វិធីថែទាំផលិតផលស្បែកដែលតុបតែងលម្អក្នុងរថយន្តឱ្យមានសោភ័ណភាពយូរអង្វែង
ការតែងលម្អបន្ថែមជាមួយនឹងផលិតផលស្បែកសុទ្ធនៅផ្ទៃខាងក្នុងរថយន្ត ដើម្បីបង្កើនសោភ័ណភាព គឺជារឿងគួរឱ្យរីករាយ ប្រសិនជាលោកអ្នកឆ្លៀតលៃលករកបាននោះ
ការតែងលម្អបន្ថែមជាមួយនឹងផលិតផលស្បែកសុទ្ធនៅផ្ទៃខាងក្នុងរថយន្ត ដើម្បីបង្កើនសោភ័ណភាព គឺជារឿងគួរឱ្យរីករាយ ប្រសិនជាលោកអ្នកឆ្លៀតលៃលករកបាននោះ ក៏កុំភ្លេចត្រូវថែទាំវាឱ្យបានទៀងទាត់បន្តិច ទើបកាន់តែប្រសើរនិងលើកសម្រស់រថយន្តបានយូរអង្វែង ។
ខាងក្រោមនេះ គឺជាវិធីសាស្ត្រថែទាំផលិតផលស្បែកក្នុងរថយន្តឱ្យមានសោភ័ណភាពយូរអង្វែង៖
១-បោសសម្អាតឬបឺតធូលីឱ្យបានញឹកញាប់បន្តិច ។ ការសម្អាតបានទៀងទាត់ពេលវេលា គឺជាមធ្យោបាយប្រសើរបំផុតមួយក្នុងការបង្កើនអាយុកាលបរិក្ខារផ្សេងៗ ដែលរចនាទ្បើងពីស្បែកសុទ្ធនៅផ្ទៃខាងក្នុងរថយន្ត ។ ប្រសិនបើឧបករណ៍បឺតធូលីនោះ មិនអាចកម្ចាត់នូវកាកសំណល់ដែលជាបញ្ហាបាន ចូរប្រើក្រណាត់សើម ដើម្បីដោះស្រាយកិច្ចការនេះ ។ ត្រូវច្បាស់ថា អ្នកបានជូតជម្រះតំណក់ទឹកទាំងទ្បាយចេញពីតំបន់ ដែលលម្អដោយស្បែកឱ្យអស់ ទើបប្រើប្រាស់ក្រណាត់ស្ងួតជូតសម្អាតបន្ត ។
២-ប្រសិនជាអ្នកទិញឧបករណ៍សម្រាប់សម្អាតស្បែកមកប្រើចូរប្រាកដថា អ្នកនឹងពិគ្រោះយោបល់ដោយផ្ទាល់ជាមួយនឹងអ្នកលក់អំពីសេចក្តីណែនាំនៃរបៀបប្រើប្រាស់វាឱ្យបានត្រឹមត្រូវ ។ ចៀសវាងប៉ះចំឧបករណ៍សម្អាតដែលប្រើជាមួយនឹងម្សៅសាប៊ូ (បោកខោអាវ) ដែលអាចនាំឱ្យខូចទ្រង់ទ្រាយ ឬពណ៌ដើមនៃផលិតផលស្បែកទាំងនោះ និងបណ្តាលឱ្យមានស្នាមប្រេះ និងក្រៀមស្វិតក៏ថាបាន ។
៣-ចៀសវាងធ្វើឱ្យរហែកនៅត្រង់ស្បែកទាំងនោះ ។ ការចៀសវាងមិនឱ្យមានការដាច់រហែកត្រង់ចំណុចណាមួយ គឺជាប្រការសំខាន់ក្នុងការទំនុកបម្រុងនៃស្បែក ដែលលម្អនៅផ្ទៃខាងក្នុងរថយន្ត ។ ជាមួយគ្នានោះដែរ ក៏លោកអ្នកគួរតែទុកប៊ិក ឬរបស់ដែលមានចុងស្រួចឱ្យឆ្ងាយពីផ្ទៃស្បែកបន្តិច ដើម្បីបង្ការក្រែងមានស្នាមប្រទ្បាក់ ឬកោសដាច់លើវាពីព្រោះស្នាមនោះ ពិបាកសម្អាតចេញពីផ្ទាំងស្បែកណាស់ ៕
ចែករំលែកព័តមាននេះ