ការជិះម៉ូតូធ្វើដំណើរតាមដងផ្លូវពុំមែនសុទ្ធសឹងតែតម្រូវឱ្យមានការជាន់ហ្វ្រាំងបញ្ឈប់ល្បឿនតាមតែអំពើចិត្តនោះទ្បើយ គឺចាំបាច់ត្រូវអនុវត្តឬលៃលកយ៉ាងណាឱ្យស្របតាមស្ថានការណ៍
ការជិះម៉ូតូធ្វើដំណើរតាមដងផ្លូវពុំមែនសុទ្ធសឹងតែតម្រូវឱ្យមានការជាន់ហ្វ្រាំងបញ្ឈប់ល្បឿនតាមតែអំពើចិត្តនោះទ្បើយ គឺចាំបាច់ត្រូវអនុវត្តឬលៃលកយ៉ាងណាឱ្យស្របតាមស្ថានការណ៍ ដើម្បីទទួលបានសុវត្ថិភាពទាំងអ្នកបើកបរនិងអ្នកប្រើប្រាស់ផ្លូវដទៃទៀត ។ ប៉ុន្តែទោះជាយ៉ាងណា ក៏ពុំមានន័យថា អ្វីៗសុទ្ធតែត្រូវប្រតិបត្តិតាមការលើកទ្បើងនេះទ្បើយ ព្រោះមានពេលខ្លះអ្នកជិះម៉ូតូក៏នឹងចាំបាច់ត្រូវប្រើហ្វ្រាំងជាបន្ទាន់ ដើម្បីស្តារស្ថានការណ៍ឱ្យប្រសើរទ្បើងវិញ ខណៈជួបហេតុការណ៍មិននឹកស្មានដល់ ។ ដូចនេះសូមលើកយកនូវរបៀបឈប់ម៉ូតូទាំងស្ថានភាពប្រថុចញ៉ុចឱ្យមានសុវត្ថិភាព៖
១-ពិនិត្យពិច័យហ្វ្រាំងម៉ូតូមុនពេលទ្បើងអង្គុយកាន់ចង្កូតចេញដំណើរ ហើយក៏កុំភ្លេចសង្កេតមើលភ្លើងហ្វ្រាំងនៃស្តុបក្រោយដែលបញ្ចេញពន្លឺពេលជាន់ហ្វ្រាំងផងដែរ ។
២-ដើម្បីបញ្ឈប់ល្បឿនបំលាស់ទីរបស់ម៉ូតូភ្លាមៗ ឬក្នុងស្ថានការណ៍ប្រថុចញ៉ុចលោកអ្នកចាំបាច់ត្រូវតែប្រើប្រាស់ទាំងហ្វ្រាំងមុខនិងក្រោយក្នុងពេលជាមួយគ្នាទើបជាការប្រសើរ ។ ពោលគឺជើងស្តាំជាន់ឈ្នាន់ហ្វ្រាំង ដៃស្តាំច្របាច់ហ្វ្រាំងមុខ ។
៣-ដើម្បីនឹងបញ្ឈប់ល្បឿនម៉ូតូភ្លាមៗ ខណៈពេលកំពុងធ្វើដំណើរ អ្នកត្រូវតែជាន់ហ្វ្រាំងក្រោយឱ្យខ្លាំងបន្តិច ហើយបន្ធូរហ្វ្រាំងមុខឱ្យមានកម្លាំងបញ្ឈប់រង្វិលជុំកង់តិចជាងហ្វ្រាំងក្រោយ ។ ប៉ុន្តែសូមកុំភ្លេចថា ហ្វ្រាំងក្រោយគឺជាអ្នកកំណត់នៃអត្រាល្បឿនរបស់ម៉ូតូ ។
៤-លោកអ្នកមិនត្រូវចាប់ ឬច្របាច់ហ្វ្រាំងមុខដោយបង្ខំពេកទេ ព្រោះវាអាចនាំឱ្យផ្នែកខាងក្រោយនៃតួម៉ូតូអាចហោះកង់បោកដួលច្រងាប់ច្រងិលបាន ម្យ៉ាងទៀតវាគឺជាគ្រោះថ្នាក់បំផុតសម្រាប់អ្នកបើកបរ ។
៥-ខណៈពេលនៃការជាន់ហ្វ្រាំង ចាំបាច់ត្រូវធានាថា អ្នកមិនត្រូវបន្ធូរហ្វ្រាំងក្រោយទ្បើយរហូតដល់ម៉ូតូឈប់១០០% ។ ការបន្ធូរហ្វ្រាំងនឹងបង្ខំឱ្យកង់ក្រោយរបស់ម៉ូតូរអិល ដែលនឹងនាំឱ្យបាត់បង់ម្ចាស់ការដល់អ្នកបើកបរ ។
៦-ដើម្បីបញ្ឈប់ល្បឿនម៉ូតូក្នុងស្ថានភាពប្រថុចញ៉ុច អ្នកត្រូវតែប្រើប្រាស់ជើងឆ្វេងជាន់លើដី ស្របពេលដែលជើងស្តាំនៅលើឈ្នាន់ហ្វ្រាំង ។
៧-ចំពោះម៉ូតូដែលប្រើប្រាស់អំប្រាយ៉ា លោកអ្នកនឹងត្រូវច្របាច់អំប្រាយ៉ាដែលស្ថិតនៅផ្នែកខាងឆ្វេងនៃដៃចង្កូត ។ ធ្វើបែបនេះនឹងធានាបានថា ម៉ាស៊ីនម៉ូតូមិនមានកម្លាំងថាមពល ឬចលនាចាប់ពីពេលអនុវត្តតទៅ ដូច្នេះហ្វ្រាំងម៉ូតូទាំងមុខ-ក្រោយអាចបំពេញមុខងាររបស់ខ្លួនប្រកបដោយប្រសិទ្ធភាព ៕
ចែករំលែកព័តមាននេះ