ការលក់រថយន្តនាពេលបច្ចុប្បន្ន គឺជាបទពិសោធដែលមានភាពផ្ទុយស្រទ្បះទៅនឹងអំទ្បុងពេល១ទសវត្សរ៍មកនេះ ដោយសារតែសម័យបច្ចេកវិទ្យាដ៏ជឿនលឿនអ្វីៗស្ទើរតែអាចរកបាននៅលើបណ្តាញអីុនធើរណេតអស់ទៅហើយ ។ តើគួរធ្វើយ៉ាងណាទើបលក់រថយន្តឆាប់ដាច់និងចំណេញថវិកាបាន
ការលក់រថយន្តនាពេលបច្ចុប្បន្ន គឺជាបទពិសោធដែលមានភាពផ្ទុយស្រទ្បះទៅនឹងអំទ្បុងពេល១ទសវត្សរ៍មកនេះ ដោយសារតែសម័យបច្ចេកវិទ្យាដ៏ជឿនលឿនអ្វីៗស្ទើរតែអាចរកបាននៅលើបណ្តាញអីុនធើរណេតអស់ទៅហើយ ។ តើគួរធ្វើយ៉ាងណាទើបលក់រថយន្តឆាប់ដាច់និងចំណេញថវិកាបានច្រើន ? នេះគឺជាក្តីកង្វល់របស់ថៅកែអ្នកលក់ផ្ទាល់តែម្តង ។ ដូចនេះសូមចូលរួមចែករំលែកបទពិសោធពីវិធីសាស្ត្រ ដើម្បីក្លាយជាអ្នកលក់រថយន្តដ៏ជោគជ័យពីគេហទំព័របរទេសដូចតទៅ៖
១-ការយល់ដឹងក៏ដូចជាស្គាល់ទីផ្សារបានច្បាស់ក្នុងនោះដំណាក់កាលដំបូងរបស់អ្នក គឺពិនិត្យទៅលើការផ្សព្វផ្សាយតាមបណ្តាញ Online នានា ក៏ដូចជាព័ត៌មានទីផ្សារលក់ចេញពីរោងចក្រផ្ទាល់ ដែលមិនទាន់គិតពន្ធដូចដែលកោះសន្តិភាពធ្លាប់បានផ្សព្វផ្សាយនឹងបន្តផ្សាយនៅក្នុងឆ្នាំថ្មីខាងមុខនេះ ។ ក្រោយពីលោកអ្នកតាមដានពីតម្លៃហាងឆេងតាមប្រភេទម៉ូដែលនីមួយៗរួចមកនោះ អ្នកនឹងជ្រើសរើសយកនូវសេ៊រីឆ្នាំ និងកម្រិតម៉ូដែលនៃរថយន្តក្នុងយានដ្ឋានលក់របស់ខ្លួនទៅប្រៀបធៀបជាមួយនឹងហាងឆេងរថយន្តប្រហាក់ប្រហែលគ្នានោះលើទីផ្សារបច្ចុប្បន្ន ។
២-កត់សម្គាល់ទៅលើលក្ខខណ្ឌផ្សេងៗរបស់បណ្តារថយន្តទាំងអស់នោះ ពីតម្លៃលក់ចេញគិតពន្ធ និងមិនទាន់គិតពន្ធបូកនិងថ្លៃដឹកជញ្ជូនទីតាំងលក់ចម្ងាយផ្លូវដឹកជញ្ជូន អត្រាស៊ីប្រេងឥន្ធនៈជាដើម ។
៣-ដាក់តម្លៃរថយន្តរបស់អ្នកឱ្យប្រហាក់ប្រហែលជាមួយនឹងតម្លៃហាងឆេង ដែលរៀបរាប់ខាងលើ ហើយក៏សូមចងចាំផងដែរថា តួលេខទាំងនោះក៏ត្រូវបានកែសម្រួលទៅតាមកត្តាមួយចំនួនដូចជាអត្រាស៊ីប្រេងឥន្ធនៈលក្ខខណ្ឌ ឬស្ថានភាពជាក់ស្តែងនៃភិនភាគរបស់រថយន្តជម្រើសផ្សេងៗ និងទីតាំងដែលលក់ចេញជាដើម ។
៤-ផ្តល់ឱ្យនូវគុណសម្បត្តិគ្រប់យ៉ាងរបស់រថយន្តដោយបំពេញនូវចំណុចខ្វះចន្លោះទាំងអម្បាលម៉ានឱ្យបានល្អប្រសើរ ក្នុងនោះរាប់បញ្ចូលការលាងសម្អាត ប៉ូលាតួ និងកញ្ចក់ តាប់ទ្បូ និងសម្បកកង់ ឬយ៉ាន់កង់ ។
៥-ពិនិត្យពិច័យវាដើម្បីឱ្យច្បាស់ថា រថយន្តបម្រុងនឹងលក់នោះមានសំទ្បេងតាមបច្ចេកទេស និងបទដ្ឋាន ហើយស្នាមប៉ះពៀរឬតោនថ្នាំ និងកោសឆ្លូត ក៏ចាំបាច់កែលម្អឱ្យសមសួនដែរ ដើម្បីបំភាន់ភ្នែកអ្នកទិញមួយគ្រា ។
៦-ដាក់របាយការណ៍នៃការថែទាំរថយន្តនៅក្នុងសឺមីមួយជាមុន ដើម្បីត្រៀមបង្ហាញទាក់ទាញការចាប់អារម្មណ៍ពីភាគីអ្នកទិញ ។
៧-ចាត់ឱ្យជាងជួសជុលរថយន្តរបស់អ្នកពិនិត្យមើលរថយន្ត ហើយបង្ហើបពីរបាយការណ៍នៃលទ្ធផលដែលខ្លួនបានប្រតិបត្តិនោះ លើស្ថានភាពរបស់រថយន្ត ប៉ុន្តែគួរតែធ្វើយ៉ាងណាឱ្យសមហេតុផលកុំព្យាយាមបំផ្លើសជ្រុលពេក ។
៨-នៅពេលដែលអ្នកទទួលលុយពីការទិញ គឺចាំបាច់ត្រូវតែធ្វើលិខិត ឬកិច្ចសន្យាទិញលក់ និងចុះហត្ថលេខាឱ្យបានត្រឹមត្រូវ ហើយថែមទាំងផ្តល់ឱ្យនូវវិក្កយបត្រនៃការលក់នោះផង ។
៩-ប្រសិនបើអ្នកទិញរូបនោះហាក់ដូចជាលំបាកនឹងទទួលយកការបញ្ចុះបញ្ចូលពីអ្នកគួរតែបង្ខំចិត្តរង់ចាំអតិថិជនផ្សេងទៀត ទើបជាការប្រសើរ ។ ធ្វើបែបនេះ នឹងបញ្ជាក់ថា រាល់អ្វីដែលអ្នកបានលើកទ្បើងពិតជាមានភាគរយខ្ពស់គួរឱ្យជឿទុកចិត្តបានសម្រាប់អ្នកទិញ ៕
ចែករំលែកព័តមាននេះ