សហរដ្ឋអាមេរិក ៖ យានអវកាសអាមេរិក CREW DRAGON(ENDEAVOUR)ដែលដឹកអវកាសយានិក២រូបរបស់អង្គការ NASA បានវិលត្រឡប់មកដល់ផែនដីវិញហើយកាលពីថ្ងៃទី២សីហា ដោយសារជំនួយរបស់ ឆ័ត្រយោងរបស់វា នៅឈូងសមុទ្រម៉ិកស៊ិក…
សហរដ្ឋអាមេរិក ៖ យានអវកាសអាមេរិក CREW DRAGON(ENDEAVOUR)ដែលដឹកអវកាសយានិក២រូបរបស់អង្គការ NASA បានវិលត្រឡប់មកដល់ផែនដីវិញហើយកាលពីថ្ងៃទី២សីហា ដោយសារជំនួយរបស់ ឆ័ត្រយោងរបស់វា នៅឈូងសមុទ្រម៉ិកស៊ិក ក្នុងដែនទឹកនៃរដ្ឋផ្លរីដា ដោយបញ្ចប់បេសកកម្មរយៈពេល២ខែមួយ ក្នុងស្ថានីយអវកាសអន្តរជាតិISS។
យាននោះបានចុះលើផៃ្ទទឹកសមុទ្រ ក្នុងដែនទឹកតំបន់PENSACOLAរដ្ឋផ្លរីដា កាលពីថ្ងៃទី២សីហា វេលាម៉ោង១៤និង៤៨នាទីម៉ោងក្នុងស្រុក។ នាវាស្រង់SPACEX GO NAVIGATORបានទៅរង់ចាំ ក្នុងតំបន់យានចុះ។ យានបានចុះជាមួយការបញ្ចេញឆ័ត្រយោង ហើយធ្លាក់លើផ្ទៃទឹកសមុទ្រ។ ក្រុមនាវិកនៃនាវាស្រង់ដំបូងបានប្រមូលឆ្រ័តយោងទាំងនោះនៅក្នុងទឹក ហើយបន្ទាប់មកទៅស្រង់អវកាសយានិកទាំង២រូប លោកROBERT BEHNKEN និងលោកDOUGLAS HURLEYយកចេញពីយាន។
ការវិលត្រឡប់នៃការហោះហើរសាកល្បងជាមួយអវកាសយានិកទាំង២រូប ពីស្ថានីយISS កំណត់ពីជោគជ័យដំបូង នៃយានCAPSULE អវកាសអាមេរិកមានមនុស្សជិះ នៅទីអវកាស ពុំធ្លាប់មានចាប់តាំងពី៤៥ឆ្នាំមកហើយ៕ ដកស្រង់ចេញពីវេបសាយ ៖ xinhuanet (កែសម្រួលដោយ ៖ បុប្ផា)
ចែករំលែកព័តមាននេះ