នាយករដ្ឋមន្ត្រីអង់គ្លេស ប្រកាសបើកប្រទេសឡើងវិញ ចាប់ពីថ្ងៃទី៤ កក្កដា
ទីក្រុងឡុងដ៍ ៖ ហាងស្រាកន្លែងកម្សាន្ត ភោជនីយដ្ឋាន សណ្ឋាគារ និងហាងកាត់សក់ អាចបើកចាប់ពីថ្ងៃទី៤ ខែកក្កដា នៅក្នុងប្រទេសអង់គ្លេស នៅពេលដែលច្បាប់ទាក់ទងនឹងសង្គម…
ទីក្រុងឡុងដ៍ ៖ ហាងស្រាកន្លែងកម្សាន្ត ភោជនីយដ្ឋាន សណ្ឋាគារ និងហាងកាត់សក់ អាចបើកចាប់ពីថ្ងៃទី៤ ខែកក្កដា នៅក្នុងប្រទេសអង់គ្លេស នៅពេលដែលច្បាប់ទាក់ទងនឹងសង្គម…
ទីក្រុងឡុងដ៍ ៖ ហាងស្រាកន្លែងកម្សាន្ត ភោជនីយដ្ឋាន សណ្ឋាគារ និងហាងកាត់សក់ អាចបើកចាប់ពីថ្ងៃទី៤ ខែកក្កដា នៅក្នុងប្រទេសអង់គ្លេស នៅពេលដែលច្បាប់ទាក់ទងនឹងសង្គម នឹងត្រូវបានបន្ធូរបន្ថយ នេះបើយោងតាមសារព័ត៌មាន BBC ចេញផ្សាយនៅម៉ោងជិត៧យប់ថ្ងៃទី២៣ មិនុថា ២០២០នេះ ។
លោកនាយករដ្ឋមន្ត្រី Boris Johnson បានថ្លែងសុន្ទរកផ្ទាល់ ថា ប្រជាជនគួរតែស្ថិតនៅចម្ងាយ២ម៉ែត្រពីគ្នា បើអាចធ្វើទៅបាន ប៉ុន្តែច្បាប់”មួយម៉ែត្របូក” នឹងត្រូវណែនាំឲ្យអនុវត្ត ។
ក្រុមគ្រួសារពីរ នៅក្នុងប្រទេសអង់គ្លេស ក៏នឹងអាចជួបនៅក្នុងផ្ទះនិងស្នាក់នៅមួយយប់ ដោយការរក្សាគម្លាតឱ្យនៅឆ្ងាយពីគ្នា តាមច្បាប់គម្លាតសង្គម”មួយម៉ែត្របូក” ។
លោកនាយករដ្ឋមន្ត្រី ក៏បានព្រមានថា គ្រប់វិធានបន្ធូរបន្ថយទាំងអស់នេះ គឺ«អាចវិលត្រឡប់ បិទដូចដើមវិញបាន» ។
ការជួបជុំក្នុងគ្រួសារ នឹងមិនហាមទេ ប៉ុន្តែមិនត្រូវមកជុំគ្នាអ៊ូអរពេញផ្ទះនោះទេ ប្រជាជននឹងត្រូវរក្សាគម្លាតសង្គម ដូច្នេះសមាជិកគ្រួសារ ដែលរស់នៅបែកគ្នា មិនអាចឱបស្និតស្នាលគ្នាបានទេ ។
លោក ចនសុន បាននិយាយថា ប្រជាជននឹងត្រូវបានលើកទឹកចិត្តឱ្យប្រើ ដូចជាម៉ាស និងមិនអង្គុយទល់មុខគ្នា យ៉ាងហោចណាស់នៅចម្ងាយ ២ម៉ែត្រពីគ្នា និងកន្លែងសម្រាប់មនុស្សអង្គុយ ដែលអាចធ្វើទៅបាន គួរតែទុកចម្ងាយ ២ម៉ែត្រពីគ្នា ។
លោកនាយករដ្ឋមន្ត្រី បានមានប្រសាសន៍ទៀតថា “គោលការណ៍របស់យើង គឺការជឿទុកចិត្តលើប្រជាជនអង់គ្លេស ឱ្យប្រើគំនិត និងចំណេះដឹងរបស់ពួកគេ ពីហានិភ័យនៃវីរុសកូវីដ១៩ ដោយចងចាំថា «យើងបើកកាន់តែច្រើន យើងត្រូវប្រុងប្រយ័ត្នកាន់តែខ្ពស់» ។
ក្នុងពិធីមង្គលការនីមួយៗ នឹងត្រូវបានអនុញ្ញាតឱ្យមានអ្នកចូលរួមត្រឹមចំនួន ៣០នាក់ ហើយកន្លែងសក្ការៈបូជា នឹងត្រូវបានអនុញ្ញាតឱ្យធ្វើសេវាកម្មឡើងវិញដែរ ។
អាជីវកម្មនៅផ្ទះ នៅក្នុងហាងស្រា និងភោជនីយដ្ឋាន នឹងត្រូវបានអនុញ្ញាតិឱ្យបើកសេវាកម្ម ហើយទីកន្លែងនីមួយៗ នឹងស្នើសុំឱ្យមាន តុទទួលព័ត៌មានអតិថិជន សម្រាប់ប្រព័ន្ធ NHS តេស្ត និងតាមដានកម្ដៅ ។
រោងកុន សាលវិចិត្រសិល្បៈ និងសារមន្ទីរ ក៏ត្រូវបានអនុញ្ញាតឱ្យបើកដំណើរការឡើងវិញ ដូចជារោងភាពយន្ត និងសាលមហោស្រព ទោះបីជាពួកគេមិនត្រូវបានអនុញ្ញាតឱ្យរៀបចំការសម្តែងផ្ទាល់ក៏ដោយ ។
ខណៈពេលនេះ លោកនាយករដ្ឋមន្ត្រី កំពុងថ្លែងសុន្ទរកថាជាបន្ត… ព័ត៌មានលម្អិតបន្ថែមទៀត នឹងត្រូវចេញផ្សាយនាពេលឆាប់ៗនេះ ៕
ចែករំលែកព័តមាននេះ