ស្រីស្អាតកូឡុំប៊ីគ្រងមកុដបវរកញ្ញាចក្កវាឡឆ្នាំ 2014
និស្សិតរដ្ឋបាលអាជីវកម្មនៃសាកលវិទ្យាល័យ Xavierian University ក្នុងទីក្រុងប៉ូហ្គូតា ប្រទេសកូឡុំប៊ី វ័យ២២ឆ្នាំ នាងផល្លីណា វេហ្គា បានគ្រងមកុដបវរកញ្ញាចក្កវាឡឆ្នាំ២០១៤
និស្សិតរដ្ឋបាលអាជីវកម្មនៃសាកលវិទ្យាល័យ Xavierian University ក្នុងទីក្រុងប៉ូហ្គូតា ប្រទេសកូឡុំប៊ី វ័យ២២ឆ្នាំ នាងផល្លីណា វេហ្គា បានគ្រងមកុដបវរកញ្ញាចក្កវាឡឆ្នាំ២០១៤ ក្នុងវគ្គផ្តាច់ព្រ័ត្រកាលពីថ្ងៃទី២៥ មករា ឆ្នាំ២០១៥ នៅពហុកីឡដ្ឋាន FIU ស្ថិតក្នុងសាកលវិទ្យាល័យអន្តរជាតិផ្លរីដា រដ្ឋផ្លរីដា សហរដ្ឋអាមេរិក ។ ពិធីប្រកួតនោះមានបេក្ខនារី៨៩នាក់ មកពីប្រទេសនានាលើពិភពលោកចូលរួម ។
នាងនៀ សាន់ឆេស បេក្ខនារីតំណាងសហរដ្ឋអាមេរិក ជាប់ចំណាត់ថ្នាក់លេខ២ និងចំណាត់ថ្នាក់ទី៣ គឺនាងដាយ៉ាណា ហាគូហ្សា បេក្ខនារីតំណាងប្រទេសអ៊ុយក្រែន ។ ក្រៅពីមកុដបវរកញ្ញាចក្កវាឡឆ្នាំ២០១៤ ក៏មានការប្រគល់ពានរង្វាន់ «បវរកញ្ញាស្លៀកឈុតប្រពៃណីស្រស់ស្អាតជាងគេ» បានទៅនាង អ៊ែលវីរ៉ា ឌីវីណាមីរ៉ា បេក្ខនារីតំណាងប្រទេសឥណ្ឌូណេស៊ី ។
នៅចុងបញ្ចប់នៃកម្មវិធីនោះ រាជិនីសម្រស់លំដាប់ថ្នាក់ពិភពលោកនាងហ្គាប្រ៊ីឡា អីុស្លើ បវរកញ្ញាចក្កវាឡឆ្នាំ២០១៣ តំណាងប្រទេសវេណេស៊ុយអេឡា បានឡើងបំពាក់មកុដដល់បវរកញ្ញាចក្កវាឡឆ្នាំ២០១៤ នាងផល្លីណា វេហ្គា ។ មកុដរាជិនីសម្រស់នេះរចនាពីត្បូងពេជ្រមានតម្លៃដោយក្រុមហ៊ុន Diamonds International Corporation ដែលជាក្រុមហ៊ុនផ្គត់ផ្គង់គ្រឿងអលង្ការមានមូលដ្ឋានក្នុងប្រទេសឆែក និងជាក្រុមហ៊ុនថ្មីដំបូងគេបង្អស់ដែលទទួលរចនាមកុដត្បូងពេជ្រសម្រាប់ព្រឹត្តិការណ៍ប្រកួតសម្រស់លំដាប់ថា្នក់ពិភពលោកនេះ ៕
ចែករំលែកព័តមាននេះ