WHO ថា នឹងមានករណីឆ្លងកូវីដ១៩ឡើងដល់១០លាននាក់នៅសប្តាហ៍ក្រោយ
តាមប្រភពព័ត៌មាន The Sun បានឱ្យដឹងថា អង្គការសុខភាពពិភពលោកបាននិយាយថា មនុស្ស ១០លាននាក់នៅទូទាំងពិភពលោក បានឆ្លងជំងឺកូវីដ១៩ មកដល់ពេលនេះ។ មានករណីជាង…
តាមប្រភពព័ត៌មាន The Sun បានឱ្យដឹងថា អង្គការសុខភាពពិភពលោកបាននិយាយថា មនុស្ស ១០លាននាក់នៅទូទាំងពិភពលោក បានឆ្លងជំងឺកូវីដ១៩ មកដល់ពេលនេះ។ មានករណីជាង ៩.១លានករណី ត្រូវបានគេរាយការណ៍មកទល់ពេលនេះ ដោយមន្ត្រីរំពឹងថា នឹងមានចំនួន ១០លាននាក់ នៅសប្តាហ៍ក្រោយ។ មានមនុស្សបាត់បង់ជីវិតជាង ៤៧០,០០០នាក់ដោយសារជំងឺនេះ។
លោកវេជ្ជបណ្ឌិត Tedros Adhanom Ghebreyesus អគ្គនាយកអង្គការសុខភាពពិភពលោក បានមានប្រសាសន៍ថា៖ «ក្នុងខែដំបូងនៃការផ្ទុះជំងឺនេះតិចជាង គេឃើញមានតែ ១ម៉ឺនករណីប៉ុណ្ណោះ ដែលត្រូវបានរាយការណ៍ទៅ WHO»។
លោកបានបន្តទៀតថា៖ «កាលពីខែមុនមានករណីជិត ៤លានត្រូវបានរាយការណ៍។ យើងរំពឹងថានឹងមានករណីសរុបចំនួន ១០លានករណី ក្នុងសប្តាហ៍ក្រោយនេះ»។
លោកបាននិយាយថា តួលេខគួរឱ្យព្រួយបារម្ភ គឺជាការធ្វេសប្រហែលស្មារតីប្រុងប្រយ័ត្នរបស់មនុស្ស ខណៈដែលវ៉ាក់សាំងកំពុងតែមិនទាន់មានដាក់ឱ្យប្រើប្រាស់នៅឡើយ៕ ដកស្រង់ចេញពីវេបសាយ ៖ thesun (កែសម្រួលដោយ ៖ បុប្ផា)
ចែករំលែកព័តមាននេះ