៤ មេរៀនពីលុយ និងជីវិតដែលមនុស្សមិនដឹងរហូតដល់យឺតពេល
លោក ម៉ូហ្គេន ហោសល (Morgan Housel) ដែលមកពី The Collaborative Fund និងជាអ្នកជំនាញផ្នែកហិរញ្ញវត្ថុបានចែករំលែកមេរៀនសំខាន់ៗទាក់ទងនឹងលុយ…
លោក ម៉ូហ្គេន ហោសល (Morgan Housel) ដែលមកពី The Collaborative Fund និងជាអ្នកជំនាញផ្នែកហិរញ្ញវត្ថុបានចែករំលែកមេរៀនសំខាន់ៗទាក់ទងនឹងលុយ…
លោក ម៉ូហ្គេន ហោសល (Morgan Housel) ដែលមកពី The Collaborative Fund និងជាអ្នកជំនាញផ្នែកហិរញ្ញវត្ថុបានចែករំលែកមេរៀនសំខាន់ៗទាក់ទងនឹងលុយ និងជីវិតដែលលោកចង់បង្រៀនដល់កូនស្រីលោកដោយយោងតាមការសិក្សាស្រាវជ្រាវរបស់លោកអស់រយៈពេលជាច្រើនឆ្នាំ ។ ខាងក្រោមនេះ គឺជាមេរៀនមួយចំនួនដែលដកស្រង់ចេញពីមេរៀនទាំងអស់ដែលលោកបានលើកឡើង ៖
១. កុំមើលងាយតួនាទីរបស់ឱកាស
មនុស្សជាច្រើនសន្មត់ថាទ្រព្យសម្បត្តិ និងភាពក្រីក្រកើតមានឡើងព្រោះតែជម្រើសរបស់មនុស្ស តែពេលខ្លះក៏វាមកពីឱកាសក្នុងជីវិតរបស់មនុស្សម្នាក់ៗដែរ ។ ក្រុមគ្រួសារ គោលការណ៍ ប្រទេស និងជំនាន់ដែលមនុស្សបានចាប់កំណើតក្នុងដើរតួយ៉ាងសំខាន់ណាស់ក្នុងការជះឥទ្ធិពលលើលទ្ធផលមនុស្សម្នាក់ៗ ។
ជាក់ស្តែង ការជឿជាក់លើការខិតខំប្រឹងប្រែងក៏សំខាន់ដែរ ប៉ុន្តែការខិតខំប្រឹងប្រែងមិនអាចនាំយកភាពជោគជ័យបានគ្រប់ពេលទាំងស្រុងទេ ហើយភាពក្រីក្រក៏មិនតែងតែកើតមានឡើងព្រោះតែភាពខ្ជិលច្រអូសដែរ ។
២. សមត្ថភាពក្នុងការគ្រប់គ្រងពេលវេលានាំយកផលចំណេញច្រើនជាងគេ
ការមានសមត្ថភាពក្នុងការធ្វើអ្វីដែលខ្លួនចង់ធ្វើ រាល់ពេលដែលខ្លួនចង់ធ្វើ ជាមួយមនុស្សដែលអ្នកស្រលាញ់ចូលចិត្តឲ្យតែអ្នកទទួលបានសុភមង្គលមានតម្លៃច្រើនជាងអ្វីដែលលុយអាចទិញបានទាំងអស់ ។
អារម្មណ៍សប្បាយរីករាយបានពីការទិញសម្ភារៈថ្មីនឹងបាត់បង់ទៅវិញយ៉ាងលឿន ប៉ុន្តែការមានការងារដែលមានម៉ោងធ្វើការអាចបត់បែនបាន និងមិនចាំបាច់ត្រូវការការធ្វើដំណើរយូរអាចនាំយកសុភមង្គលឲ្យអ្នកបានរយៈពេលវែងជាង ។ ការសម្រេចបានឯករាជ្យភាពគឺជាគោលដៅធំជាងគេក្នុងជីវិត ហើយចំនួនលុយដែលអ្នកសន្សំទុកថ្ងៃអនាគតគឺកំពុងតែជួយឲ្យអ្នកទិញយកភាពឯករាជ្យនោះមកបានហើយ ។
៣. មនុស្សមិនតែងតែទទួលបានអ្វីដែលខ្លួនចង់បានទេ
មិនមាននរណាអាចយល់ពីតម្លៃលុយប្រសិនបើពួកគេមិនធ្លាប់គ្មានលុយចាយទេ ។ ការរៀនសូត្រពីការដែលមនុស្សម្នាក់មិនតែងតែទទួលបានអ្វីដែលខ្លួនចង់បានជួយឲ្យមនុស្សយល់ដឹងពីតម្រូវការ និងការចង់បាន ។ ជាលទ្ធផល វានឹងជួយឲ្យមនុស្សរៀនចេញពីការរៀបចំការចាយវាយ ការសន្សំ និងការឲ្យតម្លៃលើអ្វីដែលខ្លួនកំពុងតែមានស្រាប់ ។
៤. កុំតែងតែទទួលយកដំបូន្មានដោយមិនបានគិតគូរឲ្យបានច្បាស់ជាមុនសិន
មេរៀនទាំងនេះសុទ្ធតែជាមេរៀនដែលមនុស្សរៀនសូត្រពេលដែលធំដឹងក្តី ឬពេលដែលយឺតពេលទៅហើយ ។ ប៉ុន្តែវាមិនមែនមានន័យថាអ្នកត្រូវស្តាប់តាមអ្នកដទៃគ្រប់ពេលទេមិនថាពួកគេមានបទពិសោធន៍ច្រើនជាងអ្នកប៉ុនណាក៏ដោយ ។
ពិភពលោករបស់អ្នកមានភាពខុសគ្នាពីពិភពលោករបស់អ្នកដទៃ និងពិភពលោករបស់ឪពុកម្តាយរបស់អ្នក ។ មានន័យថាមិនមាននរណាដែលមានចម្លើយត្រឹមត្រូវសម្រាប់អ្វីគ្រប់យ៉ាងទេ ។ ដូច្នេះមុនពេលស្តាប់តាមដំបូន្មានរបស់មនុស្សណាម្នាក់ ចូរគិតពីស្ថានការរបស់អ្នក គោលការណ៍របស់អ្នក និងគោលដៅក្នុងជីវិតរបស់អ្នកជាមុនសិន ៕
ចែករំលែកព័តមាននេះ