រាជធានីភ្នំពេញ ៖ កញ្ញា អ៊ាង សុធា ធ្លាប់ទាញឱ្យគណៈកម្មាការចម្រៀងចាប់អារម្មណ៍យ៉ាងខ្លាំងកាលប្រឡងចម្រៀងឆ្នាំទៅ រហូតកំណត់អោយលេខ២ ទូទាំងប្រទេស ផ្នែកចម្រៀងសម័យ។ នាងជាធនធានសិល្បៈមួយដែលមានសមត្ថភាពប្រចាំខេត្តតាកែវ…
រាជធានីភ្នំពេញ ៖ កញ្ញា អ៊ាង សុធា ធ្លាប់ទាញឱ្យគណៈកម្មាការចម្រៀងចាប់អារម្មណ៍យ៉ាងខ្លាំងកាលប្រឡងចម្រៀងឆ្នាំទៅ រហូតកំណត់អោយលេខ២ ទូទាំងប្រទេស ផ្នែកចម្រៀងសម័យ។ នាងជាធនធានសិល្បៈមួយដែលមានសមត្ថភាពប្រចាំខេត្តតាកែវ ដែលអាចច្រៀងទាំងទម្រង់បុរាណ និងសម័យ ។ នៅពេលនេះ យើងខ្ញុំនឹងបង្ហាញពីជីវិតការងារសិល្បៈថ្មីៗរបស់ សុធា ក្រោយពេលសម្ងំមិនសូវបង្ហាញមុខ។
គួររំលឹកថា បើនិយាយពីត្រកូលអ៊ាង លោកអ្នកប្រាកដជាទទួលជ្រាបពីកេរ្តិ៍ឈ្មោះ តារាស្រី២ដួង ដែលអង្រួនសិល្បៈ ព្រោះទឹកដមសំឡេងល្អ និងទេពកោសល្យ។ ក្នុងនោះមានអ្នកនាង អ៊ាង ច័នថាវី ជាបងជាម្ចាស់ជ័យលាភីលេខ១ ពានរង្វាន់សម្តេចតេជោលេខ១ ចម្រៀងបាសាក់ អ៊ាង ម៉ាឡា ជាបងស្រី ជាប់លេខ១ ចម្រៀងខ្មែរជាសាកល កាលពីប៉ុន្មានឆ្នាំមុន និងមានបងប្រុសម្នាក់ទៀតចេះកូតទ្រ ជាប់លេខ១ ផ្នែកចម្រៀងបុរាណ។
នៅចុងក្រោយ សុធា ឆក់បានលេខ២ ទូទាំងប្រទេស។ ម្ល៉ោះហើយ បើគិតជាសមត្ថភាព ត្រកូល អ៊ាង មានបណ្តុំធនធានសិល្បៈល្អ ជូនអ្នកតាកែវមិនធម្មតា។ អ៊ាង សុធា ដែលដើមឡើយចេះតែច្រៀងបុរាណ យីកេ ភ្លេងការ បានឱ្យដឹងថា បាត់មុខមួយរយៈពីការងារសិល្បៈមិនបានទៅណាឆ្ងាយឡើយ។ នាង និងបងប្អូន រួមទាំងបងថាវី និងប្អូនប្រុសម្នាក់ទៀត ខិតខំធ្វើបទចម្រៀងតាក់តែង និពន្ធ ចម្រៀង ដែលជាបទ ស្នាដៃកូនខ្មែរ ថ្មីៗបម្រើទស្សនិកជន។
ជាក់ស្តែងបងស្រីនាង បានចេញបទចម្រៀងទាក់ទងកូវីដ១៩ និងបទមួយមានចំណងជើងថា «សម្រស់ដូនកែវ» ធ្វើអោយផ្ទុះការកោតសរសើរលើបណ្តាញសង្គម និងការសរសើរពីថ្នាក់ដឹកនាំខេត្តតាកែវ អោយបងប្អូនយើងព្យាយាមរកអ្វីបន្តល្អៗទៀត ជូនខេត្តតាកែវយើង។
ទោះបីជាបែបនេះក្តី នាង និងបងប្អូន នៅមានបទចម្រៀងបន្តបន្ទាប់ទៀត ទាំងបុរាណ និងសម័យ ហើយក៏មានបទចម្រៀង ក្រោមសំឡេងរបស់នាងដែរ។ សុធា ដែលចេះច្រៀងកាត់សក់ការដែរនោះ បន្តថា មានស្នាដៃ បានលេខ២ នៅទូទាំងប្រទេស កាលពីឆ្នាំទៅ នាង មិនបោះបង់មហិច្ឆិតា ចោលនោះទេ បើនៅឆ្នាំក្រោយៗទៀតប្រឡងកម្មវិធីនេះទៀត ដើម្បីដណ្តើមយកជ័យលាភីឯក ចង់ដឹងសមត្ថភាពបន្ត។
ចែករំលែកព័តមាននេះ