អ្នកជំនាញថា គួរតែបន្តលាងដៃ និងជៀសវាងការប៉ះពាល់កន្លែងមនុស្សច្រើន
អាមេរិក ៖ តាមប្រភពព័ត៌មាន CNN បានឱ្យដឹងថា វេជ្ជបណ្ឌិតខាងផ្នែកសង្គ្រោះបន្ទាន់ Leana Wen បានចូលរួមជាមួយសន្និសីទបកស្រាយរបស់ព័ត៌មាន CNN…
អាមេរិក ៖ តាមប្រភពព័ត៌មាន CNN បានឱ្យដឹងថា វេជ្ជបណ្ឌិតខាងផ្នែកសង្គ្រោះបន្ទាន់ Leana Wen បានចូលរួមជាមួយសន្និសីទបកស្រាយរបស់ព័ត៌មាន CNN ដែលធ្វើឡើងដើម្បីបកស្រាយពីចម្ងល់របស់មហាជនមកលើបច្ចុប្បន្នភាពរបស់ជំងឺកូវីដ១៩ នៅសប្តាហ៍នេះ។
នៅថ្ងៃនេះ នាយកដ្ឋានប្រយុទ្ធនឹងជំងឺឆ្លង CDC សហរដ្ឋអាមេរិក បានធ្វើបច្ចុប្បន្នភាពស្តីអំពីប្រភេទមនុស្សដែលងាយនឹងគ្រោះថ្នាក់ពេលមានជំងឺកូវីដ១៩។ បញ្ជីនេះរាប់បញ្ចូលទាំងអ្នកដែលមាន ជំងឺតម្រងនោមធ្ងន់ធ្ងរ ជំងឺសួត ជំងឺបេះដូង និងជំងឺធាត់លើសទម្ងន់។
ការធាត់លើសទម្ងន់នេះ គឺជាបញ្ហាធំបំផុត ដោយសារតែប្រជាជនអាមេរិកជាង ៤០% គឺសុទ្ធជាមនុស្សធាត់។ ស្ត្រីមានផ្ទៃពោះឥឡូវនេះ ក៏ត្រូវបានគេចាត់ទុកចូលក្នុងប្រភេទមនុស្សដែលមានងាយនឹងមានគ្រោះថ្នាក់ពេលមានជំងឺកូវីដ១៩ដែរ។
ជាមួយគ្នាដែរ លោកស្រីវេជ្ជបណ្ឌិតក៏បានធ្វើការបញ្ជាក់បន្ថែមទៅលើសំណួរថា «តើអត្រាឆ្លងដោយការប៉ះពាល់ ត្រូវបានថមថយដែរឬទេ?»។
លោកស្រីវេជ្ជបណ្ឌិតបានមានប្រសាសន៍ថា របៀបដែលងាយឆ្លងគឺតាមរយៈការទាក់ទងមនុស្សនឹងមនុស្ស ដែលនៅជិតគ្នាពេលនិយាយ ឬ កណ្តាស។ តែវាក៏តែគ្រោះថ្នាក់សម្រាប់ការប៉ះពាល់ ជាពិសេសទៅនឹងកន្លែងដែលមានមនុស្សប៉ះពាល់ច្រើន (ដៃទ្វារសាធារណៈ)។ ដូចនេះ គឺវានៅតែសំខាន់សម្រាប់ការលាងសម្អាតដៃជាប្រចាំ ហើយមានការប្រុងប្រយ័ត្នលើអ្វីដែលយើងបានប៉ះ៕ ដកស្រង់ចេញពីវេបសាយ ៖ cnn (កែសម្រួលដោយ ៖ បុប្ផា)
ចែករំលែកព័តមាននេះ