ពេលខ្លះអ្នកត្រូវតែកុហក ដើម្បីបានអ្វីដែលខ្លួនចង់បាន !
លោក សៃម៉ន ស៊ីនេក (Simon Sinek) ដែលជាអ្នកនិពន្ធសៀវភៅ Start With Why: How…
លោក សៃម៉ន ស៊ីនេក (Simon Sinek) ដែលជាអ្នកនិពន្ធសៀវភៅ Start With Why: How Great Leaders Inspire Everyone to Take Action និង The Infinite Game បានចែករំលែកថា ការនិយាយកុហកមិនតែងតែអាក្រក់ទេ ។
លោកបានចែករំលែកពីរឿងមួយរបស់មិត្តភក្តិម្នាក់របស់លោកដែលបានកម្ម៉ង់ស៊ុបមួយចាន និងសួរអ្នករត់តុថាតើវាជាស៊ុបមាន់ឬស៊ុបបន្លែ ។ អ្នករត់តុបានប្រាប់ថាវាជាស៊ុបបន្លែសុទ្ធ ។ ពេលដែលស៊ុបបានមកដល់លើតុហើយ លោកបានសួរទៅកាន់អ្នករត់តុម្តងទៀតនិងបាននិយាយថាលោកមិនអាចទទួលទាន់សាច់មាន់បានទេ បើមិនដូច្នេះទេលោកនឹងប្រកាច់ ។
មិនយូរប៉ុន្មានអ្នករត់តុកបានដកស៊ុបចេញពីលើតុវិញព្រោះវាជាស៊ុបមាន់ពិតមែន ។
លោក ស៊ីនេក បានបកស្រាយថា ពេលដែលមិត្តរបស់លោកបង្ខំឲ្យអ្នករត់តុទទួលខុសត្រូវ អ្នករត់តុក៏បានវិនិយោគពេលវេលានិងចាប់អារម្មណ៍លើតម្រូវការរបស់មិត្តរបស់លោក ។
លោក ស៊ីនេក មិនផ្តល់យោបល់ឲ្យមនុស្សប្រើការកុហកដើម្បីលាក់បំបាំងកំហុសឆ្គងរបស់ខ្លួនទេ ប៉ុន្តែលោកបានប្រាប់ថា ប្រសិនជាអាច អ្នកគួរតែបង្ខំឲ្យអ្នកដទៃទទួលខុសត្រូវនៅកន្លែងការងារព្រោះប្រសិនបើមានលទ្ធផលមិនល្អកើតមានឡើង អ្នកដែលទទួលខុសត្រូវនឹងចេញមុខឡើងមកដោះស្រាយ ។
ក្រៅពីនេះទៅទៀត លោកស៊ីនេកបានបន្តបកស្រាយថា ពេលដែលពួកយើងឲ្យមនុស្សទទួលខុសត្រូវលើការងារអ្វីមួយ ប៉ុន្តែអ្នកត្រួតពិនិត្យការងាររបស់ពួកគេ ១០០ដងមុនពេលផ្ញើទៅអតិថិជន នោះពួកគេមិនមែនជាអ្នកទទួលខុសត្រូវទេ គឺអ្នកទៅវិញទេ ។
លោកបានបន្តថា «ពេលដែលពួកយើងឲ្យមនុស្សម្នាក់ទទួលខុសត្រូវកាន់តែច្រើន ពួកគេក៏នឹងមានភាគរយខ្ពស់ក្នុងការជួយដល់អ្នកដទៃដើម្បីធានាថាអ្វីៗគ្រប់យ៉ាងគ្មានបញ្ហាដែរ ។ សូម្បីតែអ្នករត់តុក៏ដឹងដែរ» ។
រឿងដែលលោក ស៊ីនេក បានចែករំលែកពីស៊ុបនោះចង់បង្ហាញប្រាប់ថា មិនថាវាជាការកុហក ឬការបោកប្រាស់អ្នកដទៃទេ ពេលខ្លះការនិយាយកុហកអាចជួយអ្នកដទៃឲ្យក្លាយជាមនុស្សល្អបានព្រោះពួកគេចាប់ផ្តើមទទួលខុសត្រូវលើការងាររបស់ខ្លួន ៕
ចែករំលែកព័តមាននេះ