ខេត្តបន្ទាយមានជ័យ ៖ តាមសេចក្តីរាយការណ៍បឋមបានឱ្យដឹងថា បុរសចំណាស់ម្នាក់ដែលជួបគ្រោះអកុសលជាន់មីនផ្ទុះដាច់ជើងទាំង២កាលពីរសៀលថ្ងៃទី២៣ មិថុនា ឆ្នាំ២០២០ នៅភូមិទំនប់ដាច់ ឃុំអូរបីជាន់ ស្រុកអូរជ្រៅ បានទទួលមរណភាពហើយនៅរសៀលថ្ងៃទី២៤…
ខេត្តបន្ទាយមានជ័យ ៖ តាមសេចក្តីរាយការណ៍បឋមបានឱ្យដឹងថា បុរសចំណាស់ម្នាក់ដែលជួបគ្រោះអកុសលជាន់មីនផ្ទុះដាច់ជើងទាំង២កាលពីរសៀលថ្ងៃទី២៣ មិថុនា ឆ្នាំ២០២០ នៅភូមិទំនប់ដាច់ ឃុំអូរបីជាន់ ស្រុកអូរជ្រៅ បានទទួលមរណភាពហើយនៅរសៀលថ្ងៃទី២៤ មិថុនា ឆ្នាំ២០២០នេះ។ គួររំលឹកថា ប្តីទូរស័ព្ទទៅប្រពន្ធថា៖ គាត់ជាន់មីនផ្ទុះដាច់ជើងហើយ មកជួយយកគាត់ផង
បុរសរងគ្រោះខាងលើឈ្មោះញ៉ែម ឆឹម ហៅស៊ឹម អាយុ៦០ឆ្នាំ មានទីលំនៅក្នុងភូមិឃុំកើតហេតុខាងលើ។
តាមប្រភពព័ត៌មានបានឱ្យដឹងថា បុរសរងគ្រោះបានបាត់បង់ជីវិតនៅមន្ទីរពេទ្យបង្អែកមង្គលបូរីនៅរសៀលថ្ងៃទី២៤ មិថុនា ឆ្នាំ២០២០នេះ ដោយសាររងរបួសធ្ងន់ធ្ងរពេក មិនអាចសង្គ្រោះបានឡើយ។
បច្ចុប្បន្ន សពកំពុងត្រូវបានក្រុមគ្រួសាបញ្ជូនពីមន្ទីរពេទ្យទៅកាន់លំនៅដ្ឋានដើម្បីធ្វើបុណ្យតាមប្រពៃណី ខណៈអាជ្ញាធរនិងសមត្ថកិច្ចជួរមុខបានចូលបុណ្យជាអង្ករ និងថវិកាជូនដល់គ្រួសាសពដើម្បីចូលរួមរំលែកទុក្ខផងដែរ៕ (កែសម្រួលដោយ ៖ ធីតា)
ចែករំលែកព័តមាននេះ