រាជធានីភ្នំពេញ ៖ ថ្មីៗនេះ អង្គការសុខភាពពិភពលោក (WHO) បានចេញផ្សាយនូវវីដេអូឃ្លីបមួយស្តីពីរបៀបនៃការដេរម៉ាស់សម្រាប់ពាក់ការពារពីការឆ្លងវីរុសកូវីដ១៩ ដោយប្រើប្រាស់ម៉ាស់ក្រណាត់ដែលមិនមែនវេជ្ជសាស្ត្រ (Non medical mask)…
រាជធានីភ្នំពេញ ៖ ថ្មីៗនេះ អង្គការសុខភាពពិភពលោក (WHO) បានចេញផ្សាយនូវវីដេអូឃ្លីបមួយស្តីពីរបៀបនៃការដេរម៉ាស់សម្រាប់ពាក់ការពារពីការឆ្លងវីរុសកូវីដ១៩ ដោយប្រើប្រាស់ម៉ាស់ក្រណាត់ដែលមិនមែនវេជ្ជសាស្ត្រ (Non medical mask) និងរបៀបរៀបចំម៉ាស់ក្រណាត់នេះផងឲ្យបានត្រឹមត្រូវ ។
ក្នុងវីដេអូឃ្លីបដែលមានរយៈពេល៣នាទីរបស់អង្គការសុខភាពពិភពលោក បានពន្យល់ថា ម៉ាស់ក្រណាត់ខាងលើអាចដេរដោយមាន០៣ ស្រទាប់ គឺ ១- ស្រទាប់ក្រៅ ៖ ប្រើក្រណាត់ដែលមិនជ្រាបទឹក (Water resistant fabric) ២- ស្រទាប់កណ្តាល ៖ ប្រើក្រណាត់ប្រភេទធ្វើជាចម្រោះបាន ៣- ស្រទាប់ក្នុង ៖ ប្រើក្រណាត់សម្រូបជាតិទឹក ឫសំណើមបាន WHO បានបន្តទៀតថា ម៉ាស់ក្រណាត់ខាងលើនេះ លោកអ្នកអាចរៀបចំដេរដោយខ្លួនឯងបាន ប្រសិនបើមិនមានលទ្ធភាពទិញម៉ាស់វេជ្ជសាស្ត្រ (Medical mask) បាន ហើយម៉ាស់ក្រណាត់នេះ អាចត្រូវបានប្រើប្រាស់សម្រាប់ពេលមានមនុស្សច្រើន ។
ពេលលោកអ្នកធ្វើដំណើរ ពេលដែលកាលទេស: ឫទីកន្លែងដែលពិបាកធ្វើគម្លាតសុវត្ថិភាពបុគ្គល ឫនៅពេលដែលមានក្អកកណ្តាស់ជាដើម តែត្រូវចងចាំថា ការប្រើម៉ាស់បែបនេះតែមួយមុខគត់ មិនអាចការពារលោកអ្នកពីការចម្លងវីរុសកូវីដ-១៩ បានទេ គឺត្រូវអនុវត្តន៍រួមជាមួយនឹងការលាងដៃឲ្យបានញឹកញាប់ជាមួយសាប៊ូ ឫអាល់កុល ឫទឹកជែលលាងដៃ និងការអនុវត្តន៍ គម្លាតសុវត្ថិភាពបុគ្គលឲ្យបាន លើសពីមួយម៉ែត្រកន្លះឡើង ទើបអាចមានប្រសិទ្ធភាពក្នុងការការពារការចម្លងវីរុសកូវីដ-១៩។
ម៉ាស់ប្រភេទក្រណាត់នេះ ប្រើរួច ត្រូវបោកគក់ជាមួយសាប៊ូ និងហាលថ្ងៃឲ្យបានស្ងួតត្រឹមត្រូវ មុននឹងយកមកប្រើឡើងវិញ គ្រប់ពេលដែលបានប្រើប្រាស់រួច ឬនៅពេលដែលម៉ាស់នេះកខ្វក់។ WHO បានបញ្ជាក់ទៀតថា «មុនពេលពាក់ម៉ាស់ និងក្រោយពេលដោះម៉ាស់រួច ត្រូវលាងដៃជាមួយសាប៊ូ ឫអាល់កុល ឫទឹកជែលលាងដៃជាមុនសិន រាល់ពេលមុននឹងចាប់កាន់ម៉ាស់ ហើយមិនត្រូវប៉ះពាល់ផ្ទៃកណ្តាលនៃម៉ាស់នោះឡើយ ទាំងមុនពេល កំឡុងពេល និងក្រោយពេលពាក់ម៉ាស់» ។
គួរបញ្ជាក់ផងដែរថា ដើម្បីឱ្យកាន់តែយល់ច្បាស់ WHO បានណែនាំ ដល់ប្រជាជនទាំងអស់ អាចចូលមើលតាមវីដេអូឃ្លីប (សម្រាប់លោកអ្នកដែលចេះភាសាអង់គ្លេស) ប៉ុន្តែសម្រាប់ភាសារខ្មែរ ត្រូវបានពន្យល់ដូចការរៀបរាប់ខាងលើ ដោយលោកវេជ្ជបណ្ឌិត ឱ វណ្ណឌីន រដ្ឋលេខាធិការ និងជាអ្នកនាំពាក្យក្រសួងសុខាភិបាល៕
ចែករំលែកព័តមាននេះ