ម៉ិចស៊ិក ៖ តាមប្រភពព័ត៌មាន CNN បានឱ្យដឹងថា ក្រសួងសុខាភិបាលម៉ិចស៊ិកបានរាយការណ៍ថា មានករណីឆ្លងវីរុសកូវីដ១៩ថ្មីយ៉ាងហោចណាស់ ៦,១០៤ករណី កាលពីថ្ងៃព្រហស្បតិ៍ ដែលជាករណីកើនឡើងខ្ពស់បំផុតប្រចាំថ្ងៃ លំដាប់ទី២ នៅក្នុងប្រទេស។
នៅពេលនេះមានយ៉ាងហោចណាស់ ២០២,៩៥១ករណីនៅក្នុងប្រទេសម៉ិចស៊ិក ដែលជាករណីឆ្លងសរុប ចាប់តាំងពីការចាប់ផ្តើមរាតត្បាត។
ក្រសួងសុខាភិបាលក៏បានរាយការណ៍អំពីចំនួនអ្នកបាត់បង់ជីវិតដោយសារជំងឺកូវីដ១៩ ថ្មី យ៉ាងហោចណាស់ ៧៣៦នាក់ ដែលធ្វើឱ្យចំនួនអ្នកបាត់បង់ជីវិតសរុប ដោយជំងឺនេះនៅក្នុងប្រទេស យ៉ាងហោចណាស់ ២៥,០៦០នាក់។
ជាមួយគ្នានេះដែរ នាពេលនេះ លោករដ្ឋមន្ត្រីក្រសួងហិរញ្ញវត្ថុម៉ិចស៊ិក Arturo Herrera បានធ្វើតេស្តវិជ្ជមានថាមានជំងឺកូវីដ១៩។ លោកបានប្រាប់ថា ចាប់ពីពេលនេះតទៅ លោកនឹងនៅដាច់ដោយឡែកមួយរយៈ ហើយត្រូវបន្តធ្វើការពីផ្ទះ។ នេះក៏ដោយសារតែលោកមានរោគសញ្ញាបន្តិចបន្តួចមិនធ្ងន់ធ្ងរ៕ ដកស្រង់ចេញពីវេបសាយ ៖ cnn (កែសម្រួលដោយ ៖ បុប្ផា)
ចែករំលែកព័តមាននេះ