ខេត្តកំពង់ឆ្នាំង ៖ ជារៀងរាល់ឆ្នាំ តាមធម្មតា បន្ទាប់ពីកំដៅថ្ងៃក្តៅហែងនាដើមខែមិថុនា មេឃរមែងបង្អុរភ្លៀងខ្លះៗហើយ ប៉ុន្តែឆ្នាំនេះរដូវប្រាំងបានអូសបន្លាញយូរជាងរាល់ឆ្នាំ ដែលអាចបណ្តាលមកពីការបំរែបំរួលអាកាសធាតុ ។ នៅក្នុងទន្លេ…
ខេត្តកំពង់ឆ្នាំង ៖ ជារៀងរាល់ឆ្នាំ តាមធម្មតា បន្ទាប់ពីកំដៅថ្ងៃក្តៅហែងនាដើមខែមិថុនា មេឃរមែងបង្អុរភ្លៀងខ្លះៗហើយ ប៉ុន្តែឆ្នាំនេះរដូវប្រាំងបានអូសបន្លាញយូរជាងរាល់ឆ្នាំ ដែលអាចបណ្តាលមកពីការបំរែបំរួលអាកាសធាតុ ។ នៅក្នុងទន្លេ ដែលកាន់តែរាក់ទៅស្ទើរគោក ស្ថិតក្នុងភូមិកោះតាម៉ូវ ឃុំកំពង់ព្រះគគី ស្រុកបរិបូរណ៌ ខេត្តកំពង់ឆ្នាំង មានមនុស្សមួយក្រុមកំពុងរើសម្រាស់លើកចេញពីរង្វង់សាច់អួន ដែលពួកគាត់កំពុងហ៊ុមជារង្វង់ ដើម្បីចាប់ត្រី។
អ្នកខ្លះលើកសម្រាស់ពីក្នុងរង្វង់សាច់អួនបោះចូលទន្លេ ចំណែកអ្នកខ្លះទៀតទាញដាក់លើទូក រួចយកទៅអូសឡើងគោក ហើយអ្នកខ្លះច្រមុចចូលទៅក្នុងទឹក ដើម្បីរំកិលជើងសាច់អួនបង្រួមឱ្យតូច ក្នុងខណៈពេលដែលអ្នកខ្លះទៀតយកបង្គោលទុលសាច់អួនឱ្យខ្ពស់ឡើងលើផុតទឹក ដើម្បីការពារត្រីលោតចេញ។
ទិដ្ឋភាពនៃការចាប់ត្រីទាំងនេះ មើលទៅគួរឲ្យគយគន់ និងរីករាយណាស់។ ប៉ុន្តែ អ្វីដែលមិនគួរឲ្យរីករាយនោះ គឺការចាប់ត្រីបែបនេះ គឺមិនប្រក្រតីឡើយ ព្រោះការនេសាទដោយដាក់សម្រាស់ ធ្វើឱ្យត្រីកុំ ដោយប្រើអួនហ៊ុមព័ទ្ធជាបទល្មើសខុសច្បាប់ ហើយអ្វីដែលក្រុមអ្នកនេសាទទាំងនោះដឹងច្បាស់នោះ គឺពេលនេះជារដូវបិទនេសាទដែលច្បាប់ជលផលមិនអនុញ្ញាតឲ្យនរណាម្នាក់នេសាទត្រីនោះឡើយ។
តាមពិតទៅ ការនេសាទត្រីនៅរដូវបិទនេសាទ ដូចជាក្រុមអ្នកនេសាទខាងលើ មិនមែនជាហេតុផលតែមួយគត់ដែលធ្វើឲ្យត្រីកាន់តែបាត់បង់ទៅនោះទេ។ នៅមិនឆ្ងាយប៉ុន្មានពីសកម្មភាពខាងលើនេះ ដើមឈើព្រៃលិចទឹកតូចធំ បានដួលរលំ ងាប់ពេញព្រៃ ប្រែជាពណ៌លឿង ខ្លះពណ៌ក្រម៉ៅ ដោយសារការកាប់ទន្ទ្រានយកដីធ្វើកសិកម្មពីក្រុមជនខិលខូច ដែលរង់ចាំតែឱកាសល្អ និងដុតកំទេចចោល ដើម្បីវាតទីយកដី ពោលគឺជាបទល្មើសដែលច្បាប់ស្តីពីជលផលហាមឃាត់។
បុរសវ័យចំណាស់ម្នាក់ ដែលជាម្ចាស់សម្រាស់ និងសុំមិនបញ្ចេញឈ្មោះ កំពុងឈរមើលសកម្មភាពហ៊ុមសម្រាស់ចាប់ត្រីរបស់កម្មករខ្លួន យ៉ាងអន្ទះសារ និងយកចិត្តទុកដាក់។ បុរសរូបនេះ និយាយថា ក្នុងចំណោមសម្រាស់ជាច្រើន ក្នុងឃុំកំពង់ព្រះគគី ដែលគាត់មាន សម្រាស់មួយនេះធំជាងគេ មានជម្រៅជ្រៅ និងទទួលផលត្រីច្រើនជាងគេ។ គាត់និយាយថា កាលពីប៉ុន្មានឆ្នាំមុន សម្រាស់មួយនេះអាចចាប់ត្រីលក់ម្តងៗ បានប្រាក់ចាប់ពី៤០ទៅ៥០លានរៀល ។
គាត់បន្តថា៖ «ប៉ុន្តែ ពីមួយឆ្នាំទៅមួយឆ្នាំ ផលត្រីចេះតែថយចុះជាលំដាប់។ ឆ្នាំចុងក្រោយ(២០១៩) ចាប់ត្រីលក់បានតែជាង១០លានប៉ុណ្ណោះ មិនអាចទូទាត់ថ្លៃចំណាយបានទេ ព្រោះត្រូវចំណាយលើកម្លាំងពលកម្ម ដាក់សម្រាស់ និងចំណាយរត់ការបង់ប្រាក់គ្រប់ជំនាញទៀត។ សម្រាប់ឆ្នាំនេះមិនដឹងយ៉ាងណាទេ បើការហ៊ុមសម្រាស់ជិតជុំទៅហើយមិនទាន់ឃើញត្រីលោត១ក្បាលផង»។
ព័ត៌មានពិស្តារនឹងមានផ្សាយជូននៅលើកាសែតកោះសន្តិភាព ។ (កែសម្រួលដោយ ៖ បុប្ផា)
ចែករំលែកព័តមាននេះ