រាជធានីភ្នំពេញ ៖ អ្នកស្រី ម៉ម សុម៉ាលី ស្ថាបនិកអង្គការ«អាហ្វីស៊ីប»មើលថែទាំក្មេងកំព្រា និងជនរងគ្រោះដោយសារអំពើរំលោភសេពសន្ថវៈ បានបង្ហោះសារអោយដឹងថា «មួយរយៈនេះ ឳពុករំលោភកូនស្រីខ្លួនឯង…
រាជធានីភ្នំពេញ ៖ អ្នកស្រី ម៉ម សុម៉ាលី ស្ថាបនិកអង្គការ«អាហ្វីស៊ីប»មើលថែទាំក្មេងកំព្រា និងជនរងគ្រោះដោយសារអំពើរំលោភសេពសន្ថវៈ បានបង្ហោះសារអោយដឹងថា «មួយរយៈនេះ ឳពុករំលោភកូនស្រីខ្លួនឯង កាន់តែកើនឡើង ពេលខ្លះអ្នកស្រីពិតជាមិនចង់និយាយ មិនចង់ផុសភាពរងគ្រោះព្រោះក្តុកក្តួលហួសនិយាយ ប៉ុន្តែករណីថ្មីទៀតហើយ ឳពុកបង្កើតរំលោភកូនស្រីខ្លួនឯង អាយុ១៥ឆ្នាំ នេះសុទ្ធសឹងជារឿងហេតុដ៏ធ្ងន់ធ្ងរពិបាករៀបរាប់ ឳពុកម្នាក់មានចិត្តតិរច្ឆានស្រលាញ់កូន រហូតចង់យកកូនខ្លួនធ្វើប្រពន្ធចុង» ទៅវិញ ។
អ្នកស្រី ម៉ម សុម៉ាលី បញ្ជាក់យ៉ាងដូច្នេះថា «ចាប់តាំងពីនាងពេញវ័យក្រមុំ នាដើមខែមករា ឆ្នាំ២០២០មក ឳពុករបស់នាងតែងតែឃាត់ឃាំង មិនអោយទៅសាលារៀន មិនអោយជួបមិត្តភក្តិ បើហ៊ានជួប គឺត្រូវឳពុកវាយនឹងខ្យែភ្លើង ។ ចាប់ពីខែមេសា ឆ្នាំ២០២០មក ដោយឃើញរូបរាងនាងពេញវ័យ ឳពុកក៏ចាក់សោ ទុកនាងក្នុងបន្ទប់ មិនអោយចេញទៅណាទេ ហើយឳពុកដែលមានចិត្តតិរច្ឆាន ចាប់ផ្តើមវាយធ្វើបាបប្រពន្ធ រករឿងមិនអោយប្រពន្ធចូលផ្ទះ ដើម្បីជាលេស រំលោភកូនស្រីខ្លួនឯង ។ ថ្ងៃទី២៣ មិថុនា ២០២០នេះ នាងបានមកដល់មណ្ឌលស្តារនីតិសម្បទា របស់អង្គការអាហ្វេស៊ីបហើយ» ។
អ្នកស្រី ម៉ម សុម៉ាលី សូមអរគុណអាជ្ញាធរមូលដ្ឋាន សមត្ថកិច្ច លោក-លោកស្រីមន្ត្រីមន្ទីរសង្គកិច្ច ស្រុកស៊ីធរកណ្តាល ខេត្តព្រៃវែង ដែលបានជួយជ្រោមជ្រែង និងសហការយ៉ាងមុតមាំ ក្នុងកិច្ចការងារនេះ ។
គួរបញ្ជាក់ថា នៅខែមិថុនា ឆ្នាំ២០២០ កម្លាំងនគរបាលនៃអធិការដ្ឋាននគរបាលស្រុកស៊ីធរកណ្តាល តាមបញ្ជារបស់ព្រះរាជអាជ្ញាសាលាដំបូងខេត្តព្រៃវែង បានឃាត់ខ្លួនបុរសជាឪពុកម្នាក់ ដែលរំលោភកូនស្រីរបស់ខ្លួន អាយុ១៥ឆ្នាំ រហូតបានសម្រេច ច្រើនដង។
បុរសជាឪពុករំលោភកូនស្រីបង្កើតរបស់ខ្លួននេះ មានអាយុ៤២ឆ្នាំ ត្រូវបានប្រពន្ធ និងកូនស្រី ប្តឹងពីបទប្រើអំពើហិង្សាក្នុងគ្រួសារ(វាយប្រពន្ធ) និងរំលោភសេពសន្ទវៈទៅលើកូនស្រីបង្កើត បានសំរេចចំនួន៤លើក នៅលើផ្ទះរបស់ខ្លួន ហើយគំរាមកូនស្រី បើហ៊ានប្រាប់គេឲ្យដឹង នឹងសម្លាប់ម្ដាយ ដែលជាប្រពន្ធរបស់ខ្លួនចោល ។
បច្ចុប្បន្ន ឳពុកចិត្តតិរច្ឆាន រូបនេះ កំពុងជាប់ឃុំនៅក្នុងពន្ធនាគារខេត្តព្រៃវែង ៕
ចែករំលែកព័តមាននេះ