គ្រប់រថយន្តទាំងអស់សុទ្ធសឹងតែមានបំពាក់មកជាមួយដោយប្រព័ន្ធថាមពលដៃចង្កូត ដែលមានមុខងារជួយឱ្យអ្នកបើកបរងាយស្រួលយកចង្កូតបត់ក្នុងស្ថានភាពផ្លូវកាច់ជ្រុង ឬចាក់គួខ្លាំង ។ ចំណែកប្រតិបត្តិការដ៏សំខាន់ផ្សេងទៀត របស់វាជាមួយនឹងចលនាបំលាស់ទីរបស់កង់មុខ គឺទទួលរងសម្ពាធ
គ្រប់រថយន្តទាំងអស់សុទ្ធសឹងតែមានបំពាក់មកជាមួយដោយប្រព័ន្ធថាមពលដៃចង្កូត ដែលមានមុខងារជួយឱ្យអ្នកបើកបរងាយស្រួលយកចង្កូតបត់ក្នុងស្ថានភាពផ្លូវកាច់ជ្រុង ឬចាក់គួខ្លាំង ។ ចំណែកប្រតិបត្តិការដ៏សំខាន់ផ្សេងទៀត របស់វាជាមួយនឹងចលនាបំលាស់ទីរបស់កង់មុខ គឺទទួលរងសម្ពាធពីប្រេងចង្កូតតែម្តង ប្រសិនបើវត្ថុរាវផ្តល់ជាតិរំអិលនោះ រីងស្ងួតអស់ឬមិនគ្រប់គ្រាន់តាមបទដ្ឋាន វានឹងនាំឱ្យការយកចង្កូតបត់ជួបការលំបាកជាងធម្មតា ឬអាចខូចក៏ថាបាន ។ ដូចនេះសូមលើកយកវិធីសាស្ត្រពិនិត្យនិងចាក់បំពេញបន្ថែមប្រេងចង្កូតរបស់រថយន្តឱ្យត្រឹមត្រូវដូចតទៅ៖
១-ពិនិត្យមើលទៅលើរេស៊ីវ័រផ្ទុកប្រេងចង្កូតនោះ ។ ប្រសិនបើអ្នកហាក់មានអារម្មណ៍ថា ការយកចង្កូតបត់រថយន្តតាមស្ថានភាពផ្លូវជាក់ស្តែងដូចជា តឹងឬពិបាកតម្រូវតាមការចង់បាន ឬក៏មានបន្លឺសូរសំទ្បេងខ្លាំងនៅពេលបត់គាប់ជួន គឺវាអាចបណ្តាលមកពីកម្រិតប្រេងចង្កូតរថយន្តអ្នកមានកម្រិតទាប ។
២-ពិនិត្យមើលកម្រិតប្រេងចង្កូតថា តើវាខ្វះគ្រប់អស់ ឬយ៉ាងណា ។ ប្រសិនបើស៊ីទ្បាំងរេស៊ីវ័រប្រេងចង្កូតធ្វើពីជ័រថ្លា អ្នកប្រហែលជាអាចមើលឃើញច្បាស់ពីកម្រិតប្រេង ដែលមាននៅក្នុងនោះជាមិនខាន ។ ក្នុងដំណាក់កាលនេះនឹងតម្រូវឱ្យលោកអ្នកពិនិត្យស្ទង់មើលកម្រិតប្រេងតាមរយៈការមួលបើកគម្របវានិងយកដងវាស់ស្ទង់ជ្រលក់មើលថា កម្រិតប្រេងស្ថិតនៅចំណុចណា ?
៣-ពិនិត្យមើលថា តើដងវាស់ស្ទង់ដែលជ្រលក់ចូលនោះមានដិតជាប់ជាតិប្រេងរំអិលកម្រិតណា ? នៅក្នុងការប្រតិបត្តិជំហានដំបូង គឺត្រូវជូតសម្អាតប្រដាប់វាស់ស្ទង់នោះ មុននឹងជ្រលក់ចូលរេស៊ីវ័រប្រេងចង្កូត ដើម្បីងាយកត់សម្គាល់ពីស្នាមដិតជាប់នៃប្រេងថា វាគ្រប់ខ្វះ អស់ឬយ៉ាងណា ។
៤-ពិនិត្យមើលពណ៌របស់ប្រេងនោះ ។ ប្រេងចង្កូតដែលល្អគួរតែមានសភាពភ្លឺថ្លា ឬពណ៌ស៊ីជម្ពូ ។ តែបើវាទ្បើងសម្បុរខ្មៅ ឬពណ៌ត្នោត ដែលមានភាពកខ្វក់ខ្លាំងនិងលាយទ្បំដោយកម្ទេចកៅស៊ូដែលជ្រុះចេញពីទុយោ ឬហ្វឺតបង្ហូរប្រេងចូលចង្កូតនោះ អ្នកគួរតែឱ្យជាងពិនិត្យមើលថា តើវាចាំបាច់ត្រូវផ្លាស់ប្តូរថ្មី ឬយ៉ាងណា ។
៥-ការចាក់បំពេញបន្ថែមប្រេងចង្កូតចាំបាច់ត្រូវតែលៃលកឱ្យមានកម្រិតត្រឹមត្រូវ ។ ប្រសិនបើរថយន្តមានការថយចុះជាលំដាប់នូវកម្រិតប្រេងក្នុងស៊ីទ្បាំងរេស៊ីវ័រ គឺអ្នកអាចចាក់បំពេញបន្ថែមឱ្យពេញដូចដើមបាន ។ ប្រសិនបើអ្នកពិនិត្យនូវកម្រិតប្រេង ដោយប្រើដងវាស់ស្ទង់ជាប់ជាមួយនឹងគម្របនោះ រាល់ការចាក់បន្ថែមគឺចៀសវាងការកំពប់ហៀរចេញក្រៅរេស៊ីវ័រ ។ ម្យ៉ាងទៀត ការប្រើប្រាស់ប្រេងចង្កូតក៏ចាំបាច់ ត្រូវតែមានភាពខាប់អន្ធិលៗទើបជាការប្រសើរ ។
៦-ចូរប្រុងប្រយ័ត្នកុំឱ្យការចាក់បំពេញនោះលើសឱ្យសោះ ។ តែបើការចាក់បំពេញបន្ថែមនោះស្ទើរពេញប្រហែលជាប្រសើរជាងលើសកម្រិត ។ ចំពោះហេតុផលនោះ គឺដោយសារតែប្រេងចង្កូតពង្រីកវិសាលភាពនៃជាតិរំអិល ខណៈពេលវាទ្បើងកម្តៅ និងការអន្តរាគមន៍លើមុខងារចម្បងតែម្តង ។ កាលណាអ្នកចាក់បំពេញច្រើនជ្រុលលើសកំណត់ប្រតិបត្តិការគ្រប់ច្រកល្ហករបស់វា នឹងហៀរចេញហើយសម្ពាធដែលបានពង្រីកនោះអាចនឹងចាប់ផ្តើមនាំបញ្ហាចូលបណ្តើរទៀតផង ៕
ចែករំលែកព័តមាននេះ