រាជធានីភ្នំពេញ៖ ពិធីការី ពូកែវោហាស័ព្ទ និងមានប្រជាប្រិយតាមរយៈកម្មវិធីធំលំដាប់ៗពិភពលោក របស់ស្ថានីយ៍ទូរទស្សន៍ក្នុងស្រុក អ្នកនាង ចាន់ កែវនិមល កំពុងថ្មីៗនេះហាក់ជួបព្យុះរលកបោកបក់ខ្លាំងក្រោយពីត្រូវបានគេរាយការណ៍ថានាងបានបាត់បង់ដំណែងពីកម្មវិធីសំខាន់ៗនោះ ស្រាប់តែថ្មីៗនេះស្រីស្អាតរាងខ្ពស់ស្រឡៈរូបនេះបានធ្វើរឿងមួយយ៉ាងរំភើបទៅដល់កូនស្រីតែមួយនិងជាទីស្រសាញ់នៅក្នុងថ្ងៃពិសេសរបស់កូន ដែលអ្នកម្តាយមួយចំនួនកម្ររនឹងធ្វើបែបនេះណាស់ ។
ពិធីការីដែលកាន់ក្បាលមេក្រូពោលពាក្យអត្ថាធិប្បាយយ៉ាងស្ទាត់ជំនាញនៅក្នុងកម្មវិធី នាង ចាន់ កែវនិមល ជាមួយនឹងស្វាមីរបស់នាង បានបំពេញក្តីស្រម៉ៃដ៏ធំទៅដល់កូនស្រីទោលរបស់ពួកគេ ដោយហ៊ានចំណាយលុយទិញផ្ទះវីឡាយ៉ាងស្កឹមស្កៃ នៅក្នុងថ្ងៃខួបកំណើតកូនស្រី ដើម្បីបង្ហាញនូវក្តីស្រលាញ់ និងផ្តល់ភាពកក់ក្តីមួយយ៉ាងជាលជ្រៅចំពោះកូន ។ នេះបើយាងតាមការបង្ហោះវីដេអូរបស់អ្នកនាង ចាន់កែវ និមលតាមរយៈហ្វេសប៊ុក កាលពីថ្ងៃទី ២២ ខែមិថុនា ឆ្នាំ២០២០កន្លងទៅនេះ។
រីឯកាដូដល់វិសេសវិសាលមួយនេះ ជាការសន្យាមួយរបស់អ្នកនាង និងស្វាមីក្នុងការសម្រេចក្តីស្រម៉ៃរបស់កូន ដោយនៅក្នុងនោះផងដែរ អ្នកនាង ចាន់ កែវនិមល ក៏បានសន្យាមួយទៀតចំពោៈកូនស្រីថា នឹងយកកូនមួយទៀតសម្រាប់ជាក្តីប្រាថ្នាទី៣របស់កូនស្រីផងដែរ ។
គួរបញ្ជាក់ផងដែរថា អ្នកនាង ចាន់ កែវនិមល ហាក់ស្ងាត់ពីរង្វង់សិល្បៈតាមរយៈ ការធ្វើជាពិធីការី នៅកម្មវិធីនានា របស់ស្ថានីយទូរទស្សន៏ធំមួយក្នុងស្រុក បន្ទាប់ពីពើបប្រទៈនូវរឿងរ៉ាវក្តៅមួយក្តាំង ព្រោះ គេសង្កេតឃើញថា ដំណែងជាពិធិការិនីសម្រាប់កម្មវិធីធំៗសឹងទាំងអស់ដែលនាងធ្លាប់ធ្វើជាមួយ លោកជា វិបុល បែរជាឃើញអ្នកនាង គង់ សុជាតិ ដែលជាភរិយាលោកជា វិបុល កាន់ជំនួសទៅវិញ តែទោះបីជាយ៉ាងអ្នកនាង ចាន់ កែវនិមលមិនទាន់បានបកស្រាយពត៌មានមួយនេះនៅឡើយទេ៕
ចែករំលែកព័តមាននេះ