ក្រុមរថយន្ត Off Road បំបែកកំណត់ត្រាថ្មី ប្រើពេល៧ថ្ងៃ ឡើងដល់កំពូលភ្នំខ្នងផ្សារ រងការរិះគន់ខ្លះៗ
រាជធានីភ្នំពេញ ៖ នាថ្ងៃទី២៤ មិថុនា ២០២០ ម្សិលមិញនេះនៅលើហ្វេសប៊ុកផេករបស់ Pol Rider បានប្រកាសថា «គ្រួសារឡាន…
រាជធានីភ្នំពេញ ៖ នាថ្ងៃទី២៤ មិថុនា ២០២០ ម្សិលមិញនេះនៅលើហ្វេសប៊ុកផេករបស់ Pol Rider បានប្រកាសថា «គ្រួសារឡាន…
រាជធានីភ្នំពេញ ៖ នាថ្ងៃទី២៤ មិថុនា ២០២០ ម្សិលមិញនេះនៅលើហ្វេសប៊ុកផេករបស់ Pol Rider បានប្រកាសថា «គ្រួសារឡាន Off Road នៃក្រុមអ្នកផ្សងព្រេងដ៏ធំមួយនេះ បានបំបែកកំណត់ត្រាថ្មី ដោយប្រើរយៈពេល ៧ថ្ងៃ ចេញពីតំបន់អារ៉ែង ទៅកាន់ភ្នំខ្នងក្រពើ ខ្នងសំពៅ ខ្នងផ្សារ ដោយជោគជ័យ» ។
នេះមិនមែនជារឿងធម្មតាឡើយដែលក្រុមអ្នកផ្សងព្រេង ឆ្លងកាត់ឧបសគ្គរាប់មិនអស់ ក្រោមព្យុះភ្លៀង កំដៅថ្ងៃ ដើម្បីសម្រេចបេសកកម្មរបស់ខ្លួន ។ ក្រុមអ្នកដំណើរផ្សងព្រេងដ៏ល្បីមួយនៅកម្ពុជា តែងតែផ្សងព្រេង ដោយការបើករថយន្ត Off Road ទៅកាន់តំបន់ព្រៃភ្នំធម្មជាតិ ពុះជ្រែកកាត់ឧបសគ្គ ដែលពិបាកផ្សេងៗ ។
បើតាមទំព័រហ្វេសប៊ុកផេក Pol Rider បានបង្ហោះរូបភាពជាច្រើនសន្លឹក និងភ្ជាប់ជាមួយសារថា «អស្ចារ្យក្រុមមហាគ្រួសារឡាន Offroad កម្ពុជាយើងបំបែកកំណត់ត្រាថ្មី ប្រើពេល ៧ ថ្ងៃ ដើម្បីបើកឡានពីអារ៉ែង មកខ្នងក្រពើ ខ្នងសំពៅ និង ខ្នងផ្សារដោយជោគជ័យ ដែលជាតំបន់ទេសចរណ៍កំពុងតែពេញនិយម ។ បងប្អូនធ្លាប់ដឹងមកហើយតំបន់នេះ បើជិះឡានពីភ្នំពេញ រួចបន្តជិះគោយន្ត ចុងក្រោយបន្តដើរ ដោយថ្មើរជើងសរុបចូល១០ម៉ោង បានទៅដល់ ។ សូមសរសើរដល់បងប្អូនក្រុមមហាគ្រួសារ Offroad កម្ពុជាយើងតែងតែបំបែកកំណត់ត្រាថ្មី ក្នុងការបើកឡានទៅកាន់តំបន់ទេសចរណ៍ថ្មីៗ ដែលមិនងាយមានអ្នកទៅដល់» ។
ទោះជាយ៉ាងណា ការបើករថយន្ត Off Road បំបែកកំណត់ត្រាថ្មី ប្រើពេល៧ថ្ងៃ ឡើងដល់កំពូលភ្នំខ្នងផ្សារដោយជោគជ័យនេះ ក៏រងនូវពាក្យរិះគន់ខ្លះៗផងដែរ ដូចជា ប៉ះពាល់ទៅដល់ បរិស្ថាន និងសត្វព្រៃ ។ ជិះឡានរាប់គ្រឿងឡើងភ្នំឱរ៉ាល់ មានកាប់ដើមឈើអត់ ចុះលើកនេះប៉ុន្មានដើម ? បើផ្សព្វផ្សាយក្នុងរូបភាពបំផ្លាញបែបនេះគួរកុំអី ព្រោះចង់រក្សារបែបធម្មជាតិៗ ។ ធ្វើឲ្យខ្ទេចស្មៅធម្មជាតិ ដែលជាសោភ័ណភាពនៅទីនោះ ជាដើម ។
បើតាមសំណេររបស់ Pol Rider បានបកស្រាយថា «សូមបញ្ជាក់ជូនបងប្អូនដែល ខមិន ទាក់ទងជាមួយការបើកធ្វើឲ្យខ្ទេចស្មៅធម្មជាតិ ដែលជាសោភ័ណភាពនៅទីនោះ ស្មៅមិនបានខូចទេ វាគ្រាន់តែមានស្នាមកង់ កិនរាបបន្តិចបន្តួច ហើយវានឹងត្រូវខ្យល់បក់ងើបមកវិញ ដូចដើមក្នុង២ ទៅ៣ថ្ងៃបន្ទាប់ ។ សូមបងប្អូនបញ្ចេញយោបល់ដោយសច្ចៈ និងមានអំណះអំណាង ច្បាស់លាស់ ជាសវាងមានការយល់ច្រឡំខុស ។ ហើយផ្លូវឡានបើកនេះ គឺជិះតាមអារ៉ែង មិនមែនបើកតាមផ្លូវបងប្អូនថ្មើរជើង ដែលទៅតាមឱរ៉ាល់នោះទេ ដូច្នេះ មិនបានប៉ះពាល់ផ្លូវដើររបស់អ្នកដំណើរថ្មើរជើងដែរ (រូបភាពស្នាមកង់ឡាន) ខ្ញុំនឹងបង្ហាញវីដេអូឆាប់ៗនេះ» ៕
ចែករំលែកព័តមាននេះ