ខេត្តកំពង់ឆ្នាំង ៖ ប្រជាពលរដ្ឋខ្មែរ-អ៊ិស្លាម ជួបការខ្វះខាតចំនួន70គ្រួសារ រស់នៅភូមិខ្នាយ កកោះ ឃុំសែប ស្រុកកំពង់ត្រឡាច បានទទួលអំណោយជាសាច់គោក្នុងពិធីស្រាយបួសដែលរៀបចំឡើងដោយសមាគម អាម៉ាឌីយ៉ាកម្ពុជា…
ខេត្តកំពង់ឆ្នាំង ៖ ប្រជាពលរដ្ឋខ្មែរ-អ៊ិស្លាម ជួបការខ្វះខាតចំនួន70គ្រួសារ រស់នៅភូមិខ្នាយ កកោះ ឃុំសែប ស្រុកកំពង់ត្រឡាច បានទទួលអំណោយជាសាច់គោក្នុងពិធីស្រាយបួសដែលរៀបចំឡើងដោយសមាគម អាម៉ាឌីយ៉ាកម្ពុជា កាលពីរសៀលថ្ងៃទី 31 ខែកក្កដាឆ្នាំ 2020 ស្ថិតនៅព្រះវិហារខ្មែរ-អ៊ិស្លាមមួយកន្លែងក្នុងភូមិ-ឃុំខាងលើ ។
លោកម៉ាន ម៉ាត់ ប្រធានសមាគម អាម៉ាឌីយ៉ា កម្ពុជា បានបញ្ជាក់ដែរថា ក្រោយពីកាន់បួស តាមប្រពៃណី និងសាសនាខ្មែរ-អ៊ិស្លាម អស់រយៈពេលជាច្រើនថ្ងៃ កន្លងទៅនេះ ថ្ងៃនេះគឺជាថ្ងៃស្រាយបួស របស់ប្រជាពលរដ្ឋខ្មែរ-អ៊ិស្លាម នៅក្នុងឃុំសែប ស្រុកកំពង់ត្រឡាច ។
ហេតុនេះដើម្បីជួយសម្រួលដល់ប្រជាពលរដ្ឋដែលជួបការខ្វះខាត សមាគម អាម៉ាឌីយ៉ា បានទិញសត្វគោចំនួន6ក្បាល ដោយក្នុងមួយក្បាលតម្លៃ 850 ដុល្លារ យកមកកាប់យកសាច់ចែកជូនប្រជាពលរដ្ឋចំនួន70គ្រួសារ ដែលកំពុងតែជួបការលំបាក និងខ្វះខាតជីវភាព។
លោក ម៉ាន ម៉ាត់ បានបញ្ជាក់ដែរថា នេះមិនមែនជាលើកទី1 ទេ ឲ្យតែដល់រដូវស្រាយបួស សមាគម អាម៉ាឌីយ៉ា តែងទិញគោយកមកកាប់ចែកជូនប្រជាពលរដ្ឋជារៀងរាល់ឆ្នាំ។
ប្រជាពលរដ្ឋខ្មែរ-អ៊ិស្លាមដែលបានមកទទួលនូវសាច់គោនៅរសៀលនោះបានសម្ដែងទឹកចិត្តរីករាយត្រេកអរជាខ្លាំង ព្រមទាំងបានថ្លែងអំណរគុណដល់សមាគមម៉ាឌីយ៉ាកម្ពុជា ក៏ដូចជាអាជ្ញាធរភូមិ-ឃុំដែលបានរៀបចំក្នុងកម្មវិធីនេះសម្រាប់ជួយបងប្អូនប្រជាពលរដ្ឋក្រីក្រដែលកំពុងជួបការខ្វះខាតផងដែរ៕
ចែករំលែកព័តមាននេះ