ក្រុមអ្នកស្រាវជ្រាវបានកំណត់ថា សរសរនៅតាមបណ្តោយបឹង ក្រូឡីរដ្ឋកាលីហ្វ័៊រនីញ៉ា សហរដ្ឋអាមេរិក បានបង្កើតឡើងដោយសារធាតុទឹកត្រជាក់ និងការព្រួសចេញនូវកំអែភ្នំភ្លើងដ៏សែនក្តៅកាលពីប្រមាណជា៧៦០.០០០ឆ្នាំមុន។ សរសរចម្លែកនោះលេចរូបរាងក្រោយពេលអាងស្តុកទឹកបឹងក្រូឡីបានសាងសង់បញ្ចប់នៅឆ្នាំ១៩៤១ ។ សរសរថ្មនោះមានកម្ពស់ដល់ទៅ៦ម៉ែត្រឯណោះ ព្រមទាំងភ្ជាប់ដោយដំបូលថ្មដូចជាប្រាសាទបុរាណម៉ូរីសដែរ…
ក្រុមអ្នកស្រាវជ្រាវបានកំណត់ថា សរសរនៅតាមបណ្តោយបឹង ក្រូឡីរដ្ឋកាលីហ្វ័៊រនីញ៉ា សហរដ្ឋអាមេរិក បានបង្កើតឡើងដោយសារធាតុទឹកត្រជាក់ និងការព្រួសចេញនូវកំអែភ្នំភ្លើងដ៏សែនក្តៅកាលពីប្រមាណជា៧៦០.០០០ឆ្នាំមុន។ សរសរចម្លែកនោះលេចរូបរាងក្រោយពេលអាងស្តុកទឹកបឹងក្រូឡីបានសាងសង់បញ្ចប់នៅឆ្នាំ១៩៤១ ។
សរសរថ្មនោះមានកម្ពស់ដល់ទៅ៦ម៉ែត្រឯណោះ ព្រមទាំងភ្ជាប់ដោយដំបូលថ្មដូចជាប្រាសាទបុរាណម៉ូរីសដែរ ។ ពួកវាបានកប់ និងលាក់ពួនអស់រយៈពេលរាប់លានឆ្នាំមកហើយ រហូតទាល់តែរលកអាងស្តុកទឹកចាប់ផ្តើមកសាង រលក ធំៗបានបោកបក់ច្រាំងថ្ម ទន់ៗបង្កើតបានជាសសរថ្ម ។ ទោះជាយ៉ាងណាក៏ដោយ សរសរថ្មនេះនៅមិនទាន់ទាក់ទាញភ្ញៀវទេសចរនៅឡើយទេ ខណៈក្រុមអ្នកស្រាវជ្រាវសាកលវិទ្យាល័យ Berkeley សិក្សាពីបាតុភូតនៃការកកើត និងលក្ខណៈស៊ីជម្រៅរបស់វា ។
លោកណូអា រ៉េនដូហ្វ ហ្ល័រហ្គេ វ័យ២៥ ដែលជាបេក្ខជនភាពបណ្ឌិត និងជាសាស្ត្រាចារ្យដឹកនាំការសិក្សាស្រាវជ្រាវនិយាយថា សសរថ្មទាំងនោះគឺជាផលិតផលដ៏អស្ចារ្យនៃការពិសោធរបស់ធម្មជាតិក្នុងរូបវិទ្យានៃកម្តៅទឹក ។ ការប្រើប្រាស់កែវពង្រីកម៉ៃក្រូស្កុបអេឡិចត្រូនិក និងការវិភាគX-ray ក្រុមអ្នកស្រាវជ្រាវសន្និដ្ឋានថា សសរថ្មទាំងនោះកើតចេញពីទឹកត្រជាក់ដែលរលាយពីភ្នំទឹកកកហូរចូលភ្នំភ្លើងកាលពី ៧៦០.០០០ឆ្នាំមុន ។
លោកសាស្ត្រាចារ្យហ្ល័រហ្គេ ប៉ាន់ប្រមាណថា សសរដែលមានចំនួន៥ពាន់ដើមនេះបានប្រមូលផ្តុំគ្នា ជាជួរៗ ត្រង់ឡើងទៅលើព្រមទាំងមានពណ៌ផ្សេងៗគ្នាយ៉ាងស្រស្អាតផងដែរ ៕
ចែករំលែកព័តមាននេះ