប៉ុន្មាននាក់នោះទេ តែជាចរិតពូជសាសន៍សៀមតែម្ដង ដែលដូនតាពួកគេបានចិញ្ចឹមចិត្ដឈ្លានពានប្រទេសជិតខាងខ្លួន ជាពិសេសប្រទេសកម្ពុជា រួចយកចរិតឈ្លានពាននេះហុចបន្ដឱ្យកូនចៅសៀមជំនាន់ក្រោយ ហើយពួកនេះកំពុងតែអនុវត្ដយ៉ាងសកម្ម ដែលមានក្រុមអាវលឿង ជាអ្នករៀបចំឆាកល្ខោនឱ្យអាប់ភីស៊ីតជាអ្នកឈ្លានពានទឹកដីខ្មែរ ។
អាប់ភីស៊ីត នាយករដ្ឋមន្ដ្រីភូតភររបស់ថៃ ខំផ្គាប់ចិត្ដចៅហ្វាយខ្លួន ដែលមានក្រុមអាវលឿងនៅពីក្រោយខ្នង បើអាប់ភីស៊ីត មិនធ្វើតាមបញ្ជាមេខ្លួនទេ ពួកអាវលឿងនឹងដកអាប់ភីស៊ីត ចេញពីតំណែងនាយករដ្ឋមន្ដ្រី ដូចដកកូនស្ពៃជាមិនខាន ។ រីឯអាប់ភីស៊ីតក៏បន្ដបង្កើត កំហុសកាន់តែច្រើនដោយសារពុំមានគោលជំហរច្បាស់លាស់ ។ ការសំរេចចិត្ដធ្វើអ្វីតាមបញ្ជា របស់ពួកអាវលឿងវាខុសនឹងច្បាប់អន្ដរជាតិ ខុសនឹងកិច្ចព្រមព្រៀង MOU ឆ្នាំ២០០០ បើធ្វើ តាមច្បាប់អន្ដរជាតិ និង MOU ឆ្នាំ២០០០ ខុសនិងពួកអាវលឿង ។ បញ្ហាអស់ទាំងនេះធ្វើឱ្យ អាប់ភីស៊ីតវិលខួរអស់ ពិបាកសំរេចចិត្ដខ្លាំងណាស់ ហេតុនេះហើយបានជាអាប់ភីស៊ីត ម្ដងប្រកាសលុប MOU ឆ្នាំ២០០០ ហើយប៉ុន្មានថ្ងៃកន្លងទៅនេះ អាប់ភីស៊ីតបានផ្ញើលិខិតទៅអង្គការសហប្រជាជាតិ ប្រាប់ថាខ្លួនគោរព MOU ឆ្នាំ២០០០ ។ ស្ដាប់មើលទៅ អាប់ភីស៊ីត និយាយដូចស្រវឹងស្រា រកការពិតណាមួយមិនបានសោះ ។ តើអាប់ភីស៊ីត ប្រកាន់យកជំហរណាមួយឱ្យ ប្រាកដជាមួយកម្ពុជា ? គ្រាន់តែបង្កើតបញ្ហាដើម្បីឈ្លានពានកម្ពុជា អាប់ភីស៊ីតពុំមានគោលជំហរច្បាស់លាស់ទៅហើយ ចុះចំពោះការស្វែងរកដំណោះស្រាយជាមួយកម្ពុជា តើអាប់ភីស៊ីត យកមូលដ្ឋានគ្រឹះអ្វីមកធ្វើជាជំហរ ?
អគ្គលេខាធិការអាស៊ាន លោកសុរិន្ទ ពិតសុវណ្ណ ឃើញចរិតវង្វេងវង្វាន់របស់នាយករដ្ឋមន្ដ្រីថៃ និងពិបាកទ្រាំមើលភាពក្រឡិចក្រឡុចនេះខ្លាំងពេក ក៏សំរេចចិត្ដស្នើឱ្យកម្ពុជាធ្វើការអត់ធ្មត់បន្ថែមទៀត ។ ការអត់ធ្មត់របស់កម្ពុជាឈានដល់កំរិតខ្ពស់បំផុតទៅហើយ តែចរិតក្រឡិចក្រឡុចរបស់សៀម នៅតែបន្ដបំពានមកលើអធិបតេយ្យភាពរបស់កម្ពុជាដដែល ។ អាប់ភីស៊ីតមានចេតនាគេចវេះចេញមិនឱ្យមានការអន្ដរាគមន៍ពីអន្ដរជាតិ ដោយប្រើពាក្យថា ថៃចង់មាន ដំណោះស្រាយទ្វេភាគី ។ ការពិតទ្វេភាគីបានធ្វើជាច្រើនដងរួចមកហើយ តែមិនអាចទៅរួច ដោយខាងភាគីថៃមានចេតនារារាំងជានិច្ច និងបន្ដអូសបន្លាយបញ្ហានេះដើម្បី យកទៅចិញ្ចឹមនយោបាយឈ្លានពានមកលើកម្ពុជា និងនយោបាយផ្ទៃក្នុងរបស់ខ្លួនដែលកំពុង មានការបែកបាក់យ៉ាងធ្ងន់ធ្ងរក្នុងសង្គមថៃ ។
ទោះជាយ៉ាងណាក៏ដោយ គេបានមើលឃើញថា ដោយការគោពច្បាប់តាំងពីដើមរៀងមក រាជរដ្ឋាភិបាលកម្ពុជាបាននិងកំពុងមានលំនឹងយ៉ាងខ្លាំងក្នុងការត្រៀមលក្ខណៈរួចរាល់ទាំង ទម្ងន់ឯកសារផ្លូវច្បាប់ក្នុងការចរចា និងយោធា ដើម្បីការពារអធិបតេយ្យភាពប្រឆាំងនឹងការ ឈ្លានពានរបស់ថៃ ៕
ដោយ ៖ អានន្ទ
ចែករំលែកព័តមាននេះ