បច្ចេកទេសដំឡើងម៉ាស៊ីន DVDក្នុងរថយន្តកុំឱ្យខ្ជះខ្ជាយពេលវេលា
ការមានក្បាលចាក់ DVD ក្នុងរថយន្តបានប្រែក្លាយទៅជាភាពចាំបាច់បំផុតសម្រាប់ការធ្វើដំណើរផ្លូវឆ្ងាយដើម្បីជាគ្រឿងកម្សាន្តអារម្មណ៍បំបាត់ក្តីសៅហ្មងទាំងឡាយ
ការមានក្បាលចាក់ DVD ក្នុងរថយន្តបានប្រែក្លាយទៅជាភាពចាំបាច់បំផុតសម្រាប់ការធ្វើដំណើរផ្លូវឆ្ងាយដើម្បីជាគ្រឿងកម្សាន្តអារម្មណ៍បំបាត់ក្តីសៅហ្មងទាំងឡាយ
ការមានក្បាលចាក់ DVD ក្នុងរថយន្តបានប្រែក្លាយទៅជាភាពចាំបាច់បំផុតសម្រាប់ការធ្វើដំណើរផ្លូវឆ្ងាយដើម្បីជាគ្រឿងកម្សាន្តអារម្មណ៍បំបាត់ក្តីសៅហ្មងទាំងឡាយមកជាភាពរីករាយប្រកបដោយផាសុកភាព ។ ស្រស់ស្រាយដូចនេះសូមណែនាំពីរបៀបដំឡើងម៉ាស៊ីនចាក់ DVD ក្នុងរថយន្តដូចតទៅ៖
១-ផ្តាច់ចរន្តភ្លើងដែលរត់ចេញពីអាគុយ។ការអនុវត្តគឺបើកគម្របម៉ាស៊ីនរថយន្តហើយដកឬផ្តាច់ចរន្តចេញតាមរយៈតង្កៀបដែលចាប់ភ្ជាប់នឹងអាគុយទៅនឹងខ្សែមួយចំនួនឬក៏សមាសធាតុផ្សំខ្លះចេញ ។ ធ្វើបែបនេះដើម្បីឱ្យមានភាពងាយស្រួលកត់សម្គាល់ពីបណ្តាញខ្សែប៉ូល (+) និង(-) ដែលភ្ជាប់ជាមួយនឹងអាគុយ ។
២-ដោះគ្រឿងបំពងសំឡេងដែលស្ថិតនឹងតួប្រអប់មេនៃផ្ទៃខាងក្នុងរថយន្ត ។ រកមើលគ្រាប់ខ្ចៅដែលមានហើយដោះចេញដើម្បីងាយស្រួលយកសំណុំឧបករណ៍គ្រឿងបំពងសំឡេងនោះចេញ ។ ផ្នែកខ្លះនៃប្រអប់ឬថតផ្សេងៗចាំបាច់់ត្រូវតែដោះចេញមុនទើបអាចឈានដល់ប្រអប់សំណុំឧបករណ៍ទាំងនោះបាន ។ បន្ទាប់មកផ្តាច់់ចរន្តខ្សែរវាងគ្រឿងបំពងសំឡេងនោះនិងខ្សែចម្លងចរន្តរបស់រថយន្តដោយប្រុងប្រយ័ត្ន និងយកចិត្តទុុកដាក់បំផុុត ។
៣-តភ្ជាប់នូវបណ្តុំសរសៃខ្សែតូចៗដែលមានក្បាលតំណឱ្យបានត្រឹមត្រូវ ។ បណ្តុំខ្សែដែលមានក្បាលតំណរួមនោះអាចរកទិញបាននៅតាមកន្លែងលក់រាយដែលមានដាក់លក់គ្រឿងបំពងសំឡេងនិងបរិក្ខារផ្សេងៗសម្រាប់រថយន្ត ។
៤-ដាក់ឬស៊កបញ្ចូលក្បាលDVD នោះចូលទីតាំងដែលតម្រូវឱ្យស៊ក ។ ចំពោះរថយន្តមួយចំនួនពុំមានកន្លែងដែលសមគួរនឹងបំពាក់់ក្បាលចាក់ DVD នោះឡើយ ដូច្នេះពេលខ្លះគឺតម្រូវឱ្យអ្នកមានការកែច្នៃបន្ថែមតិចតួចទើបជាការប្រសើរ ។
៥-តភ្ជាប់ខ្សែចម្លងចរន្តពីក្បាល DVD ទៅនឹងចុងម្ខាងនៃក្បាលតំណនៅសេសសល់ពីការតភ្ជាប់ត្រង់ចំណុចទី៣ ។ បន្ទាប់មកតភ្ជាប់ខ្សែអង់តែនរថយន្តទៅរន្ធដោតអង់តែនដែលមានទីតាំងនៅខាងក្រោយក្បាល DVD ឱ្យបានត្រឹមត្រូវ ។
៦-ស៊កបញ្ចូលក្បាល DVD ទៅក្នុងប្រអប់មេឱ្យបានរៀបរយនិងប្រុងប្រយ័ត្ន ។ នៅគ្រានោះបណ្តាញខ្សែផ្សេងៗដែលបានផ្តាច់ចេញកន្លងមកត្រូវតភ្ជាប់ឡើងវិញពិសេសខ្សែតភ្ជាប់រវាងក្បាល DVD និងខ្សែចម្លងចរន្តរបស់រថយន្ត ។
៧-តភ្ជាប់តង្កៀបចាប់អាគុយឡើងវិញ ហើយចាប់ផ្តើមធ្វើតេស្តភ្លើងថាតើវារត់ធម្មតាវិញឬយ៉ាងណា ? ចំណែកការតភ្ជាប់ចរន្តភ្លើងចេញពីអាគុយសាជាថ្មីត្រូវធានាបានថាអ្វីៗពិតជាបានអនុវត្តត្រឹមត្រូវដោយពុំមានខ្វះចន្លោះឡើយ ទើបការប្រើប្រាស់ប្រព្រឹត្តទៅដោយក្តីរីករាយ ៕
ចែករំលែកព័តមាននេះ