រាជធានីភ្នំពេញ ៖ តារាចម្រៀងជួរមុខនៅកម្ពុជាដែលមានប្រជាប្រិយខ្លាំង នៅក្នុងស្រទាប់យុវវ័យ អ្នកនាង ឱក សុគន្ធកញ្ញា បើទោះបីជាបានរៀបការ និងមានកូនប្រុសមួយរូបហើយក៏ដោយ តែនិយាយពីរូបសម្រស់វិញ…
រាជធានីភ្នំពេញ ៖ តារាចម្រៀងជួរមុខនៅកម្ពុជាដែលមានប្រជាប្រិយខ្លាំង នៅក្នុងស្រទាប់យុវវ័យ អ្នកនាង ឱក សុគន្ធកញ្ញា បើទោះបីជាបានរៀបការ និងមានកូនប្រុសមួយរូបហើយក៏ដោយ តែនិយាយពីរូបសម្រស់វិញ គឺធ្វើអោយមហាជនសរសើរមិនដាច់ពីមាត់ថា នាងពិតជាពូកែថែរក្សាសម្រស់អោយកាន់តែស្រស់សោភា ឃើញហើយសុភាពស្ត្រីនៅលីវអាចលួចច្រណែន ។
ជាក់ស្តែងថ្មីៗនេះទៀតសោត បុរសម្នាក់ក៏បានកែប្រែមុខមាត់តារាចម្រៀងស្រីរូបនេះឲ្យកាន់តែប្រែប្រួលស្រស់ស្អាតទ្វេដង ។ សម្រាលបុត្រទើបតែបាន៧ខែក៏ដោយ ប៉ុន្តែអ្នកនាងឱក សុគន្ធកញ្ញា ហាក់ទទួលបានភាពរឹងមាំ និងរឹងដៃរឹងយ៉ាងឆាប់រហ័ស និងបានចូលប្រឡូកនៅក្នុងសិល្បៈវិញ ដោយមិនក្លាយចាញ់អ្វីទាំងអស់ និងក្តោបបានឧកាសការងារពីទីផ្សាសិល្បៈតាមរយៈក្រុមហ៊ុនធំជាច្រើន ។
យ៉ាងណាមិញ នាពេលថ្មីៗនេះ អ្នកនាង ឱក សុគន្ធកញ្ញា បានបង្ហាញសម្រស់ពីការផាត់មុខបែបថ្មី ខ្ជូតៗ ដែលមិនធ្លាប់បានឃើញពីមុន និងបានធ្វើអោយអ្នកគាំទ្រលួចសម្លឹងថា អ្នកនាងនៅតែស្រស់ស្អាតដូចដើម បើទោះជាប្រែរូបរាងជាងមុនបន្តិចក៏ដោយ ។
នេះក៏ព្រោះតែអ្នកម៉ាក់សម័យថ្មីរូបនេះ ពូកែថែទាំសម្ផស្សអោយនៅតែស្រស់សោភា ទាំងការតុបតែងខ្លួន និងការលេងម៉ូតសម្លៀកបំពាក់របស់អ្នកនាង នៅតែស្អាត និងមានភាពឆ្នៃប្រឌិតប្លែកៗ អោយកាន់តែក្មេងជាងវ័យមិនអោយចាស់ក្រមុំនោះឡើយ ។
អាថ៌កំបាំងមួយក្នុងចំណោមអាថ៌កំបាំងនៃរូបសម្រស់ស្រស់សោភារបស់អ្នកនាង ឱក សុគន្ធកញ្ញា ដែលថ្មីៗនេះការថតផ្សាយពាណិជ្ជកម្មរបស់នាង គឺរូបនាងត្រូវបានផាត់មុខនិងតុបតែងផ្ទៃមុខឡើងក្មេង ស្រស់ស្អាតក្រៃ ក្រោមស្នាដៃរបស់អ្នកផាត់មុខអាជីព រ៉ា សុបញ្ញា ដែលប្រឡូកក្នុងវិស័យនេះជិត១០ឆ្នាំហើយនោះ ។
យ៉ាងណាមិញ អ្នកផាត់មុខអាជីពមួយរូបដែលធ្លាប់បានសម្តែងជាតួអង្គ «មនុស្សស្រលាញ់ភេទដូចគ្នា» ក្នុងបទចម្រៀងមួយបទរហូតជាប់រហ័សនាមថា «អ្នកស្រលាញ់ភេទដូចគ្នា» បានលះបង់នូវពេលវេលាជាច្រើនក្នុងការតុបតែងឲ្យតារាៗជាច្រើនដួង ទាំងតារាល្បីៗកប់ និងតួអង្គផ្សាយពាណិជ្ជកម្មជាដើម ក្នុងនោះមានតាំងពីអ្នកនាង ឱក សុគន្ធកញ្ញា, មាន សូនីតា, នាង Love Riya តារាល្បីខាងលក់ឡេក្លាយជាសេដ្ឋីនី, តារាសម្តែងស្វែង សុជាតា, នាង ពេជ្រ សោភា និងមានតារាជួរមុខជាច្រើនទៀត ៕
ចែករំលែកព័តមាននេះ