ប្រធានក្លិប Barca ថាស្ថានភាពបច្ចុប្បន្ន មិនអាចចាយធំលើការដោះដូរកីឡាករឡើយ
ប្រទេសអេស្ប៉ាញ ៖ ប្រធានក្លិប Barcelona លោក Josep Maria Bartomeu បាននិយាយថា វាមិនអាចទៅរួចទេសម្រាប់ក្លិបលោក…
ប្រទេសអេស្ប៉ាញ ៖ ប្រធានក្លិប Barcelona លោក Josep Maria Bartomeu បាននិយាយថា វាមិនអាចទៅរួចទេសម្រាប់ក្លិបលោក…
ប្រទេសអេស្ប៉ាញ ៖ ប្រធានក្លិប Barcelona លោក Josep Maria Bartomeu បាននិយាយថា វាមិនអាចទៅរួចទេសម្រាប់ក្លិបលោក ក្នុងការចុះហត្ថលេខាយក Neymar មកវិញពីក្លិប PSG ក្នុងបរិយាកាសសេដ្ឋកិច្ចបច្ចុប្បន្ននេះ។
លោក Bartomeu បានថ្លែងប្រាប់កាសែតក្នុងស្រុកថា «Barca បានខាតបង់ប្រមាណ ២០០លានអឺរ៉ូនៅចន្លោះខែមីនា ដល់ខែមិថុនា ដោយសារតែការឆ្លងរាលដាលនៃកូវីដ១៩។ ហើយក្លិបធំៗនៅអឺរ៉ុបទាំងអស់ សុទ្ធតែរងផលប៉ះពាល់ដូចគ្នា។ ហើយវាមិនមែនរយៈពេលមួយឆ្នាំទេ ប៉ុន្តែអាចបីឬបួនឆ្នាំ»។
ខ្សែប្រយុទ្ធសញ្ជាតិប្រេស៊ីល Neymar បានផ្លាស់ទៅចូលរួមជាមួយ PSG ក្នុងតម្លៃបំបែកកំណត់ត្រាពិភពលោក ២២២លានអឺរ៉ូ កាលពីខែសីហា ឆ្នាំ២០១៧។ ប៉ុន្តែ Barca បានព្យាយាមចុះហត្ថលេខាយករូបគេត្រឡប់មកកាន់ទឹកដី Camp Nou វិញកាលពីទីផ្សារដោះដូរកីឡាកររដូវក្តៅមុន រហូតមកទល់ពេលនេះ។
បុរសជនជាតិអេស្ប៉ាញវ័យ ៥៧ឆ្នាំដដែលបានបន្តទៀតថា «Neymar? នៅក្នុងស្ថានភាពនេះ វាមិនអាចធ្វើទៅរួចឡើយ។ PSG ក៏មិនចង់លក់គេដែរ។ ហើយក្លិបក៏បានចរចាជាមួយ Inter Milan អំពី Lautaro ផងដែរ។ ប៉ុន្តែកិច្ចពិភាក្សាបានបញ្ឈប់ ដោយសារតែស្ថានភាពបច្ចុប្បន្ន មិនអំណោយផល សម្រាប់ការដោះដូរដែលមានទំហំទឹកប្រាក់ធំ»៕ (ប្រភពពី Barcelona)
ចែករំលែកព័តមាននេះ