ឥណ្ឌា ៖ តាមប្រភពព័ត៌មាន Oddity Central បានឱ្យដឹងថា បុរសជនជាតិឥណ្ឌាអាយុ៤០ឆ្នាំម្នាក់ បានបាត់បង់ជីវិតយ៉ាងអាណោចអាធ័មនាពេលថ្មីៗនេះ បន្ទាប់ពីក្រុមគ្រួសារដែលមកលេងគាត់ ហើយក៏បានដកឌុយម៉ាស៊ីនជំនួយដង្ហើម…
ឥណ្ឌា ៖ តាមប្រភពព័ត៌មាន Oddity Central បានឱ្យដឹងថា បុរសជនជាតិឥណ្ឌាអាយុ៤០ឆ្នាំម្នាក់ បានបាត់បង់ជីវិតយ៉ាងអាណោចអាធ័មនាពេលថ្មីៗនេះ បន្ទាប់ពីក្រុមគ្រួសារដែលមកលេងគាត់ ហើយក៏បានដកឌុយម៉ាស៊ីនជំនួយដង្ហើម ដើម្បីដោតម៉ាស៊ីនត្រជាក់វិញ។
បុរសដែលមិនបញ្ចេញឈ្មោះ ត្រូវបានគេសង្ស័យថា កំពុងមានជំងឺកូវីដ១៩ ហើយបានចូលផ្នែកសង្គ្រោះជំងឺធ្ងន់ (ICU) នៅមន្ទីរពេទ្យ Maharao Bhim Singh (MBS) ក្នុងរដ្ឋ Rajasthan ប្រទេសឥណ្ឌា នៅថ្ងៃទី១៣ ខែមិថុនា។ ពីរថ្ងៃក្រោយមក ក្រុមគ្រួសាររបស់បុរសរូបនោះបានមកលេង ហើយដោយសារតែវាក្តៅខ្លាំងពេកនាពេលនោះ ពួកគេក៏បានយកម៉ាស៊ីនត្រជាក់ចល័តមកតាមខ្លួន។
ដោយសារតែមន្ទីរពេទ្យបិទប្រព័ន្ធម៉ាស៊ីនត្រជាក់ ព្រោះតែកាត់បន្ថយការឆ្លងតាមខ្យល់ ក្រុមគ្រួសាររបស់អ្នកជំងឺខាងលើ ក៏បានដកឌុយម៉ាស៊ីនជំនួយដង្ហើមបុរសអ្នកជំងឺដោយមិនដឹងខ្លួន ហើយដោតឌុយម៉ាស៊ីនត្រជាក់ជំនួសវិញ។
ភ្លាមៗនោះ គេមិនបានដឹងនោះទេ ដោយសារតែម៉ាស៊ីនជំនួយដង្ហើមនៅតែដំណើរការ ព្រោះតែវាមានថ្មបម្រុងបានមួយភ្លែតទៀត។ តែក្រោយមកវាក៏អស់ថ្ម ហើយបុរសជាអ្នកជំងឹមិនអាចដកដង្ហើមបានទេ។ ក្រុមគ្រូពេទ្យបានរត់មកជួយ តែអ្វីៗវាយឺតពេលបាត់ទៅហើយ។
លោកវេជ្ជបណ្ឌិត Navin Saxena ប្រធានផ្នែកវេជ្ជសាស្ត្រនៅមន្ទីរពេទ្យមន្ទីរពេទ្យកើតហេតុ បានបញ្ជាក់ប្រាប់ VICE News ថា បុរសនោះបានបាត់បង់ជីវិតហើយ ដោយបន្ថែមថា គ្រូពេទ្យដែលបំពេញភារកិច្ចនៅថ្ងៃនោះ បានចោទប្រកាន់ក្រុមគ្រួសាររបស់អ្នកជំងឺថា ធ្វើខុស និងធ្វេសប្រហែស៕ ដកស្រង់ចេញពីវេបសាយ ៖ odditycentral (កែសម្រួលដោយ ៖ បុប្ផា)
ចែករំលែកព័តមាននេះ