កំសាន្ត
ធ្ងន់និងស្រាល
ស្ដ្រីម្នាក់ធាត់ប៉ុនបាវឆ្នូតទៅជួបវេជ្ជបណ្ឌិតសុំប្រឹក្សា របៀបសម្រកទំងន់ឱ្យមានប្រសិទ្ធភាព ។ លោកវេជ្ជបណ្ឌិតពិនិត្យមើល មាឌស្ដ្រីនោះរួចសួរ ៖
-ពេលអ្នកស្រីធ្ងន់បំផុតតើប៉ុន្មានគីឡូក្រាម ?
- ធ្ងន់និងស្រាល
- សុបិន្តសប្បាយចិត្ដ
- ឋានសួគ៌
- បង្ការផលវិបាក
- ប្រទ្បងធ្លាក់ហើយ
- សួរនាំ
- សំដីក្មេង
ស្ដ្រីម្នាក់ធាត់ប៉ុនបាវឆ្នូតទៅជួបវេជ្ជបណ្ឌិតសុំប្រឹក្សារបៀបសម្រកទំងន់ឱ្យមានប្រសិទ្ធភាព ។ លោកវេជ្ជបណ្ឌិតពិនិត្យមើល មាឌស្ដ្រីនោះរួចសួរ ៖
-ពេលអ្នកស្រីធ្ងន់បំផុតតើប៉ុន្មានគីឡូក្រាម ?
-ចាស៎,៩០គីឡូក្រាម ។
-ចុះពេលស្រាលបំផុត ?
-ពេលស្រាលបំផុតបានតែ៨,៨គីឡូក្រាម ប៉ុណ្ណោះ។
-យី, ម៉េចអ៊ីចឹង ?
-ព្រោះពេលម្ដាយខ្ញុំសម្រាលខ្ញុំមកថ្លឹងបានតែប៉ុណ្ណឹង៕
ប្ដីប្រពន្ធមួយគូមានកូនប្រុសស្រី៩នាក់។ យប់មួយបុរសជាប្ដីដេកយល់សប្ដិសើច កក្អៀកម្នាក់ឯង ។ ស្អែកឡើងប្រពន្ធសួរៈ
-យប់មិញបងឯងយល់សប្ដិឃើញអីបានជាសើចសំបើមម្ល៉េះ ?
-បងយល់សប្ដិឃើញរឿងមួយគួរឱ្យ សប្បាយចិត្ដបំផុតហ្នឹងណា៎ ។
-ឃើញអី ?
-គឺឃើញថាពួកយើងអត់ទាន់មានកូនសោះ ។ វាជារឿងគួរឱ្យហួសចិត្ដបំផុត ព្រោះមិនបានបែកញើសហូរញើសរកប្រាក់ ចិញ្ចឹមកូននិងបង់ថ្លៃសាលារៀន ។
-ចុះឥឡូវ… ។
-អូនកុំអាលចង់ដឹង, ចាំយប់នេះបងយល់ សប្ដិបន្ដសិនទើបឆ្លើយបាន ៕
ប្រពន្ធសួរប្ដី
-ខ្ញុំឃើញបងឧស្សាហ៍អានកំណាព្យរបស់ កវីអង់គ្លេសឈ្មោះមិលតុន( Miltin) អ៊ីចឹង មានដឹងហេតុការណ៍ធំក្នុងជីវិតអ្នកកវីរូប នោះគឺអ្វីទេ ?
-បងដឹងច្បាស់, ក្រោយការប្រពន្ធបាន មួយរយៈ គាត់និពន្ធកំណាព្យយ៉ាងពីរោះមួយ មានចំណងជើងថា “ឋានសួគ៌បាត់ហើយ”។ នៅជាមួយគ្នាបានប៉ុន្មានឆ្នាំប្រពន្ធគាត់ស្លាប់ ចោលគាត់ ពេលនោះស្រាប់តែគាត់និពន្ធកំណាព្យមួយមានចំណងជើងថា “ឋានសួគ៌ ត្រឡប់មកវិញហើយ” .
បន្ទាប់ពីរៀបអាពាហ៍ពិពាហ៍រួចប្ដីប្រាប់ ប្រពន្ធ ៖
-យើងប្រមូលវិក្កយបត្រទិញអីវ៉ាន់ សំរាប់ពិធីអាពាហ៍ពិពាហ៍របស់ពួកយើងដុត ចោលអស់ទៅ កុំឱ្យសល់មួយសន្លឹកឱ្យសោះ។
ប្រពន្ធបើកភ្នែកក្រឡង់ ៖
-ម៉េចចាំបាច់ដុតចោល ?
-ដើម្បីកុំឱ្យមានផលវិបាកទៅថ្ងៃក្រោយ។ បងខ្លាចក្រែងកូនយើងឃើញវិក្កយបត្រទាំងនោះ ពួកវាញាក់សាច់លែងហ៊ានយកប្រពន្ធ យកប្ដី៕
និស្សិតម្នាក់មានភាពអំនួត និយាយប្រាប់ ពួកនិស្សិតមិត្ដភក្ដិៈ
-ប៉ុន្មានឆ្នាំទៀត ពួកឯងមុខជាភ្ជាប់ ឈ្មោះយើងជាមួយសាលានេះមិនខាន ។
-ភ្ជាប់យ៉ាងម៉េច ?
-គឺពេលដើរកាត់សាលានេះ ពួកឯងលាន់ មាត់ប្រាប់គ្នីគ្នាថា “នេះជាសាលាដែល អ៊ីវ៉ាណូវ ធ្លាប់រៀន” ។
ឮដូច្នេះនិស្សិតម្នាក់ពេបមាត់ ៖
-មិនបាច់ប៉ុន្មានឆ្នាំទៀតទេ ឱ្យតែខែក្រោយឯងប្រឡងមិនជាប់មុខជាឮពាក្យហ្នឹង ហើយ ៕
ភ្នាក់ងារប៉ូលិសចរាចរផ្លុំកញ្ចែហៅយុវជន ជិះម៉ូតូបញ្ច្រាសផ្លូវឯកទិស ៖
-លោកដឹងនេះជាផ្លូវឯកទិសទេ ?
-បាទ, ថីមិនដឹង ។
-បើដឹងហេតុអីហ៊ានជិះបញ្ច្រាស ?
-អូ, ខ្ញុំឃើញលោកសេហ្វដូចជាធ្លាប់ ស្គាល់គ្នាទើបជិះមកសួរនាំតើ ៕
កុមារម្នាក់អួតប្រាប់កុមារម្នាក់ទៀត ៖
-ចាំមើលណា៎, ធំឡើងអញធ្វើកីឡាករ បាល់ទាត់ល្បីឈ្មោះមិនខាន ។
-បើឯងធ្វើកីឡាករបាល់ទាត់់មែន អញ ធ្វើអ្នកទស្សនាគាំទ្រក្រុមម្ខាងទៀតក្រឡុក អ្ហែងឱ្យទាត់លែងកើត ៕
ចែករំលែកព័តមាននេះ