បុគ្គលដែលមិនបានរក្សាសីល៥ សីល៨តែងរស់នៅពោរពេញទៅដោយសេចក្ដីប្រមាទ ដូចប្រមាទក្នុងការងារ ប្រមាទក្នុងការចិញ្ចឹមថែរក្សាបុត្រភរិយា មាតាបិតាជាដើម និងប្រមាទក្នុងជីវិត។ មិនតែប៉ុណ្ណោះអ្នកមិនមានសីលតែងប្រព្រឹត្តនូវអំពើអបាយមុខផ្សេងៗ មានលេងល្បែង សេពគប់បាបមិត្ត លេងស្រី ផឹកសុរាជាដើម ដែលជាអំពើបំផ្លិចបំផ្លាញទ្រព្យសម្បត្តិ និងកិត្តិយស កេរ្តិ៍ឈ្មោះវិនាសចាកក្រុមគ្រួសារទៀតផង។ ការទ្រុស្ដសីលមានទោស៤យ៉ាងក្នុងបច្ចុប្បន្នគឺៈ
១-នាំឲ្យវិនាសទ្រព្យសម្បត្តិ ក្នុងបច្ចុប្បន្នទាន់ហន់នឹងភ្នែកស្រស់ៗ ។
២-នាំឲ្យមានកេរ្តិ៍ឈ្មោះអសោចិ៍ ដែលគួរឲ្យតិះដៀលស្អប់ខ្ពើមអំពីអ្នកដទៃ ។
៣- ជាអ្នកឱនមុខចុះ មិនក្លៀវក្លា ក្នុងទីប្រជុំជន ។
៤-ជាអ្នកវង្វេង មានអារម្មណ៍មិនល្អ នៅពេលជិតមរណកាល ។
ព្រះសម្ពុទ្ធត្រាស់សម្តែងថា បុគ្គលអាប់ឥតប្រាជ្ញា មិនប្រព្រឹត្តព្រហ្មចរិយធម៌រមែងជាអ្នកមិនបានទ្រព្យសម្បត្តិក្នុងពេលដែលខ្លួននៅជាកំលោះ ក្រមុំ ពួកគេតែងក្រហល់ក្រហាយដូចក្រៀលចាស់ដែលក្រហល់ក្រហាយក្នុងភក់គ្មានត្រីយ៉ាងនោះឯង ។ សាន សារិន
ចែករំលែកព័តមាននេះ