រាជធានីភ្នំពេញ ៖ កូវីដ១៩ បានធ្វើឲ្យកម្ពុជាបាត់ចំណូលពីវិស័យទេសចរណ៍ហើយពលរដ្ឋបាត់បង់ការងារធ្វើជាច្រើននាក់។ ការស្តារឡើងវិញវិស័យនេះ មន្ត្រីនិងវិស័យឯកជនកំពុងជំរុញឲ្យសហគមន៍ទេសចរណ៍ធម្មជាតិនៅកម្ពុជា ដែលបានកក់មិនបានកែច្នៃជាយូរមកហើយ។ លោក ថោង ខុន…
រាជធានីភ្នំពេញ ៖ កូវីដ១៩ បានធ្វើឲ្យកម្ពុជាបាត់ចំណូលពីវិស័យទេសចរណ៍ហើយពលរដ្ឋបាត់បង់ការងារធ្វើជាច្រើននាក់។ ការស្តារឡើងវិញវិស័យនេះ មន្ត្រីនិងវិស័យឯកជនកំពុងជំរុញឲ្យសហគមន៍ទេសចរណ៍ធម្មជាតិនៅកម្ពុជា ដែលបានកក់មិនបានកែច្នៃជាយូរមកហើយ។
លោក ថោង ខុន រដ្ឋមន្ត្រីក្រសួងទេសចរណ៍ ជាមួយវិស័យឯកជន បានធ្វើដំណើរទៅកាន់សហគមន៍ទេសចរណ៍ជាច្រើននៅពេលនេះដើម្បីលើកទឹកចិត្តឲ្យមានការអភិវឌ្ឍវិស័យទេសចរណ៍តាមសហគមន៍។
កាលពីថ្ងៃទី២១ ខែមិថុនា ឆ្នាំ២០២០ លោកបានចុះទៅសហគមន៍ទេសចរណ៍ខ្នារពោធិ៍ ក្នុងស្រុកសូទ្រនិគម ខេត្តសៀមរាប នៅទីនោះគឺជាតំបន់កម្រនិងពិសេសមួយ ដែលគេហៅថាព្រៃកោងកាងដីគោក។ រដ្ឋមន្ត្រីក្រសួងទេសចរណ៍បានប្រកាសថានឹងខិតខំអភិវឌ្ឍន៍ទីនោះឲ្យក្លាយជាគោលដៅទេសចរណ៍មួយទៀតរបស់ខេត្តសៀមរាប។
នៅទីនោះ លោក ថោង ខុន ថែមទាំងបានបញ្ជាក់ថា អន្តរក្រសួងដែលមានក្រសួងទេសចរណ៍ ក្រសួងបរិស្ថាន ក្រសួងកសិកម្ម ភាគីពាក់ព័ន្ធជាច្រើនទៀត បានកំពុងសហការគ្នាដើម្បីរៀបចំការគ្រប់គ្រង និងអភិវឌ្ឍន៍សហគមន៍ទេសចរណ៍ធម្មជាតិ និងអេកូទេសចរណ៍បានមួយចំនួន នៅកម្ពុជាឲ្យក្លាយជាគោលដៅទេសចរណ៍កាន់តែសកម្ម។
សហគមន៍ដែលកម្ពុជាកំពុងជំរុញអភិវឌ្ឍន៍នោះ មាន សហគមន៍អេកូទេសចរណ៍ជីផាត ស្ថិតនៅឃុំជីផាត ឆាយអារ៉ែង ស្ថិតនៅក្នុងស្រុកថ្មបាំង ខេត្តកោះកុង សហគមន៍ទេសចរណ៍កោះទ្រង់ ក្នុងខេត្តក្រចេះ សហគមន៍ទេសចរណ៍កំពង់ភ្លុក ក្នុងខេត្តសៀមរាម សហគមន៍ទេសចរណ៍ បន្ទាយឆ្មារ ខេត្តបន្ទាយមានជ័យ សហគមន៍អេកូទេសចរណ៍ម្លប់បៃតង ខេត្តកំពង់ស្ពី និងសហគមន៍ទេសចរណ៍ជាច្រើនទៀត ដែលមានសក្តានុពល។
វិស័យទេសចរណ៍កម្ពុជាត្រូវគេឲ្យតម្លៃថាជាមាសប៉ៃតង ក្រៅពីប្រាសាទបុរាណ វប្បធម៌ដ៍ចំណាស់ ខ្មែរមានធនធានធម្មជាតិ មានព្រៃ សត្វព្រៃ ជីវចម្រុះ សមុទ្រ ភ្នំ ទឹកជ្រោះ ដែលសុទ្ធសឹងជាសក្តានុពលទេសចរណ៍។
លោកថោង ខុន ថាការជំរុញសហគមន៍អេអូទេសចរណ៍ជារឿងសំខាន់នៅពេលនេះ ហើយលោកសង្ឃឹមថាអេកូទេសចរណ៍កម្ពុជានឹងមានភាពល្បីល្បាញទាំងក្នុងតំបន់និងសកលលោក។ លោកបានលើកឡើងថា ដូចជាករណី សហគមន៍អេកូទេសចរណ៍ទឹកជប់ខ្នារពោធិ៍ គឺពិតជាមោទនភាពធំណាស់សម្រាប់ស្រុកសូទ្រនិគមខេត្តសៀមរាប និងប្រទេសជាតិទាំងមូល។
រដ្ឋមន្ត្រីក្រសួងទេសចរណ៍បានបញ្ជាក់ថា គេធ្លាប់តែឮព្រៃកោងកាងសមុទ្រ តែនេះនៅខេត្តសៀមរាបមានដើមកោងកាងបានដុះជាច្រើនជិត ១០០ហិកតា ដែលមានខ្យល់បរិសុទ្ធ បរិយាកាសស្ងប់ស្ងាត់ ដោយសម្បូរដោយបក្សាបក្សីជាច្រើនប្រភេទ។
ស្របពេលមិនទាន់មកដល់នូវអ្នកទេសចរណ៍បរទេសឡើងវិញកម្ពុជាបានកំពុងចលនាដើរកម្សាន្តក្នុងស្រុក។ ក្នុងរយៈពេល៣សប្តាហ៍ ក្នុងខែមិថុនា នេះ ប្រជាពលរដ្ឋជាង៤៥ម៉ឺននាក់បានដើរកម្សាន្តចំនួននេះកើនឡើងប្រមាណ ៧.២៤% ធៀបទៅនឹងរយៈដូចគ្នានាខែឧសភា។
ជាការត្រៀមទទួលភ្ញៀវទេចរណ៍ឡើងវិញក្រោយពីវិបត្តិកូវីដ១៩ ប្រទេសដែលមានសក្តានុពលនេះ ហាក់បានកំពុងរៀបចំស្តារឡើងវិញនូវហេដ្ឋាចរនាសម្ព័ន្ធទេសចរណ៍ឲ្យកាន់តែល្អប្រសើរជាងមុន។ នៅឯទឹកដីអង្គរ អាជ្ញាធរកំពុងបានរៀនចំសោភ័ណភាពបរិវេណអង្គរ ដូចជាលាងសម្អាតប្រាសាទ ដាំស្មៅ ដាំដើមឈើ រៀបចំកន្លែងបដិសណ្ឋាគារកិច្ច និងហេដ្ឋារចនាសម្ព័ន្ធផ្សេងៗទៀត ដើម្បីទាក់ទាញនិងបង្ករភាពកាន់ងាយស្រួលដល់អ្នកទេសចរណ៍ផងដែរ៕
ចែករំលែកព័តមាននេះ