រាជធានីភ្នំពេញ ៖ តារាចម្រៀងក្នុងផលិតកម្មហង្សមាសនាង ឈិត រតនៈ បានបង្ហាញយ៉ាងចាក់ដោតមួយទម្លាយពីការមើលងាយពីមនុស្សមួយចំនួនកាលពីអតីតតកាលដែលបានដៀលនាងថា ជាមនុស្សស្រែៗ ច្រៀងមិនពីរោះឡើយ។
សារដែលបានបង្ហោះពីតារារូបនេះបានធ្វើឲ្យមហាជន ជាពិសេសបណ្តាអ្នកលេងហ្វេសប៊ុកបានសម្តែងការភ្ញាក់ផ្អើល ក្នុងពេលដែលនាងបានភ្ជាប់ជាមួយនឹងរូបភាពរបស់នាងកាលពីអតីតកាល និងបច្ចុប្បន្ន ដែលមើលទៅខុសគ្នាស្រឡះ។
ឈិត រតនៈ បានបង្ហោះសារថា អរគុណសម្រាប់ការមើលងាយ។ ជាកាពិតនាងខ្ញុំចាំមិនដែលភ្លេចអ្នកដែលធ្លាប់បានមើលងាយខ្ញុំពីមុនៗ មានពាក្យជាច្រើនដូចជា នាងក្មេងមកពីស្រែ ច្រៀងយ៉ាងណាក៏មិនល្បីមុខវាអញ្ចឹង ក្មេងកំព្រា… អ្នកក្រ តែខ្ញុំជឿថា គាត់និងឃើញពីការបោះជំហ៊ានរបស់ខ្ញុំសព្វថ្ងៃ ជាចុងក្រោយអរគុណណាសម្រាប់ការមើលងាយ ហើយអ្នកត្រូវចងចាំមនុស្សកុំមើលងាយមនុស្ស។
យ៉ាងណា បើទោះបីជា ឈិត រតនៈ មិនល្អិតពីអតីតកាលរបស់ខ្លួនដ៏ឈឺចាប់ និងអាប់អួរបែបណាក៏ដោយ ប៉ុន្តែតាមរយៈសារដែលនាងបានសរសេរបង្ហោះអាចបញ្ជាក់ថា ទម្រាំឈានមកដល់បច្ចុប្បន្ននាងក៏ជាតារាមួយរូបដែលធ្លាប់ហែលឆ្លងនូវរាល់យ៉ាងលំបាកផងដែរ។
សារនេះ ទំនងជានាងចង់បញ្ជាក់ផងដែរ ចំពោះមនុស្សមួយចំនួនដែលធ្លាប់មើលងាយនាងកន្លងមក ឲ្យបានឃើញពីភាពជោគជ័យរបស់នាងនាពេលនេះ ជាមួយនឹងការដាស់តឿនទៅដល់មហាជនឲ្យខិតខំតស៊ូ ដើម្បីឈានទៅដល់ភាពជោគជ័យ។
ទោះជាយ៉ាងណា បន្ទាប់ពី ឈិន រតនៈ បានបង្ហោះសារនោះមក មានប្រិយមិត្តគាំទ្ររូបនាងជាច្រើនបាននាំគ្នាចូលខំមិនលើកទឹកចិត្តដល់តារារូបនេះ ក្នុងពេលដែលនាងកំពុងចាប់ឈោងនូវភាពល្បីល្បាញក្នុងរយះពេលចុងក្រោយនេះ។ ជាកូនអ្នកខេត្តកំពង់ចាម ឈិត រតនះ បានចូលប្រឡូកសិល្បៈចម្រៀងតាមរយៈការចូលរួមប្រកួតកម្មវិធីប្រឡងចម្រៀងលំដាប់ពិភពលោក The Voice Cambodia រដូវកាលទី២ របស់ទូរទស្សន៍ហង្សមាសកាលពីឆ្នាំ២០១៦។
បើទោះបីជាការប្រឡងរបស់នាងមិនបានជាប់ចំណាត់ថ្នាក់លេខមួយ ក៏ដោយ ប៉ុន្តែនាងក៏ជាបេក្ខភាពមួយរួមដែលបានឈានដល់វគ្គផ្តាច់ព្រ័ត្រ ក្នុងការប្រកួតប្រជែងដណ្តើមពានពីកម្មវិធីផងដែរ។ បន្ទាប់ពីចប់ការប្រឡងនោះរួចមក តារារូបនេះបានមានឈ្មោះបោះសម្លេងគួសមតាមរយៈបទចម្រៀងរបស់នាងដែលមានអ្នកគាំទ្រច្រើន ក្នុងនោះនាងក៏មានឱកាសឡើងឆាកច្រៀងជាបន្តបន្ទាប់ស្ទើរមិនដាក់សូរផងដែរ។
ភាពជោគជ័យលើវិថីសិល្បៈនេះបានធ្វើអោយ ឈិត រតនៈ កាន់តែមានភាពស៊ីវិល័យ ជាមួយនឹងការប្រែមុខមាត់ រូបសម្រស់កាន់តែស្រស់ស្អាត ខុសប្លែកស្ទើរទាំងស្រុងនៅពេលពេលដែលនាងចូលរួមប្រឡង៕ (កែសម្រួលដោយ ៖ បុប្ផា)
ចែករំលែកព័តមាននេះ