រាជធានីភ្នំពេញ ៖ បើតាមសេចក្តីរាយការណ៍បានឱ្យដឹងថា មានទាំងប្រុស ទាំងស្រីមួយក្រុមជួបជុំគ្នាធ្វើកម្មវិធីខួបកំណើតក្មួយនៅផ្ទះ ហើយផឹកស្រាជុំគ្នានិយាយលឺៗ ថែមទាំងចាក់ធុងបាស់រាំច្រៀងបង្កសម្លេងរំខានដល់អ្នកជិត រហូតអ្នកជិតខាងខាងប្តឹងសមត្ថកិច្ច ដើម្បីឱ្យចុះមកណែនាំអប់រំឱ្យស្ងៀមស្ងាត់បន្ថយសម្លេង បែរជាក្រុមអ្នកផឹកស៊ីទាំងនោះខឹងនឹងសមត្ថកិច្ចដែលចុះមកហាមឃាត់…
រាជធានីភ្នំពេញ ៖ បើតាមសេចក្តីរាយការណ៍បានឱ្យដឹងថា មានទាំងប្រុស ទាំងស្រីមួយក្រុមជួបជុំគ្នាធ្វើកម្មវិធីខួបកំណើតក្មួយនៅផ្ទះ ហើយផឹកស្រាជុំគ្នានិយាយលឺៗ ថែមទាំងចាក់ធុងបាស់រាំច្រៀងបង្កសម្លេងរំខានដល់អ្នកជិត រហូតអ្នកជិតខាងខាងប្តឹងសមត្ថកិច្ច ដើម្បីឱ្យចុះមកណែនាំអប់រំឱ្យស្ងៀមស្ងាត់បន្ថយសម្លេង បែរជាក្រុមអ្នកផឹកស៊ីទាំងនោះខឹងនឹងសមត្ថកិច្ចដែលចុះមកហាមឃាត់ ក៏នាំគ្នាតវ៉ាស្រែកឈ្លោះគ្នាជាមួយសមត្ថកិច្ច រហូតឈានដល់ការឃាត់ខ្លួនបុរសម្នាក់ដែលជេរប្រមាថ និងច្រានរារាំងសមត្ថកិច្ចពេលចុះបំពេញការងារ បង្កឱ្យមានការភ្ញាក់ផ្អើលកាលពីម៉ោង11យប់ ថ្ងៃទី29 ខែមិថុនាឆ្នាំ2020 នៅចំណុចផ្ទះជួលគ្មានលេខ ផ្លូវ490 សង្កាត់ផ្សារដើមថ្កូវ ខណ្ឌចំការមន ។
សេចក្តីរាយការណ៍បន្តថា យុវជនដែលសមត្ថកិច្ចឃាត់ខ្លួនខាងលើនោះមានឈ្មោះ សុខ សាលី ស្នាក់នៅម្តុំផែថ្ម សង្កាត់ស្រះចក ខណ្ឌដូនពេញ ។
បើតាមប្រភពពីលោកនាយប៉ុស្តិ៍នគរបាលផ្សារដើមថ្កូវ បានប្រាប់ឱ្យដឹងថា មុនបង្កការភ្ញាក់ផ្អើល គឺមានប្រជាពលរដ្ឋរាយការណ៍ទៅថ្នាក់លើថា នៅកន្លែងកើតហេតុខាងលើនោះ មានការជួបជុំគ្នាផឹកស៊ី ចាក់ធុងបាស់បង្កសម្លេងរំខាន ទើបថ្នាក់លើបញ្ជាឱ្យសមត្ថកិច្ចមូលដ្ឋានចុះទៅពិនិត្យទីតាំងខាងលើ ក៏ឃើញដូចការរាយការណ៍របស់ប្រជាពលរដ្ឋពិតមែន។
លោកបន្តថា បន្ទាប់ពីទៅដល់កន្លែងកើតហេតុ សមត្ថកិច្ចក៏បានចូលទៅវង់ផឹកស៊ីនោះនិយាយណែនាំឱ្យពួកគាត់ស្ងៀមស្ងាត់ និងបន្ថយសម្លេងកុំចាក់ធុងបាស់ និងកុំនិយាយគ្នាលឺៗពេក ព្រោះរំខានដល់អ្នកជិតខាង គេត្រូវការសម្រាក ព្រមទាំងថតរូបទីតាំងខាងលើដើម្បីរាយការណ៍ទៅថ្នាក់លើវិញ បែរជាក្រុមបុរសស្ត្រីទាំងនោះចោទថា សមត្ថកិច្ចប្រើអំណាចកៀបសង្កត់ ហាមឃាត់ពួកគេសូម្បីតែផឹកស៊ីតិចតួច និងហាមមិនឱ្យសមត្ថកិច្ចថតរូបពួកគេទៀត។
លោកបន្តថា មិនត្រឹមតែប៉ុណ្ណោះថែមទាំងឈ្លោះប្រកែកតតាំង និយាយតឹងសរសៃ.កជាមួយនឹងសមត្ថកិច្ច រហូតនាំគ្នាកញ្ជ្រោល រួចរុញច្រានសមត្ថកិច្ច ហើយជេរប្រមាថដៀលពាក្យធ្ងន់ៗទៅលើសមត្ថកិច្ចពេលចុះបំពេញការងារទៀត គឺពួកគាត់មិនព្រមសហការ ទើបបង្កជាជម្លោះរុញច្រានគ្នាផ្អើលប្រជាពលរដ្ឋក្បែរខាង និងកម្លាំងអន្តរាគមន៍ខណ្ឌចំការម នចុះអន្តរាគមន៍ភ្លាមៗ រហូតឈានដល់ការឃាត់ខ្លួនបុរសស្រវឹងម្នាក់ឈ្មោះ សុខ សាលី ព្រោះបុរសនោះរា រាំងការងារសមត្ថកិច្ច ថែមទាំងរុញច្រានសមត្ថកិច្ច និងជេរប្រមាថពាក្យធ្ងន់ៗមកលើសមត្ថកិច្ច ។
បច្ចុប្បន្នជនសង្ស័យខាងលើ ត្រូវបានសមត្ថកិច្ចឃាត់ខ្លួនបណ្ដោះអាសន្ននៅអធិកាដ្ឋានខណ្ឌចំការមន ដើម្បីកសាងសុំណុំរឿងចាត់ការតាមនិតិវិធី ៕ (កែសម្រួលដោយ ៖ បុប្ផា)
ចែករំលែកព័តមាននេះ