រាជធានីភ្នំពេញ ៖ នាសប្តាហ៍នេះ ក្រសួងការងារ និងបណ្តុះបណ្តាលវិជ្ជាជីវៈ បានចុះរៀបចំវគ្គបណ្តុះបណ្តាលចំណេះដឹងជំនាញទន់ ដល់រោងចក្រ-សហគ្រាស ចំនួន៧ ក្នុងនោះចំនួន៤រោងចក្រ/សហគ្រាស មានទីតាំងស្ថិតនៅរាជធានីភ្នំពេញ និង៣ទីតាំងរោងចក្រ/សហគ្រាសផ្សេងទៀត ស្ថិតនៅខេត្តកណ្តាល កំពង់ស្ពឺ និងពោធិ៍សាត់ដោយមានកម្មករនិយោជិត សរុប ៨,៥៨៥នាក់។
យោងតាមក្រសួងការងារ និងបណ្តុះបណ្តាលវិជ្ជាជីវៈ ការសិក្សានេះមានរយៈពេល២ថ្ងៃ ក្នុងគោលបំណងនៃការរៀបចំ វគ្គបណ្តុះបណ្តាល ជំនាញទន់ដែលមានមេរៀនដូចជា ដល់កម្មករ និយោជិតនាពេលនេះ គឺដើម្បីបង្កើនផលិតភាព ប្រសិទ្ធភាពការងារ បង្កើនសុខដុមរមនាទំនាក់ទំនងវិជ្ជាជីវៈនៅកន្លែងធ្វើការផង និងត្រៀមខ្លួនសម្រាប់ការងារថ្មីផង ខណៈពេលឧស្សាហកម្មត្រឡប់មកជាប្រក្រតីវិញ។ ជំនាញទាំងនោះរួមមាន ៖
១)-ជំនាញនៃការទំនាក់ទំនង និងសិល្បៈនៃការចរចា
២)-ការបំពេញការងារជាក្រុម
៣)-មូលដ្ឋានច្បាប់ស្ដីពីការងារ
៤)-នីតិវិធីដោះស្រាយវិវាទការងារ
៥)-សិទ្ធិជាមូលដ្ឋានរបស់កម្មករនិយោជិត
៦)-អត្ថប្រយោជន៍ ប.ស.ស
៧)-សុវត្ថិភាព និងសុខភាពការងារ (OSH)៖ វិធានការបង្ការជំងឺCOVID-19
បើតាមកម្មការិនី ធី ឡែន មានជំនាញខាងផ្នែក បានឱ្យដឹងថា «ក្រោយពេលបានចូលរួមក្នុងវគ្គបណ្តុះបណ្តាលជំនាញទន់នេះមក វាបានធ្វើអោយខ្ញុំយល់ដឹងកាន់តែច្បាស់អំពីអត្ថប្រយោជន៍នៃ ការប្រើប្រាស់ប័ណ្ ណប.ស.ស ចេះបង្ការ និងការពារខ្លួនពីរជំងឺ កូវីដ-១៩ មិនតែប៉ុណ្ណោះវគ្គសិក្សានេះ ក៏បានធ្វើខ្ញុំយល់ដឹងពីរបៀបនៃការចរចា ធ្វើការជាក្រុម និងច្បាប់ស្តីពីការងារផងដែរ»។
គួរបញ្ជាក់ផងដែរថា ប្រជាជនដែលបានចុះឈ្មោះជាសមាជិករបស់បេឡាជាតិរបបសន្តិសុខសង្គម ឬហៅកាត់ ប.ស.ស. អ្នកនឹងទទួលបានរបបធានារ៉ាប់រងគ្រោះថ្នាក់ការងារ ដែលមានអត្ថប្រយោជន៏ដូចជា៖
-សេវាសង្គ្រោះបន្ទាន់, សេវាព្យាបាល និងថែទាំ, ប្រាក់ឧបត្ថម្ភដល់អ្នក និងអ្នកថែទាំ
-ទទួលបានប្រាក់ឧបត្ថម្ភ ៧០% នៃប្រាក់ឈ្នួលមធ្យមជាប់ភាគទានប្រចាំថ្ងៃ ពេលដែលឈឺ មិនអាចទៅធ្វើការបាន និងផ្តល់ជូននូវឧបករណ៍ជំនួយផ្សេងៗ ប្រសិនរបួសឬពិការ។
-គ្រួសាររបស់អ្នក អាចនឹងទទួលបានប្រាក់ឧបត្ថម្ភ ប្រសិនមានគ្រោះថ្នាក់ការងាររហូតដល់បាត់បង់ជីវិត ។
-ជាកម្មកររោងចក្រ ផ្នែកតុកាត់ លោក វន ស៊ីវឹង ក៏ដូចជាក្រសួងការងារ ដែលបានរៀបចំ វគ្គបណ្តុះបណ្តាលនេះឡើង ធ្វើឲ្យរូបលោកទទួលបាននូវចំណេះដឹងបន្ថែមទៀត សម្រាប់យកទៅប្រើប្រាស់នៅក្នុងការងារ និងជីវភាពរស់នៅប្រចាំថ្ងៃថែមទៀត៕
ចែករំលែកព័តមាននេះ