មហាសេដ្ឋីម្នាក់ប្រាប់ពីអ្វីដែលលោកនឹងធ្វើប្រសិនបើលោកនៅក្មេងក្នុងជំនាន់កូវីដ-១៩ នេះ
ពេលដែលលោកមហាសេដ្ឋី រ៉េយ ដាលីអូ (Ray Dalio) នៅអាយុខ្ទង់ ២០ឆ្នាំក្រាស់ លោកបានបង្កើតក្រុមហ៊ុន Bridgewater Associates…
ពេលដែលលោកមហាសេដ្ឋី រ៉េយ ដាលីអូ (Ray Dalio) នៅអាយុខ្ទង់ ២០ឆ្នាំក្រាស់ លោកបានបង្កើតក្រុមហ៊ុន Bridgewater Associates…
ពេលដែលលោកមហាសេដ្ឋី រ៉េយ ដាលីអូ (Ray Dalio) នៅអាយុខ្ទង់ ២០ឆ្នាំក្រាស់ លោកបានបង្កើតក្រុមហ៊ុន Bridgewater Associates ។ ពេលនោះលោកជួបនឹងការបរាជ័យជាច្រើនរហូតជិតបានធ្វើឲ្យក្រុមហ៊ុនដួលរលំទាំងស្រុងនៅឆ្នាំ ១៩៨២ ។ បច្ចុប្បន្ននេះ Bridgewater Associates ស្ថិតក្នុងចំណោមក្រុមហ៊ុនធំៗជាច្រើន និងលោកដាលីអូបានកសាងទ្រព្យសម្បត្តិសរុបស្មើ ១៨ប៊ីលានដុល្លារផងដែរ ។
ក្នុងពេលថ្មីនេះលោកបានចែករំលែកលើ LinkedIn របស់លោកទាក់ទិននឹងអ្វីដែលលោកនឹងធ្វើប្រសិនបើលោកនៅវ័យក្មេងក្នុងកំឡុងពេលពិភពលោកកំពុងប្រឈមមុខនឹងការផ្ទុះជំងឺកូវីដ ១៩ នេះ ។
លោក ដាលីអូ បានប្រាប់ថា លោកនឹងផ្តោតស្មារតីលើការឆ្ងល់ ការរក្សាទំនាក់តំនងជាមួយមនុស្សដែលលោកខ្វល់ខ្វាយ និងការតាំងសមាធិ ។ ក្នុងកំឡុងពេលជាច្រើនឆ្នាំដែលលោកបានចំណាយក្នុងពិភពលោកអាជីវកម្មនេះបានធ្វើឲ្យលោករៀនចេះមេរៀនសំខាន់មួយ គឺអ្នកដឹកនាំអាជីវកម្មដែលល្អជាងគេជាមនុស្សដែលបន្តចេះដាក់ខ្លួន និងចេះស្តាប់មតិយោបល់របស់អ្នកដទៃមិនថាពួកគេជោគជ័យបានច្រើនប៉ុនណាទេ ។ ពួកគេជាមនុស្សដែលពូកែឆ្ងល់ និងតែងតែចង់ដឹងថាពួកគេមានខុសត្រង់ណាទេ ។
លោកក៏ឲ្យតម្លៃខ្លាំងលើការរក្សាទំនាក់ទំនងជាមួយមនុស្សដែលខ្លួនស្រលាញ់ដែរ ។ អ្នកជំនាញបានប្រាប់មកថាការមើលថែ និងខ្វល់ខ្វាយពីអ្នកដទៃជាវិធីដ៏មានប្រសិទ្ធិភាពមួយក្នុងការប្រឈមមុខនឹងស្ត្រេសក្នុងកំឡុងពេលមានការផ្ទុះជំងឺ ។
ជាចុងក្រោយ លោកដាលីអូចង់ចំណាយពេលតាំងសមាធិ ដែលជាទម្លាប់មួយដែលលោកគិតថាជាចំណុចនាំយកភាពជោគជ័យដល់លោក ។ លោកតាំងសមាធិប្រមាណ ២០នាទីជារៀងរាល់ថ្ងៃ តាំងពីលោកមានអាយុខ្ទង់ ២០ស្តើង ។
លោកបានប្រាប់ថា វិធីនេះបានជួយឲ្យលោកមានគំនិតបើកទូលាយ គិតបានជ្រៅជ្រះ មានចិត្តនឹងធឹង និងមានគំនិតច្នៃប្រឌិត ។ ក្រៅពីនេះទៅទៀត វាជួយធ្វើឲ្យពេលវេលាដើរយឺតជាងមុនដើម្បីឲ្យលោកឆ្លើយតយនឹងអ្វីៗជុំវិញខ្លួនដោយស្ងប់អារម្មណ៍ ទោះជាអ្វីៗជុំវិញខ្លួនពោរពេញដោយភាពច្របូកច្របល់ពិតមែនក្តី ៕
ចែករំលែកព័តមាននេះ