ខេត្តស្ទឹងត្រែង ៖ បើតាមសេចក្តីរាយការណ៍បានឱ្យដឹងថា ឈើក្តារផ្ចឹកប្រភេទលេខ១ ជិត១០ម៉ែត្រគូប ត្រូវបានរឹបអូសទៅរក្សាទុកនៅសង្កាត់រដ្ឋបាលព្រៃឈើដុងក្រឡ ទុកជាសម្បត្តិរដ្ឋ ក្រោយពីប្រទះឃើញបង្កប់ក្នុងស្រះទឹកមួយកន្លែង ស្ថិតនៅភូមិរិទ្ធីសែនជយ័២(ភូមិឧបសម្ពន្ត័) ឃុំអូរស្វាយ…
ខេត្តស្ទឹងត្រែង ៖ បើតាមសេចក្តីរាយការណ៍បានឱ្យដឹងថា ឈើក្តារផ្ចឹកប្រភេទលេខ១ ជិត១០ម៉ែត្រគូប ត្រូវបានរឹបអូសទៅរក្សាទុកនៅសង្កាត់រដ្ឋបាលព្រៃឈើដុងក្រឡ ទុកជាសម្បត្តិរដ្ឋ ក្រោយពីប្រទះឃើញបង្កប់ក្នុងស្រះទឹកមួយកន្លែង ស្ថិតនៅភូមិរិទ្ធីសែនជយ័២(ភូមិឧបសម្ពន្ត័) ឃុំអូរស្វាយ ស្រុកបុរីអូរស្វាយសែនជ័យ កាលពីម៉ោង៩ម៉៣០នាទីព្រឹក ថ្ងៃទី២៤ ខែមិថុនា ឆ្នាំ២០២០។
តាមប្រភពព័ត៌មានអោយដឹងថា ក្រោយការទទួលព័ត៌មានស្តីពីការលាក់ឈើនៅក្នុងស្រះទឹកចំណុចខាងលើ កម្លាំងកងរាជអាវុធហត្ថចុះបង្ក្រាប ដោយមានការសម្របសម្រួលពីលោក វង្ស សាវ៉ាត ព្រះរាជអាជ្ញារងសាលាដំបងខេត្ត។
ប្រភពដដែលបន្តថា បន្ទាប់កម្លាំងកងរាជអាវុធហត្ថចុះជាន់ជាប់លើទីតាំងបទល្មើស ទើបកម្លាំងនគរបាលស្រុកចុះបន្តបន្ទាប់។ ក្រោយពីការបង្ក្រាបរឹបអូសវត្ថុតាងជាក់ស្តែង កម្លាំងកងរាជអាវុធហត្ថបានកសាងសំណុំរឿងប្រគល់ទៅជំនាញរដ្ឋបាលព្រៃឈើបន្តនីតិវិធី។
មន្ត្រីរដ្ឋបាលព្រៃឈើសង្កាត់ដុងក្រ បានអោយដឹងថា ឈើល្មើសច្បាប់ខាងលើ ជាប្រភេទឈើផ្ចឹកអា ជាក្តាចំនួន១៤៤សន្លឹក ស្មើនឹង៨,៨១ ៨ម៉ែត្រគូប។ បន្ទាប់រឹបអូសឈើក្តាខាងលើ មន្ត្រីជំនាញបានប្រើប្រាស់រថយន្ត និងគោយន្តកន្ត្រៃដឹកជញ្ជូនទៅរក្សាទុកនៅសង្កាត់រដ្ឋបាលព្រៃ ឈើដុងក្រឡ៕
ចែករំលែកព័តមាននេះ