ការងារចាប់ផ្តើមដំណើរការឡើងវិញនៅឯមជ្ឈមណ្ឌលនុយក្លេអ៊ែរហ្វូគូស៊ីម៉ា ។ អាជ្ញាធរជប៉ុនចង់គ្រប់គ្រងឱ្យបានដល់ការសាយភាយវិទ្យុសកម្ម ក៏ប៉ុន្តែអត្រាខ្ពស់នៃសារធាតុវិទ្យុសកម្មត្រូវបានរកឃើញក្នុងបណ្តាផលិតផលស្បៀងអាហារ និងក្នុងទឹកសមុទ្រ ។
ការបញ្ចេញចំហាយទឹកថ្មីៗត្រូវបានពិនិត្យឃើញកាលពីថ្ងៃទី២២ មីនា ក៏ប៉ុន្តែក្រុមហ៊ុន TEPCO វាយតម្លៃថា ចំហាយទឹកទាំងនេះនឹងពុំមានផលប៉ះពាល់ដល់ការងារទាំងឡាយដែលកំពុងតែប្រព្រឹត្តទៅឡើយ ។
គេមានការព្រួយបារម្ភចំពោះវិទ្យុសកម្ម ដែលរកឃើញក្នុងទឹកសមុទ្រ ។
ពពកលាយវិទ្យុសកម្មបញ្ចេញពីមជ្ឈមណ្ឌលនុយក្លេអ៊ែរហ្វូគូស៊ីម៉ា ត្រូវរសាត់ទៅដល់ដែនអាកាសបារាំងនាថ្ងៃទី២៣ មីនា ក៏ប៉ុន្តែគ្រោះថ្នាក់នៃការធ្លាក់វិទ្យុសកម្មនៅទីនោះហាក់មានតិចតួច ហើយនឹងពុំមានផលវិបាកដល់សុខភាពមនុស្សឡើយ ។ នេះជាការវាយតម្លៃរបស់ទីភ្នាក់ងារសន្តិសុខនុយក្លេអ៊ែរជប៉ុន និងគណៈកម្មាធិការស្រាវជ្រាវ និងព័ត៌មានឯករាជ្យអំពីវិទ្យុសកម្ម CRIIRAD ។ ស្រទាប់ខ្យល់មានលាយបរមាណខ្សោយនៃវិទ្យុសកម្មត្រូវបានរកឃើញចាប់តាំងពីយប់ថ្ងៃទី២២ មីនា មក នៅអ៊ីស្លង់ ៕
ចែករំលែកព័តមាននេះ