តាមប្រភពព័ត៌មាន The Sun បានឱ្យដឹងថា វិទ្យាសាស្ត្របានរកឃើញនូវអ្វីដែលគេហៅថា អរម៉ូនស្នេហា ដែលត្រូវបានបញ្ចេញពេលមនុស្សមានអារម្មណ៍ស្នេហា ក៏អាចធ្វើឱ្យមនុស្សឆាប់ខឹង និងឆេវឆាវផងដែរ។ ការសិក្សាថ្មីៗនេះ…
តាមប្រភពព័ត៌មាន The Sun បានឱ្យដឹងថា វិទ្យាសាស្ត្របានរកឃើញនូវអ្វីដែលគេហៅថា អរម៉ូនស្នេហា ដែលត្រូវបានបញ្ចេញពេលមនុស្សមានអារម្មណ៍ស្នេហា ក៏អាចធ្វើឱ្យមនុស្សឆាប់ខឹង និងឆេវឆាវផងដែរ។ ការសិក្សាថ្មីៗនេះ បានបង្ហាញថា អរម៉ូនអុកស៊ីតូស៊ីន ដែលត្រូវបានគេគិតថា ជួយបង្កើនទំនាក់ទំនងស្នេហា ក៏អាចជះឥទ្ធិពលអវិជ្ជមានដល់អាកប្បកិរិយាផងដែរ។
ក្រុមហ៊ុនជាច្រើនបានផលិតទឹកអប់បាញ់ចេញអរម៉ូនអុកស៊ីតូស៊ីន ក្នុងគោលបំណងឱ្យមនុស្សមានអារម្មណ៍ស្និទ្ធិស្នាលគ្នា និងមានទំនាក់ទំនងស្នេហាកាន់តែល្អប្រសើរ។ ប៉ុន្តែការសិក្សាថ្មីមួយ ដែលត្រូវបានចេញផ្សាយនៅក្នុងអត្ថបទវិទ្យាសាស្ត្រ Neuron បានបង្ហាញថា អរម៉ូននេះអាចបង្កឱ្យមានអាកប្បកិរិយាមិនល្អ។
វិទ្យាស្ថានស្រាវជ្រាវវិទ្យាសាស្ត្រ Weizmann និយាយថា ការជម្រុញអុកស៊ីតូស៊ីនអាចមានសក្តានុពលអវិជ្ជមាន។ ការសិក្សាបាននិយាយថា បន្ថែមពីលើការលើកកម្ពស់ការយល់ចិត្ត អុកស៊ីតូស៊ីន អាចនាំឱ្យមានអារម្មណ៍ច្រណែន និងអាកប្បកិរិយាមិនស្មោះត្រង់ ចំពោះមនុស្សចម្លែក ដែលធ្វើឱ្យវាក្លាយជា «ដាវមុខពីរ»។
លោក Sergey Anpilov លោក Noa Eren និងបុគ្គលិកវិទ្យាសាស្ត្របុគ្គលិកវេជ្ជបណ្ឌិត Yair Shemesh បានចំណាយពេលមួយសប្តាហ៍ ដើម្បីតាមដានសត្វកណ្តុរចំនួន ៤៤ក្បាល ក្នុងការពិសោធន៍អរម៉ូននេះ ហើយឃើញថា វានាំគ្នាដណ្តើមចំណីគ្នាស៊ី និងឈ្លានពានគ្នា ពេលដែលគេប្រើអរម៉ូននេះទៅលើពួកវា៕ ដកស្រង់ចេញពីវេបសាយ ៖ thesun (កែសម្រួលដោយ ៖ បុប្ផា)
ចែករំលែកព័តមាននេះ