ប្រទេសអង់គ្លេស ៖ ក្រុមបិសាចក្រហម Manchester United នឹងត្រូវតទល់ជាមួយក្រុមតោខៀវ Chelsea ខណៈដែលក្រុមកាំភ្លើងធំ Arsenal នឹងត្រូវប៉ះគ្នាជាមួយម្ចាស់ការពារតំណែងជើងឯក…
ប្រទេសអង់គ្លេស ៖ ក្រុមបិសាចក្រហម Manchester United នឹងត្រូវតទល់ជាមួយក្រុមតោខៀវ Chelsea ខណៈដែលក្រុមកាំភ្លើងធំ Arsenal នឹងត្រូវប៉ះគ្នាជាមួយម្ចាស់ការពារតំណែងជើងឯក Manchester City នៅវគ្គពាក់កណ្តាលផ្តាច់ព្រ័ត្រ FA Cup។
រំលឹកថា សម្រាប់ក្រុមធំទាំង៤ មានតែក្រុម Arsenal តែប៉ុណ្ណោះដែលអាចឈ្នះពានរង្វាន់នេះ ច្រើនជាងគេបំផុតក្នុងប្រវត្តិសាស្ត្របាល់ទាត់អង់គ្លេស ពោលគឺដល់ទៅ ១៣ដង ខណៈការឈ្នះចុងក្រោយរបស់ពួកគេនៅឆ្នាំ២០១៧ ដោយបានផ្តួលក្រុម Chelsea ក្នុងលទ្ធផល ២-១ ។
ចំណែកឯក្រុម Man United ជាក្រុមបន្ទាប់ដែលអាចឈ្នះពានរង្វាន់នេះ ១២ដង ខណៈដែលក្រុម Chelsea ធ្លាប់ឈ្នះចំនួន ៨ដង។ ដោយឡែកក្រុមការពារតំណែងជើងឯក Man City ធ្លាប់ឈ្នះចំនួន ៦ដង។
សូមបញ្ជាក់ជូនថា ការប្រកួតវគ្គពាក់កណ្តាលផ្តាច់ព្រ័ត្រ FA Cup នឹងត្រូវប្រកួតនៅក្នុងកីឡដ្ឋានជាតិ Wembley នៅចុងសប្តាហ៍ថ្ងៃទី១៨ និង ១៩ ខែកក្កដា ឆ្នាំ២០២០ ដើម្បីចម្រាញ់យកតែពីរក្រុម ដើម្បីបន្តទៅវគ្គផ្តាច់ព្រ័ត្រ ដែលគ្រោងធ្វើនៅថ្ងៃសៅរ៍ ទី១ ខែសីហា ៕ (ប្រភពពី៖ FA Cup)
ចែករំលែកព័តមាននេះ