ប្រទេសកូរ៉េទាំង២ ៖ ប្រភពយោធាកូរ៉េខាងត្បូងរាយការណ៍នាថ្ងៃទី២៣ មិថុនាថា កូរ៉េខាងជើងបានដាក់ឡើងវិញ បណ្ដាប្រដាប់បំពងសំឡេងដែលផ្សាយបណ្ដាសារឃោសនានៅតាមព្រំដែនជាមួយកូរ៉េខាងត្បូង ដោយនាំឲ្យកងទ័ពកូរ៉េខាងត្បូងសិក្សា ពីលទ្ធភាពចាត់បណ្ដាវិធានការដូចគ្នានោះតបវិញ ។
ប្រភពយោធាបន្តទៀតថា កងទ័ពកូរ៉េខាងជើង ត្រូវបានមើលឃើញកំពុងតែដាក់ឡើងវិញ ប្រដាប់បំពងសំឡេង នៅជិតតំបន់ហាមមិនឲ្យមានកងទ័ព ។ ឧបករណ៍បំពងសំឡេងទាំងនោះ ត្រូវបានដកយកចេញ ក្រោយការចុះហត្ថលេខាដោយកូរ៉េទាំង២នូវកិច្ចព្រមព្រៀងមួយដែលសំដៅកាត់ផ្ដាច់រាល់ការប្រទូស្តរ៉ាយគ្នា ។
អ្នកនាំពាក្យម្នាក់របស់ក្រសួងការពារប្រទេសកូរ៉េខាងត្បូង បានបដិសេធមិនធ្វើអត្ថាធិប្បាយ លើសកម្មភាពទាំងនោះរបស់កូរ៉េខាងជើងតែថ្លែងជាថ្មីថា ក្រុងព្យុងយ៉ាងត្រូវទទួលខុសត្រូវលើបណ្ដាផលវិបាកនៃអំពើរបស់ខ្លួនប្រសិនបើនៅតែបន្តបំផ្លាញបណ្ដាការខិតខំប្រឹងប្រែងរួមដើម្បីថែរក្សាសនិ្តភាព ។
ការកើនឡើងវិញនៃភាពតានតឹងនៅឧបទ្វីបកូរ៉េមានប្រភពពីប្រតិបត្តិការរបស់បណ្ដាក្រុមអ្នក
រត់ចោលជួរកូរ៉េខាងជើងបញ្ជូនទៅកាន់ប្រទេសពួកគេ បណ្ដាខិត្តប័ណ្ណដែលប្រឆាំងនឹងមេដឹកនាំកូរ៉េខាងជើងលោកគីម ជុងអ៊ុន ៕ ដកស្រង់ចេញពីវេបសាយ ៖ yahoo (កែសម្រួលដោយ ៖ បុប្ផា)
ចែករំលែកព័តមាននេះ