ក្នុងឱកាសខួបលើកទី៣នៃអំពើហិង្សាបង្ហូរឈាមក្នុងប្រទេសអាមេនី មនុស្សជាង១០.០០០នាក់ដែលគាំទ្រពួកប្រឆាំងបានប្រមូលផ្តុំគ្នាកាលពីថ្ងៃទី១ មីនា នៅទីក្រុងយ៉េរ៉េវ៉ាន រដ្ឋធានីអាមេនី។
មេដឹកនាំប្រឆាំងម្នាក់ជាអតីតប្រធានាធិបតី លោក LEVON TER-PETROSSIAN ថ្លែងថា យើងត្រៀមធ្វើការចរចាជាមួយអាជ្ញាធរ ក៏ប៉ុន្តែទាល់តែមានការរៀបចំឱ្យបានឆាប់រហ័សនូវការបោះឆ្នោតប្រធានាធិបតី និងសភា។
មនុស្ស១០នាក់ក្នុងនោះមានប៉ូលិស២នាក់ស្លាប់ក្នុងអំពើហិង្សាថ្ងៃទី១ មីនា ឆ្នាំ២០០៨ ក្នុងប្រទេសអាមេនី បន្ទាប់ពីការតវ៉ារយៈពេល១១ថ្ងៃប្រឆាំងនឹងជ័យជំនះនៃការបោះឆ្នោតប្រធានាធិបតីរបស់លោក SERGE SARKISSIAW ជាគូប្រជែងរបស់លោក LEVON TER-PETROSSIAN ។ អាជ្ញាធរនាពេលនោះបានប្រកាសអាសន្ន ហើយអំពាវនាវដល់កងទ័ពឱ្យធ្វើអន្តរាគមន៍ស្តាររបៀបរៀបរយឡើងវិញ ដោយចោទប្រកាន់ពួកប្រឆាំងថា ប៉ុនប៉ងដណ្តើមអំណាច។ ពួកអ្នកចូលរួមក្នុងបាតុកម្មថ្ងៃទី១ មីនា ទាមទារឱ្យកាត់ទោសពួកអ្នកទទួលខុសត្រូវដែលបណ្តាលឱ្យមនុស្សស្លាប់នាថ្ងៃទី១ មីនា ២០០៨នោះ ៕
ចែករំលែកព័តមាននេះ